Sigurbjörg Sandra Olgeirsdóttir eða Sandra Olgeirs eins og flestir þekkja hana er fædd og uppalin á Hornafirði eða í Nesjahverfi nánar tiltekið.

Lesa meira

Fjöldi ungra Hornfirðinga er við nám og störf annarsstaðar og leikur okkur forvitni á að vita hvernig þeim gengur. Sendum við af stað "lyklaborð" og sá sem við segjum frá fyrst er Sævar Már Björnsson, sonur Hildar Gústafsdóttur og Björns Eymundssonar frá Hjarðarnesi. 

Lesa meira

Anna Sigurðardóttir flutti í Kópavoginn haustið 1998 og hefur búið þar síðan. Anna er dóttir hjónanna Aðalheiðar Geirsdóttur og Sigurðar Hjaltasonar fyrrv. sveitarstjóra á Höfn. Hún hefur unnið hjá Eignarhaldsfélaginu Brunabótafélag Íslands frá því hún flutti suður og tók við framkvæmdastjórastöðu félagsins árið 2001. Þar sýslar hún aðallega með verðbréf, en einnig sinnir EBÍ ýmis konar forvarnarstarfi á sviði brunamála og er m.a. eldvarnaverkefni á leikskólum landsins dæmi um það. Lesa meira

Geir Björnsson er fæddur á Höfn 1957 og alinn þar upp, sonur Auðar Jónasdóttur kennara og Björns Gíslasonar rafvirkja. Geir segist aldrei hafa flutt til Reykjavíkur heldur bara endað þar án þess að nokkurn tíma flytja. Það var heldur aldrei meiningin að flytja frá Höfn, að sögn Geirs, en það fór nú á annan veg. Það voru margir sem aldrei komu aftur, eins og einhverstaðar segir. Geir lauk námi í rafvirkjun frá Iðnskólanum í Reykjavík og eftir það lá leiðin í Tækniskólann og lauk hann þaðan rafiðnfræði. Geir starfaði síðan í all nokkur ár hjá Rafmagnsveitu Reykjavíkur, auk vinnu við hönnun raflagna, tilboðsgerðar og kostnaðargreiningar. Svo var það 1987 sem Geir ásamt Hlíf Guðmundsdóttir konu sinni og tveimur börnum flutti til Svíþjóðar til frekara náms. Lesa meira

Steinar Garðarsson fór í Samvinnuskólann haustið 1984 og varð stúdent þaðan vorið 1988. Steinar starfaði sem bensíntittur og í Búnaðarbanka Íslands á sumrin. Haustið 1989 hóf Steinar nám við Háskólann á Bifröst og lauk þaðan prófi í rekstrarfræðum 1991. Haustið 1991 hóf hann störf hjá Gunnari Magnússyni endurskoðanda í Reykjavík, þar starfar hann við framtalsgerð og uppgjör auk margs konar skatta- og fjármálaráðgjafar við einstaklinga og fyrirtæki. Að sögn Steinars þá hafa áhugamálin frá því að hann var á Höfn ekki breyst mikið en fyrir utan samveru með fjölskyldunni er það golfið sem er hans aðal áhugamál og að sjálfsögðu ljósmyndun. Steinar er kvæntur Ólafíu Ingibjörgu Þorvaldsdóttur viðskiptafræðingi og eiga þau tvö börn, Guðfinnu Birtu 8 ára og Stefán Inga 3 ára. Lesa meira

Gísli Sverrir Árnason og fjölskylda hans fluttu til höfuðborgarinnar sumarið 2005. Fyrsta árið vann Gísli Sverrir sem kynningarstjóri Þjóðminjasafns Íslands en eftir að hann lauk MPA prófi í opinberri stjórnsýslu í haust hefur hann starfað sjálfstætt sem sérfræðingur á sviði stjórnsýslu og menningarmála. Sérsvið hans eru sveitarstjórnarmál, menningar- og safnamál ríkis og sveitarfélaga, kynningar- og útgáfumál, stefnumótun og samstarf ólíkra aðila á ýmsum sviðum. Reynsla Gísla Sverris snýr m.a. að samstarfi sveitarfélaga, menningarsamstarfi og uppbyggingu og stefnumótun í þessum málaflokkum. Á þeim sviðum hefur hann unnið talsvert fyrir ráðuneyti og sveitarfélög á undanförnum árum, bæði sem fulltrúi í nefndum en einnig nú í haust sem ráðgjafi nefndar menntamálaráðherra um varðveislu- og geymslumál menningarstofnana. Lesa meira

Hver hefur ekki velt vöngum um hvað varð að hinum og þessum sem bjó áður á Hornafirði en hefur nú flutt hérlendis eða erlendis. Oft er talað um brottflutta Hornfirðingar og þá sérstakalega í samhengi við Þorrablót Hornfirðinga á höfuðborgarsvæðinu. En höldum okkur við þá brottfluttu, við hér á vefnum ætlum nú að taka upp nýjan lið sem við köllum “Hvað varð um?” þar sem ætlunin er að leita til þeirra fjölmörgu “brottfluttu” sem enn hafa sterkar rætur hér í ríki Vatnajökuls og kanna hvar þeir eru niðurkomnir í dag og hvað þeir hafa fyrir stafni. Sjáum hvað setur, hver veit nema þessi liður verði jafn vinsæll og “jólagestir” okkar hér á vefnum. Lesa meira