Mæðravernd

Mæðravernd er á miðvikudögum frá kl 8-16. eða eftir samkomulagi.

Mæðravernd er í umsjá ljósmóður í samráði við lækna HSSA eða sérfræðinga kvennadeildar LSH eftir því sem við á.

Allar verðandi mæður eru velkomnar í mæðravernd. Markmiðið er að stuðla að farsælli meðgöngu með faglegri umönnun, fræðslu og stuðningi.

Æskilegt er að konur komi í fyrstu skoðun 10 - 12 vikum eftir síðustu blæðingar en velkomið er að hafa samband við lækni eða ljósmóður fyrr ef óskað er. Fjöldi mæðraskoðana fer eftir aðstæðum, oftast 8-10 skipti. Faðir eða annar stuðningsaðili og eldri systkini eru velkomin með.

Ljósmæður stöðvarinnar sjá um mæðraverndina. Samráð er haft við sérfræðinga í fæðingarhjálp þegar þörf er á.
Ómskoðun er gerð hjá öllum þunguðum konum sem þess óska í 19. - 20. viku meðgöngu á Kvennadeild Landspítala Háskólasjúkrahúss.

Eftirskoðun stendur til boða 6 - 8 vikum eftir fæðingu. Þá er m.a. rætt um getnaðarvarnir.

Hægt að fá símaráðgjöf hjá ljósmóður. Móttökuritarar taka niður skilaboð og haft verður samband eins fljótt og hægt er.