Fundur með rekstraraðilum hjúkrunarheimila í heilbrigðisumdæmi Suðurlands

Samráðsnefnd heilbrigðisumdæmis Suðurlands fundaði í gær 14. apríl með rekstararaðilum hjúkrunarheimila í umdæminu. Fundurinn var haldinn á Hvolsvelli og voru Guðrún Júlía Jónsdóttir framkvæmdarstjóri sem situr í samráðsnefndinni og Ásgerður K. Gylfadóttir hjúkrunarstjóri á hjúkrunarsviði á fundinum.

Megin dagskrá fundarins var um vistunarmat, biðlista og lyfjanotkun á hjúkrunarheimilum. Einnig var rætt um hugsanlega samstarfsverkefni milli heimila og samskipti við ríkisvaldið.

Þá spurðist framkvæmdastjóri HSSA um aðbúnað á hjúkrunarheimilum í umdæminu með tilliti til einbýla og fjölbýla. Þar kom fram að hvergi er hlutfall einbýla jafn lágt og á Heilbrigðisstofnun Suðausturlands en þau eru tvö af sextán herbergjum hjá okkur.

Unnur Þormóðsdóttir hjúkrunarfræðingur og formaður vistunarmatsnefndar í heilbrigðisumdæmi Suðurlands hélt erindi um vistunarmál og biðlista í umdæminu. Erindi hennar sem birt er á heimasíðu Heilbrigðisstofnunar Suðurlands má nálgast HÉR.

Senda grein