Það er orðið að venju þegar 3. bekkur fer í sitt árlega skólaferðalag í Öræfin að fara í kajakasiglingu í Hofsnesi. Þetta er mikið ævintýri fyrir krakkana en þau sigla niður læk fyrir neðan Hofsnes. Ekki er hægt annað að sjá á myndunum af þeim að þeir hafi skemmt sér afar vel.

Reynir Snær í 1. bekk kom í skólann í dag með krabbadýr sem pabbi hans kom með af sjónum. Reynir Snær var alveg með nöfnin á þeim á hreinu en krabbinn með göddunum heitir trjónukrabbi, hinn heitir töskukrabbi, humar og sá sem býr í kuðungnum heitir einbúi. Reynir var svo elskulegur að fara í aðrar stofur og leyfa fleiri bekkjum að njóta. Það er vel þegið að fá svona sendingar í skólann og gaman þegar foreldrar  hugsa til okkar.

Undanfarrnar vikur hafa börnin í 2. S verið að  læra um mannslíkamann. Til þess að læra um líkamann hafa þau meðal annars lesið bækurnar Komdu og skoðaðu líkamann, Eggið hennar mömmu, ásamt ýmsum myndabókum og netefni. Þetta var ákaflega skemmtilegt og fróðlegt þemaverkefni og enduðu börnin vinnuna á þvi að bjóða foreldrum sínum á sýningu þar sem verkefnið var kynnt með lestri, leik og söng. Nemendur stóðu sig með eindæmum vel og voru áhorfendur sammála um að þetta hefði verið hin besta sýning, bæði fróðleg og skemmtileg.

Einn af föstum liðum í skólastarfinu eru ferðir í sveitina til að skoða og kynnast mismunandi búskaparháttum. 3. bekkur fór í eina slíka ferð á Seljavelli til að skoða kúabú. Það er óhætt að segja að þessar ferðir hitti í mark og ekki skemmir fyrir að vera boðið í kleinur og nýja mjólk í lok skoðunnarferðar.

Slysavarnafélagið Landsbjörg í samvinnu við Alcoa Fjarðarál, Dynjanda ehf, EFLA verkfræðistofu, Eflingu stéttafélag, HB Granda, Isavia, Landsvirkjun, Neyðarlínuna, Tryggingamiðstöðina, Umferðarstofu og Þekkingu gefa öllum grunnskólum á landinu endurskinsvesti til að nota í vettvangsferðum barna í 1. bekk. Um 4400 börn eru í árganginum á landinu öllu.
Heitið á verkefninu er "Allir öruggir heim" og er tilgangurinn að efla öryggi yngstu skólabarnanna í ferðum utan skólans.

Í dag var hinn árlegi umhverfisdagur hjá Grunnskóla Hornafjarðar og fóru nemendur út um allan bæ að tína rusl. Fjörið byrjaði kl. 10:00 og var tínt rusl í tvo tíma og að því loknu hittust allir hópar við Hafnarskóla en þar voru grillaðar pylsur ofan í mannskapinn og má segja að allir hafi tekið hressilega til matar síns. Að loknu matarhléi fóru krakkarnir í Heppuskóla að hjálpa til við að flytja allt af efrihæð skólans

Miðvikudaginn 24. apríl var haldin íþróttadagur fyir 7.–10. bekk grunnskólans. Settar voru upp fjórar stöðvar og voru þær í skólanum, íþróttahúsinu, Bárunni og sundlauginni.

Nemendur í 4.H tóku þátt í söfnuninni „Börn hjálpa börnum“ núna í apríl.  Söfnunin er á vegum ABC barnahjálpar og rennur söfnunarféð til bágstaddra barna í þróunarlöndunum.

Miðvikudaginn 17 apríl fóru vinabekkirnir 2. S, 7. R og 7. G í fuglaskoðunarferð í Óslandið ásamt kennurum sínum. Veður var með eindæmum gott og margir fuglar á flugi.

Í vetur hafa börnin í 2. S verið í umferðarfræðslu í skólanum. Umferðarfræðslan byggist að miklu leyti á verkefnavinnu, umræðum og æfingum. Við höfum einnig fengið lögregluna í heimsókn til okkar.

Nemendur í 8. bekk skelltu sér í skíðaferð í Oddsskarð á dögunum. Lagt var í hann á mánudagsmorgni og brunað beint í Oddsskarð þar sem skíðað var fram eftir degi.

Í síðustu viku fór 6. bekkur í skíðaferð í Oddskarð. Lagt var snemma af stað á fimmtudagsmorguninn og komið á áfangastað um hádegi.

2. S hélt vikuhátíð á föstudaginn.  Þetta var afar skemmtileg hátíð með fjölbreyttri dagskrá. Nemendur sögðu nokkra góða brandara, Anna Lára, Siggerður Egla, Aníta Rannveig og Laufey Ósk sungu lagið ég á líf en Andrea Sól, Amylee, Sóley Dröfn, Þóra Lind og Kristel Björk dösuðu frumsaminn dans við lagið.

Á fimmtudaginn buðu nemendur í 5.E ættingjum sínum á ferðakynningu þar sem verið var að klára verkefni í landafræði um Ísland.
Nemendur kynntu fyrir gestum nokkra spennandi staði,  í öllum landshlutum, í Reykjavík og á hálendinu, sem gaman væri að heimsækja í sumar.  
Í lok kynningarinnar var keppt í því að þekkja byggðamerki þar sem bæði börn og fullorðnir kepptu saman.

Í liðinni viku var árshátíð skólans haldin í íþróttahúsinu. Að þessu sinni bar hátíðin heitið Götugengi, gatan hans Stefáns og er þá vísað í að nemendur á unglingastigi fluttu tónlist úr þekktum söngleikjum og notuðu nafnið Götugengi en nemendur á yngrastigi fluttu lög við texta eftir Stefán Jónsson. Tónskóli Hornafjarðar sá um allan undirleik og lokalag hátíðarinnar en nemendur skólans sýndu stomp af mikilli snilld. Það má segja að allir í skólunum komi að hátíðinni með einum eða öðrum hætti og eins og gefur að skilja er oft mikið fjör í undirbúninginum.

Árshátíð Grunnskóla Hornafjarðar verður haldin í dag fimmtudag kl 17:00 í íþróttahúsinu við Heppuskóla. Húsið opnar kl 16:45. Bekkir með oddatölu númeri ásamt 10. bekk sjá um skemmtiatriðin. 2. og 4. bekkur sjá um skreytingarnar með aðstoð 6. bekkjar sem gerði einnig aðgöngumiða og auglýsingar. 8. bekkur sér um veitingarnar.

Í tilefni af 125 ár afmæli Þórbergs Þórðarsonar var haldið Þórbergs-maraþon á vegum Háskólasetursins og Menningarmiðstöðvarinnar.

Árshátíð Grunnskóla Hornafjarðar verður haldin á morgun fimmtudag kl 17:00 í íþróttahúsinu við Heppuskóla. Húsið opnar kl 16:45.
Undirbúningur er í fullum gangi og allir hafa hlutverki að gegna við hátíðina. Bekkir með oddatölu númeri ásamt 10. bekk sjá um skemmtiatriðin. 2. og 4. bekkur sjá um skreytingarnar með aðstoð 6. bekkjar sem gerði einnig aðgöngumiða og auglýsingar. 8. bekkur sér um veitingarnar. Við biðjum nemendur um að sitja hjá foreldrum sínum á árshátíðinn því það þarf að gæta þess að hafa gott hljóð þannig að allir fái notið.

Skólahreysti var haldin á Egilsstöðum s.l. mánudag og tók vaskur hópur nemenda úr Grunnskóla Hornafjarðar þátt í keppninni. Æfingar hafa staðið yfir í vetur undir styrkri stjórn Sindra Ragnarssonar.

