Dugnaður í dagvist.

Prjónavörur afhentar Rauða krossinum

Sú hefð er komin á í dagvist að prjónað er til góðs á föstudögum.

Mikill dugnaður hefur skilað sér í prjónavöru sem Ásgerður K. Gylfadóttir, formaður Hornafjarðardeildar RKÍ tók við í dag 9. apríl.

Það sem afhent var í dag eru 82 sokkapör, 39 vettlingar, 19 húfur, 1 peysa, 1 trefill og 4 þvottapokar. Auk þessa var afhentur peningur fyrir það sem dagvistarfólk hafði þegar selt hjá sér.

Hornafjarðardeild RKÍ mun bjóða þessar fallegu og vel unnu prjónavöru til sölu á opnu húsi deildarinnar sem auglýst verður síðar í apríl. Ágóðinn fer allur í Hjálparsjóð RKÍ. Síðan verður það sem af gengur sent til úthlutunar á vegum fataflokkunar RKÍ.

Það má því segja að unnið sé að góðum málefnum í dagvist sem kemur bæði samfélaginu á Höfn og þurfandi fólki um allan heim til góða.

Þeir sem eiga garn afganga eða garn sem þeir vilja gefa til góðs málefnis eru hvattir til að koma með það í dagvist í Ekrunni eða hafa samband við starfsmenn dagvistar í síma 478 2142

Senda grein