Myndverkamaðurinn „gjess“ er eitt af birtingarformum Guðjóns Sigvaldasonar leikstjóra, en hann er Hornfirðingum kunnur fyrir uppsetningar sínar á ýmsum leikverkum hér á Höfn. Það eru þó ekki allir sem vissu að myndlist allskonar er einnig eitt af því sem hann tekur sér fyrir hendur, þó að vísu mætti ráða í það t.d með leikmyndinni á leikverkinu „Stræti“ sem sett var upp í Mánagarði 1996, þá hefur líka mátt sjá hugmyndavinnu hans í útfærslu búninga og ýmiskonar gerva á fyrri Humarhátíðum, en hann stjórnaði fríðum flokki Hornfirðinga í götuleikhúsi bæjarins hér á árum áður. Lesa meira

“Ó þeir voru svo yndislegir og þeir voru svo litlir og sungu svo yndislega” sagði Guðlaug Hestnes þegar hún var spurð um tónleika Det Danske Drengekór í Hafnarkirkju sl. föstudagskvöld. Þeir voru svo frábærir og söngskráin fjölbreitt, þeir voru með sálma, þjóðlög, gospeltónlist, djass og svo sungu þeir á íslensku lagið, Á Sprengisandi. Það virtist ekki vera hlutverk neinna sérstakra að syngja einsöng heldur að þeir skiptu því með sér og það hefur aldrei fyrr komið fyrir mig á tónleikum, að ég fór hreinlega að gráta þegar tveir litlir drengir gengu fram og sungu, þeir voru svo yndislegir sagði Guðlaug og bætir við “þessir drengir eru svo sannarlega landi sínu til sóma”. Lesa meira

Hjónin Fjölnir og Þorbjörg á Hala í Suðursveit hafa að undanförnu boðið upp á gönguferðir á söguslóðum Þórbergs. Undirrituð fór ásamt fleirum í mjög fræðandi og skemmtilega göngu á dögunum. Ferðin hófst á Steinasandi í Suðursveit spottakorn frá bænum Hala. Steinasandur er víðfeðmur og nokkuð grýttur og ekki fær nema jeppum. Um hann renna Steinavötn og Kaldakvísl sem breytir í sífellu um farveg þannig að umhverfið getur tekið stakkaskiptum frá degi til dags. Innst á sandinum undir Staðarfjalli er þó nokkur skógur en honum plantaði Þorsteinn Guðmundsson frá Reynivöllum ásamt Ungmennafélagi Suðursveitar á sínum tíma eða fyrir um það bil 50 árum. Þar vex núna innan um hávaxin grenitré og beinvaxið birki skógarfuru afbrigði sem sáir sér sjálft og dafnar vel í skjóli fjallanna. Lesa meira

Á morgun þriðjudag bíður Menningarmiðstöð upp á fuglaskoðunarferð fyrir ungdóminn undir leiðsögn Björns G. Arnarsonar sem er einn af okkar helstu fuglasérfræðingum. Þetta er fyrsta ferðin fyrir ungdóminn í sumar á vegum Menningarmiðstöðvarinnar og líkt og í fyrra þá verður farið í sveitina, á lúruveiðar svo eitthvað sé nefnt. Í fuglaskoðunarferðinni á morgun verður gengið inn eftir Ægisíðunni og í ferðinni má reikna með að sjá all flesta mófugla svo sem stelk, tjald og þúfutittling. Ef heppnin er með þátttakendum þá er aldrei að vita nema að hægt sé að koma auga á flækingsfugla sem eru nokkuð mikið á ferðinni. Björn veit um tvö heiður sem hann ætlar að sýna hópnum, hvaða hreiður það verða kemur á óvart. Í dag eru komnir ungar hjá flestum æðarfuglum svo sem öndum og gæsum. Þrestirnir eru mjög duglegir því ungarnir hjá þeim eru byrjaðir að æfa flugið og eru þrestirnir byrjaðir að verpa aftur en þess má geta að þeir verpa allt að þrisvar sinnum á sumri. Lesa meira