5. Á hélt vikuhátíð fyrir okkur núna í vikunni. Þarna stigu margir listamenn á svið og er óhætt að segja að húmorinn hafi verið alsráðandi. Það voru sagðir brandarar, Eydís Arna samdi dans við lagið I´ll be there for you úr Friends þáttunum sem hún fékk bekkjarsystur sínar til að dansa með sér og Hildur Margrét var öflug við danskennsluna með henni. Ingunn Ósk samdi skáldsöguna Kalli klikkhaus sem var færð í leikbúning og sá hún ásamt Þorsteini um hlutverk sögumanna. Gréta Sól og Axel Elí voru í hlutverkum foreldranna Rebekku og Alexanders , Hildur Margrét lék kennarann Ölmu,  Arnrún lék Gunnu litlu, Bjartur lék Karl Alexsandersson , Vignir var Villi hrekkjusvín,

Fimmtudaginn 23. febrúar sl. hófust starfskynningar hjá nemendum í 10. bekk sem verða einu sinni í viku það sem eftir er skólaársins.

Í dag 4.mars keppa  nemendur í 7. bekk Grunnskóla Djúpavogs, Grunnskólans í Hofgarði og Grunnskóla Hornafjarðar á lokahátíð Stóru upplestrarkeppninnar sem fer fram í Hafnarkirkju kl. 15

Nú er lokið skólakeppni Stóru upplestrarkeppninnar. Hún fór fram í Nýheimum þar sem sextán nemendur kepptu um að komast á lokahátíðina sem verður í Hafnarkirkju næsta mánudag kl. 15:00.

Nú er lokið bekkjarkeppni stóru upplestrarkeppninnar. Sextán nemendur komust áfram og keppa þeir sín á milli n.k. mánudag í Nýheimum kl. 13:00. Þá munu tíu nemendur komast áfram og taka þátt í lokakeppninni sem haldin verður í Hafnarkirkju 4. mars.

Mikið var um að vera í Grunnskóla Hornafjarðar á öskudaginn eins og lög gera ráð fyrir. Fyrir hádegi skemmti yngra stig skólans sér í íþróttahúsinu og eftir hádegi voru haldnir „Fáránleikar“ hjá eldra stigi.

Þorrablót nemenda í 8. – 10. bekk var haldið síðasta dag janúarmánaðar og eins og undan farin ár sáu 10. bekkingar um framkvæmdina. Boðið var upp á frábær skemmtiatriði og auðvita var flutt minni karla og kvenna sem og nemenda. Þegar skemmtidagskráin var tæmd tóku krakkarnir til við dansinn við taktfasta tónlist plötusnúða kvöldsins.

3. S hélt fyrstu vikuhátíð ársins í gær, fimmtudag. Dagskráin þeirra var fjölbreytt en þar var frumsamið leikrit eftir þær Aðalheiði Sól, Thelmu Rut, Selmu Ýr og Tinnu Maríu en leikritið heitir Giftingin og dularfulla nafnið. Með aðalhlutverkin fóru þau Aðalheiður Sól og Tómas Nói og Ethel María var sögumaður. Birkir Snær, Sævar Rafn, Líney Sif, Steinar Logi, Ólafur og Hekla Karen, Tinna María, Selma Ýr, Shahid, Ólöf  Ósk, Eiður Ingi, Sigurður Helgi, Kacper og Júlíana Rós léku og lásu brandara.

Í dag var nemendum í  7. – 10. bekk sýnd stuttmyndin Fáðu já og voru umræður í öllum bekkjum á eftir. Myndin er 20 mínútna löng og er liður í því að skýra mörkin milli kynlífs og ofbeldis fyrir unglingum í grunnskólum landsins, vega upp á móti áhrifum kláms og klámvæðingar, brjóta ranghugmyndir á bak aftur og innræta sjálfsvirðingu í nánum samskiptum.

Nú erum við í 2. S búin að taka upp þráðinn þar sem frá var horfið í umferðarfræðslunni í haust. Lögreglan kom í heimsókn til okkar í vikunni og fór með okkur í göngutúr, rifjaði upp umferðarreglurnar og gaf börnunum endurskinsmerki. Að heimsókninni lokinni skrifuðu börnin litla sögu í ritunarbækur sínar. Hér má sjá eina söguna:

Lögregluheimsóknin.

Í morgun kom löggan kát og hress til að kenna okkur umferðarreglurnar. Við fórum út að labba með lögregluþjóninum og hann kenndi okkur að stoppa, líta til beggja hliða og hlusta. Við fengum líka endurskinsmerki.

Kveðja, 2. S

Föstudaginn 18. janúar lögðum við því af stað til Reykjavíkur en keppa átti á laugardeginum. Áskorunin þetta árið var „Lausnir fyrir eldri borgara“. Keppnin snýst aðallega um að hanna, byggja og forrita róbot sem leysir þrautir á þrautabraut. Einnig þarf að flytja rannsóknarverkefni og dagbók fyrir dómara.

Á laugardaginn kepptu allir nemendur í  7. bekk í First Legó Leagu keppninni í Háskólabíó. Keppt var í fjórum liðum, níu nemendur í hverju liði og höfðu liðin gefið sér nöfnin, The Smurfs, The Stars, The  Ice Cool Beans og The Lobsters.  Þema keppninnar í ár var lausnir fyrir eldri borgara og í keppninni eru sigurvegararnir valdir út frá 6 atriðum sem flest tengjast þemanu.

.

Harpa  Lind og Gréta Sól hafa verið að lesa bækurnar um hana Fíusól en þær eru eftir Kristínu Helgu Gunnarsdóttur. Stelpurnar segja að Fíasól sé svona ruslastelpa sem nennir aldrei að greiða sér eða taka til í herberginu sínu og stundum vill hún bara ganga í bleiku.  Fíasól lendir í ýmsum ævintýrum hittir forsetann, sjóræningja, slasast og skipuleggur fjáraflanir. Mjög skemmtilegar bækur segja þær stöllur enda er Harpa Lind búin að lesa allar bækurnar og Gréta Sól er langt komin

Á morgun 19. janúar keppir 7. bekkur í First Lego League keppninni í Reykjavík.  Þetta er í 8. skiptið sem skólinn tekur þátt í þessari keppni en nú er það gert með talsvert öðru sniði.  Nú fara allir nemendur bekkjarins í keppnina og keppa í fjórum liðum en fram til þessa hefur einungis eitt 10 manna lið farið.

Selma Ýr í 3. S hefur verið að lesa bækurnar Fúsi froskagleypir og Gúmmí-Tarsan eftir Ole Lund Kirkegaard.

Sigjón Atli í 5. E hefur gaman af því að lesa. Hann fékk nokkrar bækur í jólagjöf m.a. bókina Kafteinn Ofurbrók og tiktúrurnar í Tappa Teyjubrók en það er nýjasta bókinn um þá félaga Georg og Harald og undarleg uppátæki þeirra. Sigjón Atli segir að hann sé  búinn að lesa allar bækurnar í seríunni og að þær séu spennandi og afar fyndnar.  

Litlu jólin voru haldin miðvikudaginn 18. des í Sindrabæ. Litlu jólin eru einskonar uppskeruhátíð á þeim verkefnum sem við höfum verið að vinna að á aðventunni í skólanum. En á aðventunni er lögð meiri áhersla en vanalega, á söng, tónlist, leiklist og föndur ýmisskonar svo eitthvað sé nefnt. á litlu jólunum sjá 2. 4. og 6 bekkur um atriðin auk 7. bekkjar  og svo er dansað í kringum jólatréð en Kristín Jóhannesdóttir sér um undirleik og nemendur 6. bekkjar sjá um forsöng.

Aðventan hefur verið skemmtilegur tími í skólastarfinu. Ýmislegt hefur verið í boði fyrir nemendur og starfsfólk m.a. jólasöngur í frímínútum og jólasveinadagur.

Hermann Þór er í 4. bekk og hann er að lesa bækurnar um Bert eftir Anders Jacobsson og Sören Olsson.

