Beint í leiðarkerfi vefsins.
Jökulsárlón Fréttir
Eyja kemur úr felum í Jökulsárlóni
Reginöflin eru í ham við Breiðamerkurjökul sem hefur hopað um 200 metra frá í vor.
Lesa meira
Stórkostleg flugeldasýning
Um eitt þúsund og fimmhundruð manns voru á árlegri flugeldasýningu við Jökulsárlón sl. laugardagskvöld sem er margfalt á við fyrri sýningar.
Lesa meira
Metaðsókn að Jökulsárlóni
Aldrei hafa fleiri gestir heimsótt Jökulárlón eins og nú í sumar og stefnir í metár frá upphafi.
Jökulsárlón tekið við sem dýpsta vatn Íslands
Einar B. Einarsson, eigandi ferðaþjónustunnar Jökulsárlóns, komst nýverið lengra inn að jöklinum en áður og dýptarmældi við hinn nýja jaðar.
Lesa meira
Flugeldasýningin verður n.k. laugardagskvöld
Hin árlega flugeldasýning að Jökulsárlóni verður haldin n.k. laugardag og hefst sýningin á miðnætti. Að sögn Einars Björns Einarssonar staðarhaldara þá verður sýningin í ár með svipuðum hætti og undanfarin ár. Flugeldum er skotið upp af jökum vítt og bereitt um lónið og við það skartar það sínu fegursta. Aðgangseyrir að sýningunni er kr.500 fyrir fullorðna en frítt fyrir krakka. Allur ágóði af sýningunni rennur óskiptur til Björgunarfélags Hornafjarðar. Búist er við miklum fjölda gesta á sýninguna og vill Einar Björn beina því til þeirra sem ætla að koma að mæta tímanlega á svæðið því umferð getur orðið þung. Eins vill hann beina því til ökumanna að slökkva bílljósum þegar búið er að leggja bílnum á svæðinu.
Lesa meira
Flugeldasýningin á Jökulsárlóni 13. ágúst
Flugeldasýningin sem haldin hefur verið árlaga á Jökulsárlóni um Verslunarmannahelgina verður seinkað um tvær vikur og mun fara fram laugardagskvöldið 13.ágúst n.k. Einar Björn Einarsson staðarhaldari á Jökulsárlóni segir tvær megin ástæður fyrir breytingu á tímasetningunni, í fyrsta lagi þá gefst þeim sem leggja land undir fót um Verslunarmannahelgina kostur á að mæta og svo hin ástæðan sem er að hægt verður að byrja sýninguna fyrr um kvöldið en undanfarin ár hefur hún byrjað á miðnætti. Það munar um tvær vikur hvað dimmir fyrr segir Einar Björn.
Lesa meira
Góð auglýsing fyrir ferðaþjónustuna
Taka 22 tonna ísjaka á Jökulsárlóni og flutningur hans til Parísar hefur vakið mikla athygli ekki síst í Frakklandi. Fimm franskir blaðamenn fylgdust með þegar verið var að ná jakanum úr lóninu og koma honum á flutningabíl. Um morguninn áður ef jakatakan byrjaði bauð Einar Björn Einarsson staðarhaldari við Jökulsárlón blaðamönnum, ljósmyndurum og .fl í siglingu um lónið og var mikil ánægja með ferðina ásamt því sem fyrir augu bar. Ekki er nokkur vafi á að þetta ísjaka dæmi eins og það leggur sig verður mikil og góð auglýsing fyrir ferðaþjónustuna í Sveitarfélaginu Hornafirði.
Lesa meira
Notaleg tilfinning að sigla undir seglum um Jökulsárlón
Í þessu augnabliki erum við að leggja af stað til Þorlákshafnar með víkingaskipið Íslending á flutningabíl, sagði Gunnar Marel Eggertsson í gærkvöldi þegar fréttamaður vefsins hafði samband við hann í gærkvöldi og spurði frétta frá Jökulsárlóni. Myndatökur fyrir Bjólfskviðu sem teknar voru Jökulsárlóni, fóru fram á mánudaginn. Þetta var erfitt en mjög gaman segir Gunnar, það bar svo brátt að með að Íslendingur yrði hérna í kvikmyndatöku svo tími var ekki alveg nógur til að undirbúa skipið fyrir þetta og það þurfti meiri vinnu en maður reiknaði með í upphafi til að allt gengi upp. Þetta gekk upp og allar tímasetningar líka, allir voru mjög ánægðir með hvað myndatakan gekk vel. Gunnar segir að óneitanlega hafi það verið ánægjulegt og notaleg tilfinning að sigla Íslendingi undir seglum um Jökulsárlón.
Lesa meira
Víkingaskipið Íslendingur á Jökulsárlóni
Hluti kvikmyndarinnar Bjólfskviðu verður tekinn á Jökulsárlóni og mun þar víkingaskipið Íslendingur verða notað í upptökunni sem mun fara fram í byrjun næstu viku. Víkingaskipið kom með flutningabíl frá Reykjanesbæ og var tekið af bílnum í gær. Skipið verður síðan sjósett, eða sett á lónið áður en upptökur hefjast. Skipstjóri, smiður skipsins og okkar helsti sérfræðingur í víkingaskipum Gunnar Marel Eggertsson fylgir skipinu og er því staddur á Jökulsárlóni þessa stundina. Gunnar segir að það sé stefnt að því að setja skipið á flot í kvöld, en aðstæður á lóninu séu mjög sérstakar og þurfi því vel að vanda til verksins. Eins og alþjóð er kunnugt um þá sigldi Gunnar og áhöfn hans Íslendingi til Bandaríkjanna og Kanada með viðkomu á Grænlandi árið 2000.
Lesa meira
Magnaðasta flugeldasýning til þessa
Flugeldasýningin á Jökulsárlóni fór fram í gærkvöldi að viðstöddu um 800 manns sem kom víða að. Veður var upp á sitt besta og var Jökulsárlónið upptendrað af stórum kertum sem búið var að dreifa vítt og breitt um lónið sem gaf umhverfinu ævintýrablæ. Á lóninu mátti heyra Zodiac bátana þeytast um er verið var að leggja síðustu hönd á sýninguna. Það var mikil eftirvænting í loftinu og víða máttu heyra lýsingar þeirra sem höfðu séð sýninguna á síðasta ári. Rétt um hálftíma eftir miðnætti þegar myrkrið hafði skollið á varð allt í einu mikil kyrrð sem síðan var röfin með miklum hvellum og það birti yfir lóninu, sýningin var hafin. Í hálftíma mátti líta augum ljósadýrð sem myndaðist við samspil jökla og flugeldanna sem sprungu víða um lónið hver öðrum öflugri.
Lesa meira
Þetta vefsvæði byggir á Eplica