Kokkarnir

Meistarakokkarnir Gísli Már, Halldór Halldórs og Óðinn Eymunds með rétt dagsins, hornfirska skötu.

Hornfirsk skata aldrei betri en nú

23.12.2010

Fyrir margan íslendinginn er skötuát á Þorláksmessu jafn heilagt og hangikjötið er á jólunum. Svo eru aðrir sem loka öllum gluggum og mega ekki heyra á skötuna minnst.

Skötuelskendum til bjargar þá býður Hótel Höfn upp á skötu í hádeginu eins og undanfarin ár. Kokkarnir Óðinn Eymunds, Gísli Már og Dóri hafa staðið í ströngu við undirbúning og segja skötuna í ár vel kæsta og algert góðgæti.

Þess má geta að Dóri kom heim frá Englandi þar sem hann býr nú tímabundið m.a. til að taka þátt í skötuævintýrinu á hótelinu

Allt hráefni sem notað er á hótelinu kemur héðan úr héraði. Allir skötuelskendur sem ekki geta borðað skötu heima  í dag geta farið upp á hótel og gætt sér á þessu lostæti og þeir sem ekki vilja skötuna geta farið á  pizzahlaðborðið í neðri salnum. Húsið opnar kl. 11:30.