Anna Halldórsdóttir og Anna María Ríkharðsdóttir komu í heimsókn og færðu 1. bekkingum jólapakka frá Sparisjóðnum en það er siður sem sjóðurinn hefur haldið í mörg ár.

Anna Lára í 2. S hefur gaman af því að lesa. Nú í desember er hún að lesa bókina Grýla gamla og jólasveinarnir, nýjar grýlusögur handa 5- 9 ára börnum. Þessi bók er eftir Kristján Jóhannsson og er myndskreytt af Bjarna Jónssyni listmálara.

Vigdís María og Íris Mist í 5. E eru að lesa bækurnar Forngripasafnið, Náttúrugripasafnið og Listverkasafnið en þessar bækur eru eftir Sigrúnu Eldjárn en bækur hennar njóta mikilla vinsælda hjá nemendum skólans.

Í síðustu viku æfðu nemendur sig í að rýma skólann. Þessi æfing er gerð til að æfa viðbrögð við eldsvoða og er gerð einu sinni á ári.

5. E setti upp söngleikinn Ronja Ræningjadóttur en Erna Gísladóttir umjónarkennari bekkjarins færði þessa sígildu sögu Astrid Lindgren í söngleikjabúning en lögin voru fengin úr annari uppfærslu. Kristín Jóhannesdóttir sá um undirleik.  Rósa Elísabet fór með hlutverk Ronju og Gabríel Tandri lék Birki vin hennar. Írís Mist og Júlíus léku foreldra Ronju og Steinun Erla og Sigursteinn Már léku foreldra Birkis. Björgvin Freyr lék  Skalla-Pétur, Vigdís María og Harpa Lind voru sögumenn og nornirnar voru leiknar af Birnu og Selmu. Eyþór Ari, Sigjón Atli og Jósavin brugðu sér í hin ýmsu hlutverk í leikritinu s.s. rassálfa og ræningja. Sérstakir sviðs-og tæknimenn sýningarinnar vou þeir félagar Axel Orri og Steindór Már.

Bjartur Máni í 5. Á er að lesa bækurnar Eyja Gullormssins, Eyja Glerfisksins og Eyja Sólfuglsins eftir Sigrúnu Eldjárn sem eru eins konar þríleikur.

Nemendur í 7.bekk settu upp sýningu fyrir foreldra á afrakstri þeirrar vinnu sem þeir höfðu unnið í landafræðitímum.

Í gær héldu nemendur í 8.-10. bekk árlegan fullveldisfagnað í Sindrabæ undir heitinu vinaball enda vinadagur í skólanum í gær. .i

Í tilefni af 1. desember sem er á morgun er sparifatadagur í skólanum. Nemendur og starfsfólk mættu í sínu fínasta pússi og svo hittust allir og sungu saman nokkur þjóðleg lög. En söngnum er þar með ekki lokið því núna kl 11:15 er samsöngur þjóðarinnar af tilefni þessa að í dag er dagur íslenskrar tónlistar. Við setjumst við útvarpstækin og syngjum saman þrjú lög

Í gær var vinadagur í Grunnskóla Hornafjarðar. Á vinadegi hittast vinabekkir en það eru 1. og 6. bekkur, 2. og 7. bekkur, 3. og 8. bekkur, 4. og 9. bekkur og 5. og 10. bekkur.

Kristján Bjarki í 6. H er að lesa bækurnar Óvættaför eftir Adam Blade.

Nemendur í Grunnskóla Hornafjarðar halda áfram með vikuhátíðirnar sínar og að þessu sinni var það 4. GH sem sá um hátíðina.

Hér birtist ljóðið Sumarlok eftir Berglindi Óttarsdóttur en hún vann fyrstu verðlaun í ljóða og smásagnakeppni Menningarmiðstöðvarinnar og Grunnskóla Hornafjarðar.  Signý Ingvadóttir var kynnir og hélt utan um keppnina í skólanum.

Í dag var haldið upp á dag íslenskrar tungu en hann er haldinn á fæðingardegi Jónasar Hallgrímssonar. Sú hefð hefur skapast hjá Menningarmiðstöðinni og Grunnskóla Hornafjarðar að efna til ljóða og smásagnakeppni í tilefni af deginum. Undirbúningurinn fer þannig fram að nemendur 4. – 10. bekkjar yrkja ljóð eða semja smásögu. Dómnefnd í skólanum velur úr verkunum og þau verk sem komast áfram eru lesin upp á degi íslenskrar tungu í Nýheimum.  Menningarmiðstöðin skipar dómnefnd sem velur þrjú bestu verkin og fá höfundarnir viðurkenningarskjal.

Í Hafnarskóla höfum við það fyrir venju að safnast saman með vissu millibili og syngja. Í haust undirbjuggum við samsöngin á þann hátt að hver bekkur fékk að velja sér lag sem er sungið í þessum söngstundum okkar.

Undanfarnar vikur hafa nemendur í fyrsta bekk verið í tilrauna þema. Þeir hafa gert tilraunir með stöðurafmagn, þéttleika vatns auk þess sem þeir bjuggu til eldfjall. Með verkefninu voru nemendur að æfa sig að fylgja fyrirmælum, vinna saman og bíða þar til röðinn kæmi að þeim. Nemendur stóðu sig afbragðs vel og skemmtu sér konunglega eins og sjá má á meðfylgjandi myndum.

Í tilefni af degi gegn einelti 8. nóvember mynduðu nemendur og starfsfólk skólans vinakeðju milli skólahúsanna og elstu nemendurnir teygðu sig einnig í áttina að FAS þangað sem þeir stefna á næstunni. Þegar keðjan var komin kölluðu nemendur vinátta, virðing og góð samskipt.

Slysavarnakonur á Hornafirði voru með umferðakönnun í samstarfi við Umferðastofu og Slysavarnafélagið Landsbjörg 18.október s.l.

Heimabyggðin mín, nýsköpun, heilbrigði og forvarnir er heiti á verkefni sem kynnt var af Fríðu Völu Ásbjörnsdóttur fyrir nemendum í 7. - 10. bekk í dag. Verkefnið er unnið í samstarfi við Landsbyggðarvini Reykjavíkur og nágrennist og miðar að því að efla heimabyggðina og nýta sköpunarkraft unga fólksins til þess.

Í dag lauk dansviku í Grunnskóla Hornafjarðar. Nemendur hafa æft af kappi alla vikuna undir styrkri stjórn Jóns Péturs og  að venju líkur vikunni með danssýningu sem foreldrum er boðið á. Þegar sýningin hófst var  Íþróttahúsið fullt af nemendum og foreldrum sem biðu spenntir eftir að sjá og sýna. Framan af sýningu gekk allt eins og til stóð en um miðbik sýningarinnar gripu veðurguðirnir í taumana. Rafmagnið fór af og þá voru góð ráð dýr. Ekkert ljós og engin tónlist, ekki það besta þegar um danssýningu er að ræða. En Jón Pétur lét þetta ekki slá sig út af laginu og danssýningunni var haldið áfram með dyggri aðstoð foreldra og nemenda

Grunnskóli Hornafjarðar tók þátt í verkefninu göngum í skólann eins og undanfarinn ár. Verkefnið gengur út á að hvetja nemendur til að ganga eða hjóla í skólann ásamt því að þeir fengu heim með sér hreyfidagbók þar sem þeir skráðu hjá sér all hreyfingu í eina viku.

Í vikunni hefur staðið yfir danskennsla í grunnskólanum. Eins og undan farin ár er það Jón Pétur frá Dansskóla Jóns Péturs og Köru sem kennir börnunum fótafimina. Hjá nemendum í 1. – 7. bekk er dansinn skylda en val hjá eldri bekkingum. Föstudaginn 2. nóvember verður danssýning kl. 12:30 í íþróttahúsinu.

Aðalfundur foreldrafélagsins var haldinn fimmtudaginn 18. október síðastliðinn. Aðalefni fundarins var fyrirlestur hjá Hugo Þórissyni sálfræðing en síðan tóku við almenn fundarstörf. Góð mæting var á fundinn og góður rómur gerður að fyrirlestri Hugos. Fundargerð aðalfundarins má finna hér.

