Grillað í dagvist!

Föstudaginn 1. júlí sl. var árlegur grilldagur dagvistar HSSA. Þrjátíu manns mættu í grillið og var mikil gleði.

Bræðurnir Ragnar og Jón Arasynir spiluðu síðan undir dans á nikkurnar sínar.

Þess má geta að dagvist starfar alla virka daga allt árið. Auk þess sjá starfsmenn dagvistar um hádegismat í Ekru þar sem eldri borgarar almennt eiga kost á að kaupa fæði úr eldhúsi HSSA.

Á föstudögum er prjónað til góðs. Þ.e. afrakstur föstudagsprjóns er gefinn Rauða krossinum til hjálparstarfs. Þeim sem eiga garn í fórum sínum og vilja styrkja gott málefni er bent á að hafa samband við starfsmenn dagvistar sem taka við garninu.

Senda grein