Ríki Vatnajökuls - Fréttir Hótel Höfn

Hornfirsk skata aldrei betri en nú

Thu, 23 Dec 2010 10:27:00 +0000

Fyrir margan íslendinginn er skötuát á Þorláksmessu jafn heilagt og hangikjötið er á jólunum. Svo eru aðrir sem loka öllum gluggum og mega ekki heyra á skötuna minnst.

Hornfirsk skata eins og hún gerist best

Wed, 23 Dec 2009 09:55:00 +0000

Fyrir margan íslendinginn er skötuát á Þorláksmessu jafn heilagt og hangikjötið er á jólunum.

Fiskirí á Hótel Höfn um helgina

Fri, 15 Sep 2006 08:04:54 +0000

Nú um helgina 15.–17.september verður efnt til viðamikillar hátíðar, Fiskirís, um allt land. Metfjöldi veitingastaða tekur þátt í hátíðinni, eða áttatíu víðs vegar um land. Fiskmeti og sjávarfang verður í hávegum haft á sérstökum Fiskirís-matseðli þessa helgi. Staðirnir sníða sér stakk eftir vexti og ákveða hvers konar réttir verða í boði og á hvaða verði. Með fjölbreyttri flóru er því unnt að höfða til allrar þjóðarinnar, þannig að hver og einn finni eitthvað við sitt hæfi. Hér í Sveitarfélaginu er það Hótel Höfn sem bíður gestum í smáréttaveislu á "Fiskirí" föstudag, laugardag og sunnudag frá kl. 18 alla dagana. Auk 10 smárétta tapasstemningu bíður hótelið að sjálfsögðu upp á matseðil hússins þar sem er m.a. að finna fisk og humarrétti.

Fastakúnni á Ósnum í 14 ár

Thu, 20 May 2004 00:00:00 +0000

Þórólfur Jóhannsson eða Tóki eins og hann er kallaður hefur verið fastakúnni á Ósnum hjá þeim félögum Gísla Már og Óðni í 14 ár. Þórólfur byrjaði að venja komu sínar á "Gamla Ósinn" við Hafnarbraut strax þegar hann opnaði og hefur haldið tryggð við Ósinn æ síðan, en veitingastaðurinn Ósinn er staðsettur á Hótel Höfn. Þórólfur hefur því ekki látið sér nægja að sigla um ósinn í starfi sínu sem sjómaður. Eins og allir vita er Þórólfur einn allra harðasti stuðningsmaður Arsenal á Íslandi og þó víðar væri leitað og fer hann reglulega á leiki félagsins erlendis og auðvitað er hann fyrstur manna á Ósinn til að horfa á leikina í ensku knattspyrnunni. Og ekki leiddist honum mjög á síðasta tímabili, enda tapaði liðið hans ekki leik í enskaboltanum.

Starfsfólk hótelsins í óvissuferð

Thu, 13 May 2004 00:00:00 +0000

Árshátíð starfsmanna Óssins og Hótels Hafnar var haldin á dögunum og var farið í óvissuferð til Djúpavogs með skemmtilegum stoppum á leiðinni. Starfsmenn voru sóttir heim og fengu poka með ýmsum nauðsynja varningi til að hafa með í ferðinni. Fyrsta stopp var við Hvalnesvita þar sem menn teygðu úr sér og sprelluðu svolítið, því næst var stoppað í litlum sumarbústað í Álftafirði og biðu þar kræsingar eftir ferðalöngunum, tertur, brauð og drykkir svo eitthvað sé nefnt.

200 manns bókaðir í helgarpakka

Wed, 15 Oct 2003 00:00:00 +0000

Laugardaginn 11. október var frumsýning á tónlistarveislunni “Með allt á hreinu” á Hótel Höfn. Uppselt var á sýninguna og var gríðarlega góð stemming. Eins og áður hefur komið fram var ákveðið að auglýsa tónlistarveisluna betur og víðar en áður hefur verið gert. Boðið er upp á glæsilegan helgarpakka til Hornafjarðar og hafa viðbrögðin verið ótrúlega góð.

Með allt á hreinu

Thu, 18 Sep 2003 00:00:00 +0000

Í október verður boðið upp á tónlistarveislu á Hótel Höfn. Það er hópur heimamanna sem stendur að dagskránni sem byggir á tónlistinni úr Stuðmannamyndinni “Með allt á hreinu” Þeir sem sjá um tónlistarveisluna eru vel sjóaðir í skemmtanabransanum þannig að engin ætti að verða svikin af þessari skemmtun. Hótel Höfn og aðstandendur sýningarinnar hafa ákveðið að bjóða upp á helgarpakka þar sem m.a. verður boðið upp á gistingu með morgunverði, jeppaferðir á slóðir James Bond, siglingu um Hornafjörð með Birni lóðs, dansleik og þriggja rétta kvöldverð auk sýningarinnar.

Mikið að gera á Hótel Höfn í sumar

Wed, 20 Aug 2003 00:00:00 +0000

Mjög mikið hefur verið að gera á Hótel Höfn í sumar og er nýtingin mun betri en s.l. ár sem þó var gott ár. Gestafjöldin það sem af er ágúst hefur farið fram úr björtustu vonum og stefnir allt í að mánuðurinn toppi júlí, sem oft hefur verið besti mánuður ársins í fjölda ferðamanna. Minna hefur sést til Íslendinga en oft áður en Ítalir og Spánverjar virðast sækja hingað í auknu mæli.