Nemendur í útivistar- og útimatreiðsluvali lögðu land undir fót um daginn og skelltu sér austur í Hamarsfjörð.

Mánudaginn 22. október kl. 16.30 – 18.00 verður fræðsluerindi um einelti, forvarnir og úrvinnslu eineltismála í Nýheimum. Það er Æskulýðsvettvangurinn, samstarfsvettvangur Ungmennafélags Íslands, Bandalags íslenskra skáta, KFUM og KFUK á Íslandi og Slysavarnarfélagsins Landsbjargar sem stendur fyrir þessu fræðsluerindi.

Mikil hátíðarhöld voru í 5. E þegar nemendur buðu foreldrum sínum í heimsókn til að skoða verk sem unnin voru í Trúarbragðafræði. 
Krakkarnir voru búin að fræðast um Kristna trú, Búddatrú, Gyðingdóm, Hindúatrú og Islamstrú. Þau gerðu glærusýningu sem þau sýndu foreldrum.

Í gær hélt 6. H fyrstu vikuhátíð vetrarins. Umstangið var mikið eins og verður gjarna þegar hátíðirnar eru haldnar. Nemendurnir sömdu  leikrit , dans og söngtexta og svo var æft í marga daga. Fyrstar á svið voru Stefanía og Konný en þær sýndu dans sem þær sömdu við lagið Starship. Oddleifur, Hafsteinn, Auðunn og Einar Karl sýndu töfrabrögð og til að tryggja að áhorfendur sæju sem best þá tóku þeir galdrana upp á myndband og sýndu á stóru tjaldi um leið og þeir framkvæmdu þá á sviðinu. Nokkrar stelpur í bekknum sömdu leikrit sem allir gátu fengið að taka þátt í.

Þessa dagana er 2. S að fræðast um umferðina og öryggi fótgangandi barna í umferðinni. Þátttaka í umferð er órjúfanlegur hluti þess að vaxa og þroskast. Mikilvægt er að börn tileinki sér sem fyrst réttar og viðeigandi reglur um hegðun  í unferð til að tryggja sem best öryggi þeirra.

Vel heppnuð og vel sótt afmælisráðstefna Nýheima og FAS um mennta og menningamál var haldin í fyrirlestrasal Nýheima. Í upphafi ráðstefnunnar var undirrituð viljayfirlýsing um eflingu á starfi Nýheima á sviði menningar, menntunar, rannsókna og nýsköpunar.

Haustfagnaður var haldin s.l. fimmtudag í Sindrabæ þar sem nemendur í 8. – 10. bekk skemmtu sér saman. Nemendur í 9. bekk sjá um haustfagnaðinn og var ekkert til sparað hjá krökkunum þetta árið. Skemmtiatriði, skreytingar og tónlist voru eins og best verður á kosið og var ekki annað að sjá en að flestir skemmtu sér vel.

Bekkjarkvöld var haldið í vikunni hjá 7. bekk og tókst það í alla staði vel hjá krökkunum. Þema kvöldsins var "Fín föt, hattar og gleraugu". Stelpurnar notuðu gærdaginn til þess að skreyta og vinna skemmtiatriði á meðan strákarnir tóku að sér bakkelsið og uppsetningu á veislusal.

Í dag fóru 5. bekkingar ásamt kennurum sínum í skólagarðana til að taka upp kartöflur en þar með kláruðu þau verkið því áður höfðu 2. – 4. bekkur farið og tekið upp sinn hluta. Í vor var skólanum úthlutað plássi í garðinum til kartöfluræktar.

Í síðustu viku fékk skólinn góða heimsókn þegar fulltrúar frá verkfræði- og náttúruvísindasviði Háskóla Íslands komu til okkar.

í upplýsingatækni í 6. bekk er verið að æfa fingrasetningu. Ein kennslustund á viku er tekin í æfingarnar og ekki annað hægt að segja en að námið gangi vel.

Þessir ungu menn undu sér vel í rigningunni í dag en það minnir okkur á að í skólanum förum við út í frímínútunum þó það rigni og því þarf að gæta þess að börnin komi vel klædd í skólann

Í dag fóru nemendur 1.-4. bekkjar í Haukafell en það er hefð fyrir því að yngstu bekkir skólans fari í berjaferð að hausti. Óhætt er að segja að veðrið hafi leikið við nemendur og starfsfólk í ferðinni en það var stafalogn og sólskin allan tíman eins og hægt er að sjá á myndunum sem fylgja.  Í Haukafelli var hitað kakó, borðað nesti, tínd ber og farið í leiki.

Í dag fóru 5.- 10. bekkur ásamt starfsfólki í hina árlegu gönguferð skólans og eins og áður voru tvær leiðir í boði. Annarsvegar að ganga frá Stafafelli yfir í Hvannagil eða að ganga frá Raftagili að Hvannagili eftir veginum.

Nú er undirbúningur fyrir skólastrarf vetrarins á fullu og stutt í að nemendur mæti í skólann. Fimmtudaginn 23. ágúst og föstudaginn 24. ágúst er skólasetning og líkt og undanfarin haust mæta nemendur með foreldrum sínum í viðtal við umsjónarkennara. Búið er að senda út tölvupóst til foreldra þar sem þeir eru beðnir um að staðfesta tíma. Mánudaginn 27. ágúst hefst kennsla samkvæmt stundarskrá og í þeirri viku er gert ráð fyrir að fara í gönguferð og verður hún nánar auglýst síðar.

Þá er Legóhópurinn okkar mættur til Mannheim í Þýskalandi þar sem First Lego League fer fram.

Skólaslit Grunnskóla Hornafjarðar verða í Íþróttahúsinu á Höfn föstudaginn 1. júní kl. 16:00. Þetta verða fimmtu skólaslit skólans en hann tók formlega til starfa 2007 við sameiningu Nesja-, Hafnar- og Heppuskóla. Í vetur stunduðu 286 nemendur nám við skólann í 15 bekkjardeildum.

Frá kl. 11:00-13:00 í dag fimmtudag verður sýning á afrakstri þemavinnu í 8. og 9. bekk grunnskólans í Miðbæ. Allir Hornfirðingar eru hvattir til að líta á sýninguna en á henni eru hugmyndir nemenda um það hvernig þeir vilja sjá Humarhátíðina í framtíðinni auk þess sem þeir segja frá því hvernig hún er.

Í dag hlupu nemendur skólans hið árlega UNICEF hlaup. Fyrir helgi fóru áheitaumslögin heim og í dag koma krakkarnir með spjaldið sem sýnir hversu marga hringi var hlaupið. Umslögunum á að skila í skólann á morgun eða á fimmtudag.UNICEF var stofnað 1946  innan Sameinuðu þjóðanna

Slysavarnafélagið Landsbjörg, í samstarfi við Sjóvá, hefur í vikunni verið að hitta krakka í 6. bekk grunnskóla landsins og fræða þau um notkun á reiðhjólahjálmum, skyldubúnað reiðhjóla og merkingu umferðarmerkja.

Á miðvikudaginn fór 6. bekkur á skógræktarsvæðið við Drápskletta og settu niður 420 plöntur undir dyggri leiðsögn Herdísar Harðardóttur frá Skógræktarfélagi Austur-Skaftafellssýslu. Í ferðinni var einnig Rannveig Einarsdóttir

Hornafjarðardeild Rauða krossins hefur í nokkur ár boðið 10. bekk á skyndihjálparnámskeið

Nemendur í 7. bekk Grunnskóla Hornafjarðar ásamt nemendum úr Grunnskólanum í Hofgarði dvelja þessa vikuna í skólabúðum að Reykjum í Hrútafirði.

„Komdu og skoðaðu himingeiminn“ heitir verkefnið sem 3. bekkur hefur unnið að undanfarnar vikur.  Í verkefninu er leitast við að láta börnin öðlast skilning og yfirsýn yfir alheiminn sem samþætt kerfi.

Núna er breytingar á neðri hæð Heppuskóla komnar í fullan gang. Verkinu á að vera lokið fyrir skólabyrjun í haust. Nemendur í 10. bekk hafa flutt sig um set og nema nú fræðin í FAS en aðrir bekkir eru eftir sem áður í Heppuskóla.

4. E í Grunnskólanum fór í heimsókn í Ekruna á síðasta þriðjudag og höfðu mjög gaman að. Eldri borgarar í dagvistinni kenndu krökkunum að búa til gjafakort eins og þau hafa gert um nokkuð skeið og fóru allir heim með kortin sín sælir og glaðir.

4. H hélt síðustu vikuhátíð vetrarins í Sindrabæ nú í byrjun maí. Krakkarnir voru með skemmtilega og fjölbreytta dagskrá en þar flutti Ingunn Ósk frumsamin ljóð, Sindri Blær las frumsamda örsögu, allir nemendur bekkjarins tóku þátt í leikriti sem heitir Greindarprófið,

Miðvikudaginn 9.maí fór 2.bekkur að skoða svínabúið hjá Pálínu og Sævari á Miðskeri.  Þar sáum við fullt af svínum og grísum af hinum ýmsu stærðum og gerðum.

Krakkarnir í 5. M hafa ekki setið auðum höndum í vetur . Fimmtudaginn 10. maí var foreldrum boðið að sjá afrakstur verkefna sem unnin hafa verið að í ýmsum greinum. 

Í gær var síðasti fundur skólaráðs á þessu skólaári en nýtt skólaráð verður kosið að hluta næsta haust. Hlutverk skólaráðs er mikilvægt því það kemur að öllum meiriháttar ákvörðunum innan skólans og er umsagnaraðili um skólastarfið almennt

Bæklingi fyrir valgreinar á næsta skólaári hefur verið dreift til nemenda í 7. – 10. bekk og kennir þar margra grasa og má með sanni segja að nemendur fái úr mörgu að velja á næsta skólaári. Reynt er að hafa valið sem fjölbreyttast og þannig uppsett að það höfði til sem flestra og allir fái val við hæfi.

Á mánudaginn fékk Grunnskóli Hornafjarðar góða heimsókn. Guðrún Helga Bjarnadóttir frá samtökunum Blátt áfram kom til okkar og hélt fyrirlestra fyrir nemendur í 5. – 10. bekk. Alls voru lífsleikni tímarnir 6 þar sem nemendum var skipt upp í hópa, eftir bekkjum og kyni.

Í liðinni viku fór 4. H í heimsókn í dagvist aldraðra. Krakkarnir kynntu þar verkefni sem þau hafa unnið í vetur um Móse og ferð Ísraelsmanna yfir eyðimörkina. Heimsóknin hófst á kynningu þar sem við spjölluðum um ættir okkar og uppruna og reyndum að finna út hvort einhverjir væru skyldir hver öðrum.  Áður höfðu krakkarnir í 4 E farið í heimsókn og fara aftur næsta þriðjudag. Þetta var afar skemmtilegt og við hlökkum til að koma aftur.

Þessa vikuna dvelja krakkarnir í 9. bekk í ungmennabúðum UMFÍ að Laugum í Sælingsdal. Krakkarnir fóru vestur á sunnudaginn og tók ferðin 9 klukkustundir.

Á mánudag fékk Grunnskóli Hornafjarðar heimsókn frá Tónlist fyrir alla sem er sjálfstætt starfandi stofnun en rekin á vegum Mennta- og menningarmálaráðuneytisins.

Í Grunnskóla Hornafjarðar störfum við eftir uppeldisstefnunni „uppeldi til ábyrgðar“. Hluti af þeirri vinnu er að hver bekkur velur sér gildi eða kjörorð sem hann kýs að hafa að leiðarljósi yfir veturinn. Börnin vinna með  kjörorðin á margvíslegan hátt og 3. HS valdi að syngja  sín kjörorð. Bekkurinn  setti  kjörorðin í texta og valdi sér lagið Á íslensku má alltaf finna svar.

Krakkarnir i 4. bekk hafa lokið söfnuninni fyrir abc-barnahjálp en það er orðin venja að 4. bekkur taki þátt í þeirri söfnun ár hvert og um leið fræðast krakkarnir um hagi barna í öðrum löndum. Í  ár söfnuðust 120.265 krónur og viljum við þakka bæjarbúum fyrir góðar móttökur.

Í þessari viku hefur skólastarfið verið óhefðbundið. Á fimmtudag var hinn árlegi hreinsunardagur  og í dag , föstudag,  buðu nemendur 1.SÞ foreldrum sínum að koma í heimsókn. Foreldrar og nemendur föndruðu saman skraut fyrir páskana og má segja að börn og fullorðnir hafi haft gaman af. Það er alltaf gaman að fá heimsókn í skólann og hvetjum við foreldra  til þessa að líta við sem oftast .

Stóra upplestrakeppnin var haldin á Djúpavogi, miðvikudaginn 28. mars. Þar kepptu nemendur í 7.bekk frá Djúpavogi, Hornafirði og úr Öræfum.

Í dag var okkar árlegi hreinsunardagur sem haldinn er í samstarfi við sveitarfélagið.  Það má með sanni segja að veðrið hafi leikið við okkur þar sem hita met var slegið.  Bænum var skipt niður á árganga sem fóru um og týndu rusl . Starfsfólk skólans er sammála um að bærinn hafi aldrei áður verið svona hreinn og lítið um rusl og telja margir að það megi rekja til þess að Björn Jónsson í áhaldahúsinu hefur unnið ötullega að því í vetur að halda bænum hreinum.

Á  föstudaginn héldum við okkar árlega íþróttadag.  Dagurinn fer þannig fram að öllum nemendum skólans er skipt upp í 17 hópa og núna eru nemendur að fara í þriðja sinn í sama hópinn sem við höfum kosið að kalla vinahóp.

Nemendur í Grunnskóla Hornafjarðar kepptu í skólahreysti á Egilsstöðum, 15. mars s.l. Þau sem kepptu fyrir skólann voru: Sigmar Þór Sævarsson, Alrún Irene Stephensdóttir, Birkir Þór Hauksson og Anna Soffía Ingólfsdóttir.

Fimmtudaginn 22. mars verður árshátíð Grunnskóla Hornafjarðar haldin í íþróttahúsinu.  Árshátíðin sem ber heitið Hafið bláa hafið hefst kl 17:00 og húsið opnar kl 16:15. Aðgangseyrir er kr 500 en þó aldrei meira en kr 1000 á fjölskyldu. Ágóðinn rennur í ferðasjóð nemenda.  Allir  velkomnir.

Þann 12. mars s.l. var haldin matreiðslukeppni í grunnskólanum fyrir nemendur í 9. og 10. bekk.

Undirbúningur fyrir árshátíð skólans  er nú í fullum gangi.   Allir árgangar sem eru í heimilsfræði -smiðju er búnir að baka fyrir stóra daginn en boðið verður upp á kökur, kaffi og djús eins og áður.   2. og 4.bekkur sjá um að búa til skreytingar í samræmi við þemað sem að þessu sinni er hafið.      6. bekkur er að undirbúa sýningu á verkefni sem þau hafa verið að vinna að undanförnu en það heitir einnig Hafið og verður sýningin sett upp í íþróttahúsinu fyrir árshátíðina.

Í dag fengum við góða gesti í skólann Þegar Alla Fanney kom með hænuunga úr Grænahrauni til að sýna okkur.  Ungarnir vöktu að vonum mikla lukku og viljum við þakka henni kærlega fyrir þess heimsókn.  Í leiðinni viljum við í Grunnskólanum

Miðvikudaginn 14. mars var vikuhátíð hjá 5. M í Grunnskóla Hornafjarðar. Í boði var mjög metnaðarfull dagskrá sem var í höndum bekkjarins.

Þann 7. – 8. mars fórum við krakkarnir í 8. bekk ásamt farastjórunum, Ingibjörgu, Sigurborgu og Sævari í skíðaferð í Oddskarð.

Í dag og næstu daga munu nemendur í 4.bekk ganga í hús og safna peningum. Söfnun þessi er á vegum abc-barnahjálpar. Í ár er verið að safna fyrir skólahúsnæði og heimavist fyrir börn í Kenya og Pakistan

Nemendur í 8. bekk ásamt starfsfólki héldu í Oddskarð í dag til að skerpa á skíðafærninni.

Fimmtudaginn 1. mars lögðum við af stað frá Hornafirði um kl. 8:30 og komum í Oddsskarð rétt fyrir hádegi. Það var sól og blíða sem tók á móti okkur í skarðinu og var mikil tilhlökkun í hópnum að drífa sig af stað í brekkurnar. Allir byrjuðu í barnabrekkunni og síðan færðu þeir sem voru reyndari sig yfir í stóru brekkuna. Krakkarnir máttu varla vera að því að fá sér nesti svo mikill var hugurinn í að nota góða veðrið og tækifærið til að skíða.

Þá er nemendafélagið komið af stað með enn eitt mótið og nú er keppt í körfubolta. Keppnin fer fram í frímínútunum kl. 9:30 og er leikinn einn leikur á dag.

Síðasta fimmtudag lukum við skóladeginum með því að fara í Sindarbæ og horfa á vikuhátíð 1. bekkjar. Nemendur bekkjarins voru búnir að setja saman heilmikla dagskrá sem þeir fluttu fyrir okkur.

2. S sá um vikuhátíð nú á dögunum. Krakkarnir sögðu brandara, sungu og svo voru lagðar fyrir gátur en þeir fengu Helgu sem er stuðningsfulltrúi í skólanum til að sitja fyrir svörum. Það má segja að gáturnar voru nokkuð flóknar og ekki alltaf auðvelt að koma auga á hið augljósa svar en Helga stóð sig með stakri prýði.

Í dag er sérfræðingur frá umboðsmanni barna í heimsókn hjá okkur. Hann verður með erindi fyrir foreldra í fyrilestrarsal Nýheima kl. 17:00 við hvetjum alla sem geta til að mæta.  Nemendur og starfsfólk skólans munu hitta hann í dag á skólatíma.

Á vinadegi í skólanum unnu nemendur þvert á bekki í öllum krókum og kimum skólans. Viðfangsefni vinahópanna var að búa til flugdreka og gekk það glimrandi vel þar til átti að láta þá fljúga. Þá var komið logn en það var svo sem allt í lagi því nú geta vinahóparnir hist aftur til að láta flugdrekana fljúga. Nemendur stóðu sig með afbrigðum vel og voru 72 flugdrekar afrakstur dagsins þar sem markmiðið var að kynnast og vera vinaleg hvert við annað.  Það verður spennandi þegar hægt verður að fara út og láta flugdrekana fljúga.

Á morgun, þriðjudag er vinadagur í skólanum þá vinnum við í hópum þvert á aldur.

Þá er lokið skólakeppni Stóru upplestrarkeppninnar en hún fór fram í Nýheimum á mánudagsmorgun. 

23. febrúar byrjuðu nemendur í 10. bekk í starfskynningum og munu þær standa fram undir miðjan maí.

Við höldum áfram að segja frá því sem við höfum fyrir stafni á öskudaginn.  Samkvæmt hefð er kötturinn sleginn úr tunnunni. Í það verk eru notuð  bæði ekta síldartunnur úr við og pappakassar. 

Á öskudaginn förum við í íþróttahúsið og gerum okkur ýmislegt til gamans. Einn liðurinn er t.d hæfileikakeppni en þá koma nemendur fram og sýna hæfileika sína í leik, dansi, söng og hljóðfæraleik svo eitthvað sé nefnt.

Mikið var um að vera í skólanum á öskudag. Sitthvor dagskráin var fyrir yngra og eldra stig en á báðum stigum skemmtu nemendur sér stór vel.

Á þriðjudaginn var bekkjarkeppni stóru upplestrarkeppninnar.  Tólf nemendur komust áfram og keppa þeir aftur næsta mánudag.

Nýtt form hefur verið tekið upp á svokölluðum vorskóla sem hugsað hefur verið sem aðlögun leikskólabarna að grunnskóladvöl sinni.

Í síðustu viku var dregið í slökkviliðsgetraun sem börnin í 3. HS tóku þátt í fyrir jól.

4. bekkur er að byrja á námsefni sem heitir Komdu og skoðaðu íslenska þjóðhætti en þar er fjallað um líf og störf fólks á Íslandi fyrr á öldum.

Í gærkvöldi frumsýndi leikhópur Grunnskólans leikritið Viltu vera vinur minn á Facebook eftir Önnu Brynju Baldursdóttur í leikstjórn Kristínar Gestsdóttur.  Leikritið er sýnt í Sindrabæ og er næsta sýning í kvöld þriðjudag kl. 20:00.  Sýningin stendur í rúmar 30 mínútur og það kostar 500 kr inn á sýninguna.

Þorrablót nemenda í 8. – 10. bekk var haldið í Sindrabæ fyrstu vikuna í febrúar. Það voru nemendur í 10. bekk sem sáu um skemmtiatriðin sem voru svo vægt sé til orða tekið „frábær“. Skemmtiatriðin fjölluðu að mestu um kennara og var greinilegt að hópurinn hafði lagt mikla vinnu í að gera þau sem best úr garði. Einnig var minni karla og kvenna flutt og var það gert með glæsibrag eins og allt annað hjá krökkunum þetta kvöld.

Nú er komið að annarskilum. Vetrarönn að ljúka og vorönn tekur við. Föstudaginn 3. febrúar  er viðtalsdagur þar sem nemendur ásamt foreldrum mæta í viðtal við umsjónarkennara.

Á föstudaginn var buðu nemendur fjórða bekkjar foreldrum sínum og ömmum í heimsókn í skólann. Tilefnið var lok verkefnisins um Móse og ferð hans með þjóð sína yfir eyðimörkina til fyrirheitna landsins. Undanfarnar vikur hafa nemendur unnið að verkefninu með þeim hætti að fyrst voru sögurnar um Móse lesnar, næst drógu nemendur myndir úr Biblíum upp á glærur sem var síðan varpað upp á stóran pappír á veggnum.

Í Grunnskóla Hornafjarðar hefur lengi verið við lýði sá siður að drengirnir hlaupa hringinn í kringum skólann með annan fótinn í buxnaskálminni. Þetta þykir afar spennandi, sérstaklega á yngra stiginu en þeir eldri eru einnig duglegir að taka þátt. Stelpurnar taka þátt með því að hvetja strákana óspart áfram.

Á sama tíma og „strákarnir okkar“ keppa á EM halda nemendur í Heppuskóla handboltamót þar sem keppt er í tveim riðlum. Það er nemendafélagið sem stendur fyrir þessu móti sem haldið er í fyrstu frímínútum hvers dags.

Í byrjun desember ákváðu börnin í 3. HS að fara í lestrarátak. Átakið stóð í 2 vikur og á þeim tíma lásu börnin 245 bækur!

Eitt af því sem boðið hefur verið upp á í vali nemenda er skák. Sigurður Örn Hannesson hefur séð um að uppfræða krakkana um töfra skáklistarinnar og hver veit nema að skáksnillingar framtíðarinnar séu þarna á ferðinni. Tímabilinu lauk  með skákmóti. Sigurvegari var Kristján Vilhelm Gunnarsson, í öðru sæti var Halldór Hrannar Brynjúlfsson og í því þriðja Hjörvar Ingi Hauksson.  

Í gær var sýning í Sindrabæ fyrir nemendur í 7. - 10. bekk. Það voru nokkrir samnemendur þeira sem sungu fyrir þá og sýndu leikrit.

Það er gaman að segja frá því að Sveinbjörg Zophoníasdóttir og Alex Freyr Hilmarsson heimsóttu krakkana í 5. - 10. bekk fimmtudaginn 8. des.

Undanfarið hefur verið hagstætt veður til að fara á skauta. Nemendur í grunnskólanum ásamt
kennurum sínum hafa verið dugleg við að sanna snilli sína á skautasvellinu og hafa margir bekkir lagt leið sína á svellið hjá „Hrossó“.

Tíminn er svo fljótur að líða og nú erum við hálfnuð í myndmennta- og heimilisfræðismiðjunum  og rúmlega það.  Börnin hafa staðið sig afskaplega vel og eru dugleg að vinna, vandvirk og taka vel eftir.
Í myndmenntinni erum við búin að ræða um myndbyggingu og mála mynd í kjölfarið, mála blöð og nota í klippimyndir, þar sem við skoðuðum formfræði vel og töluðum um formin.  Við höfum  verið að vinna pöddumyndir, puttastimpla og byrja á límþrykki. 

Þann 30.nóvember fóru 4 einstaklingar úr 10.bekk í til að taka þátt í Spurningarkeppni Grunnskólann en fjórðungskeppnin var haldin á Egilstöðum.

Rithöfundarnir Bryndís Björgvinsdóttir, Ari Trausti Guðmundsson og Arnþór Gunnarsson litu við í gær og heilsuðu upp á krakkana.

Skrímsli hafa sést á ferðinni í myndmenntastofunni. Eitt skrímslið var klætt bláum kufli og var með rauð grimmdarleg augu.

Nemendur í 10. bekk héldu kaffihúsakvöld þar sem þau sýndu foreldrum sínum afrakstur vinnu sinnar um Lónsöræfaferðina sem farin var í lok september.

Í tilefni af vinavikunni hafa ákveðnir bekkir tengst sem vinabekkir. Í dag heimsóttu t.d. nemendur í 2. bekk vinabekk sinn sem er 7. bekkur. Krakkarnir föndruðu saman, þar sem þau eldri aðstoðuðu yngri krakkana, eða öfugt. Einnig var gripið í spil ásamt því að spjalla saman. Þessi heimsókn tókst í allastaði mjög vel og færði þessa tvo aldurshópa örugglega nær hvor öðrum.

Þriðjudagurinn 22. nóvember hófst með óvenjulegu sniði í Grunnskóla Hornafjarðar því nýir bekkir (hópar) höfðu þá verið búnir til þvert á árganga. Unnu þessir hópar saman fram eftir morgni og var eitt af verkefnunum DRAUMASKÓLINN MINN.  Verkefnið er hluti af vinnu í vinaviku í skólanum og er afraksturinn til sýnis á Menningarmiðstöðinni.

Í morgun hófst vinavika í skólanum með því að nokkrir nemendur úr 10. bekk og nemendaráði settu hurðaspjöld á útidyr bæjarbúa með vinakveðjum frá nemendum skólans. .

Í dag sá 6. RE um vikuhátíð, það var að vonum mikið fjör. Kynnar hátíðarinnar voru Ýrena og Leli.  Inga Sóley og Ylfa sungu lag og  Hekla, Guðrún Ása og Tinna dönsuð  slæðudans með. Bjarmi flutti brandara og Óliver og Aðalsteinn léku auglýsingabrandara. Elva, Dagbjört og Ýrena sögðu líka brandara. Tískusýningin var auðvita á sínum stað. Ýrena, Tinna, Díana og Dagbjört sungu eitt lag og svo stóðu Bjarmi og Aðalsteinn fyrir æsispennandi spurningakeppni.

Í dag var haldið upp á dag íslenskrar tungu í Grunnskólanum. Einn liður í því er smásagna og ljóða samkeppni sem Grunnskólinn og Menningarmiðstöðin standa að. Nemendur í 4. – 10. bekk semja ljóð eða sögu og dómnefnd velur úr nokkur verk sem nemendur síðan flytja í Nýheimum. .

Þeir Esjar og Sigbjörn sem eru í áhöfn Ásgríms Halldórssonar komu í heimsókn í Hafnar-og Heppuskóla með uglu sem þeir sýndu nemendum. Uglan vakt að vonum mikla athygli enda sjaldséðir slíkir gestir.

Á föstudaginn var sá 3. bekkur um að halda vikuhátíð skólans. Hátíðin var að vanda haldin í Sindrabæ. Krakkarnir buðu upp á fjöruga og fjölbreytta dagskrá með dansi, söng, bröndurum að ógleymdri tískusýningu. Olivia og Kjartan sáu um að kynna dagskrána og gerðu það af stakri prýði. Við upphaf og lok hátíðarinnar fengu krakkarnir salinn með sér í fjöldasöng  og er óhætt að segja að allir hafi tekið vel undir.

Dagurinn 8. nóvember er tileinkaður baráttu gegn einelti og afleiðingum þess. Einelti er dauðans alvara og til að koma í veg fyrir það þarf umræðan að vera opin og jákvæð.

 Í liðinni viku hélt 6.RV vikuhátíð fyrir nemendur og starfsfólk í Hafnarskóla. Hátíðin var að venju haldin í Sindrabæ. Krakkarnir héldu úti afar skemmtilegri og fjölbreyttri dagskrá og má með sanni segja að þau hafi vakið stormandi lukku. Arndís og Svandís sáu um að kynna atriðin og fyrstar á svið voru Sigurborg og Guðný sem spiluðu tvö lög á klarinet fyrir áhorfendur.

Legóhópur Grunnskóla Hornafjarðar, Hornsílin æfa sig af kappi þessa dagana fyrir hina árlegu legókeppni. Keppni fer fram í Reykjavík 12. nóvember og er spenningurinn að stig magnast í hópnum.

Nú er búið að opna fyrir leiðsagnarmatið inni á mentor.is þannig að nemendur geta byrjað að fylla það út með foreldrum sínum. Fimmtudaginn 3. nóv. er viðtalsdagur en öll viðtöl fara fram í Hafnarskóla. Föstudaginn 4.nóv. er starfsdagur kennara og þá er frí hjá nemendum og mánudaginn 7. nóv. er vetrafrí. Skólinn hefst þriðjudaginn 8. nóv. samkvæmt stundaskrá.

Í dag sýndi Möguleikhúsið Völuspá í Íþróttahúsinu fyrir nemendur í 9. og 10. bekk og nemendur FAS.  Leikritið Völuspá byggir á hinni fornu Völuspá og veitir áhorfendum sýn inn í hugmyndaheim heiðinnar goðafræði. Þar segir m.a. frá fróðleiksfýsn Óðins, græðgi í skáldamjöðinn, forvitni hans um nútíð og framtíð, Fenrisúlfi, Baldri, Loka, Hugin og Munin og ótal fleiri persónum.

Árleg dansvika í Grunnskóla Hornafjarðar er nú að baki, en henni lauk með frábærri danssýningu s.l. föstudag. Jón Pétur sem hefur komið hingað og kennt dans undanfarin ár var hæst ánægður með unga fólkið okkar, enda stóðu krakkarnir sig einstaklega vel.

Á morgun, föstudaginn 21. október  er  danssýning fyrir foreldra og forráðamenn í íþróttahúsinu. Sýningin hefst kl 12.30 og nemendur fara heim að lokinni sýningu.

Í liðinni viku var haldin fyrsta vetrahátíð vetrarins en það var 4.bekkur E sem reið á vaðið að þessu sinni. Boðið var upp á fjölbreytta skemmtun þar sem allir sem tóku þátt skemmtu sér konunglega og á það við bæði um áhorfendur sem og listamennina sjálfa.

Aðalfundur foreldrafélags Grunnskóla Hornafjarðar var haldinn í matsal skólans þriðjudaginn 4. október síðastliðinn. Ágætis mæting var á fundinn þar sem farið var yfir starf síðasta árs með töluverðri áherslu á fræðslufund Guðrúnar Jónsdóttur frá Heimili og skóla sem haldinn var 22. september á vegum foreldrafélagsins.

Á föstudaginn var rautt þema í 7. – 10. bekk  og mættu bæði nemendur og kennarar í viðeigandi lit. Það er nemendafélag skólans sem stendur fyrir þessari uppákomu og var virkilega gaman að sjá hversu margir tóku þátt. Í löngufrímínútunum var síðan boðið upp á lifandi tónlist þar sem bæði nemendur og kennarar létu ljós sitt skína.

Undanfarnar vikur hafa nemendur í 3. HS verið að lesa um ættfeður Ísraelsmanna. Eftir að hafa lesið um Abraham og Söru og ferðalag þeirra með ættingja sína og allar sínar eigur, var ráðist í að búa til stóra veggmynd af þessu ferðalagi.

Eftir samræmduprófin, miðvikudaginn 21.september fór 10.bekkur í Grunnskóla Hornafjarðar í þriggja daga ferð í Lónsöræfin. 19 nemendur voru í þessari ferð og voru Berglind  Steinþórsdóttir, Jón Bragason og Kristján Örn Ebenezarson leiðsögumenn í þessari ferð. Ferðin byrjaði á því að ganga niður Illakamb til að komast í skálann sem við gerðum að okkar heimahúsi í heilar 2 nætur. Þegar við höfðum komið okkur fyrir í skálanum og fengið okkur næringu fórum við í göngu  upp með Þilgili.

Fimmtudaginn 6. október verður haldinn fyrsti hluti skólafærninámskeiðs fyrir foreldra 1. bekkinga Grunnskóla Hornafjarðar. Námskeiðið verður í matsal skólans og stendur frá kl. 20:00 – 22:00. Vonast er eftir því að allir foreldrar mæti á námskeiðin og fræðist um námið og vinnustað barna sinna. Dagskrá námskeiðsins er eftirfarandi:

Í kvöld verður haldið skólafærninámskeið fyrir foreldra 7. bekkinga í Grunnskóla Hornafjarðar. Námskeiðið er haldið í Heppuskóla og hefst kl. 19:30 og því líkur kl. 21:30. Það er von okkar að allir foreldrar 7. bekkinga mæti og eigi með okkur ánægjulega og fræðandi kvöldstund.

Dagskrá skólafærninámskeiðsins er eftirfarandi:

Í síðustu viku fór 8. bekkur í skólaferðalag til Vestmannaeyja. Ferðin tókst í allastaði vel og lék veðrið við ferðalangana sem fengu að upplifa eyjarnar í sól og blíðu.

Nú er lokið hinni vikulöngu bekkjarkeppni skólans í Göngum í skólann verkefninu og því minnum við á að nú þarf að skila hreyfidagbókinni  til umsjónarkennara.

Foreldrafélag Grunnskóla Hornafjarðar stendur fyrir fræðslufundi Heimilis og skóla í Nýheimum í kvöld kl. 20:00 Vinnum saman að velferð barnanna okkar og fjölmennum á fundinn.

Nemendur í 8. bekk  eru núna í skólaferðalagi í Vestmannaeyjum. Þau héldu af stað í gær ásamt þremur starfsmönnum frá skólanum. .

Þann 11. september fór fram verðlaunaafhending  Nýsköpunarkeppni grunnskólanemenda en hún var haldin í  20. sinn.

Í síðustu viku fóru 4. og 5. bekkur í námsferð í Suðursveit.  Ferð þessi er farin annað hvert ár og er með þeim hætti að annan daginn er farið á Hala en hinn daginn er gengið inn í Þröng en þá er gengið inn að Breiðamerkurjökli meðfram Fellsfjalli og gist er í Hrollaugsstöðum. Í þetta sinn byrjuðum við á Hala þar sem Þórbergssafnið var skoðað undir leiðsögn Þorbjargar Arnórsdóttur , fiskeldið skoðað hjá Fjölni Torfasyni og farið í ratleik sem settur hefur verið upp bæði með sögulegum fróðleik og fróðleik um örnefni.

Síðustu daga hefur staðið yfir kosning í nemendaráð
Heppuskóla og á hver árgangur tvo fulltrúa í ráðinu. Þau sem voru kosin eru: Jóel Ingason og Brandur Ingi Stefánsson úr 7. bekk, Sigrún Salka Hermannsdóttir og Sigríður Gísladóttir úr 8. bekk, Anna Birna Elvarsdóttir og Hafþór Snorrason úr 9. bekk og Arnar Freyr Valgeirsson og Ragnar Magnús Þorsteinsson úr 10.bekk. Þetta er glæsilegur hópur og óskum við þeim velfarnaðar í þeim verkefnum sem framundan eru.

Nemendur í 6. og  7. bekk fóru í námsferð í Öræfin í vikunni sem er að líða. Lagt var af stað frá Hafnarskóla á þriðjudagsmorguninn og var það hress og kátur hópur nemenda sem og starfsmanna sem steig um borð í rúturnar. Fyrsta stopp var við Jökulsárlón þar sem kíkt var í nestispokana og hópurinn viðraður. Næsti áfangastaður var Hofgarður þar sem vistir voru bornar í hús og að því loknu var stefnan tekin á Skaftafell

Nemendur í 8. – 10. bekk héldu árlegan haustfagnað sinn í Sindrabæ í gærkvöldi.

Skemmtunina hófst með kjúklingahlaðborði og endaði á rífandi góðu diskóteki en í millitíðinni voru skemmtiatriði í boði 9. bekkinga sem báru veg og vanda af kvöldinu.

Í tilefni dagsins var einn tími á skóladeginum í gær tekinn í leiki og spil þar sem allir í 7. – 10. bekk gátu valið sér viðfangsefni.

Í dag, fimmtudag fóru nemendur í 1. – 4. bekk í berjamó og eins og svo oft áður var stefnan tekin í Haukafell. Veður var ágætt, örlítið svalt en í Haukafelli er alltaf hægt að finna sér skjól.

Miðvikudaginn 7. september kl. 10.00 verður Göngum í skólann verkefnið formlega sett af stað  í Síðuskóla á Akureyri.

Í vikunni fóru 5. – 10. bekkur í hina árlegu gönguferð skólans  að þessu sinni var ákveðið að ganga fyrir Horn. Ferðin hófst á rútuferð út að Firði og þaðan var gengið yfir að Horni.

Skólasetning í Grunnskóla Hornafjarðar verður 24. og 25. ágúst. Skólasetning fer fram með þeim hætti að umsjónarkennarar boða nemendur og foreldra í viðtal þar sem markmið vetrarins verða rædd. 

Konur úr Grunnskóla Hornafjarðar hlupu kvennahlaupið í eldsnemma í morgun á Spáni en hópur af starfsfólki skólans er statt þar þessa dagana á námskeiði og í skólaheimsóknum. 

Grunnskóli Hornafjarðar tók þátt í Unicef-hreyfingunni eins og undanfarin ár. Í ár voru það krakkarnir í 1. – 9. bekk sem tóku þátt, því 10. bekkur var í skólaferðalagi. 

Frumurnar hefja keppni í Delft í Hollandi á morgun.  Frumurnar eru legóhópur Grunnskólans, skipaður 10 nemendum úr 7. bekk, sem vann legókeppnina á Íslandi í nóvember.  Nú fara Frumurnar sem fulltrúar Íslands til Hollands þar sem þær taka þátt í Evrópukeppninni. 

Grunnskóla Hornafjarðar var slitið í fjórða sinn 30. maí í íþróttahúsi Hafnar.  Dagskrá skólaslitanna hófst á götuleikhúsi fyrir utan íþróttahúsið og eldgosasýningu en að henni lokinni færði fólk sig inn í íþróttahúsið, í hlýjuna því heldur napurt var þennan dag. 

2. bekkur SÞ hefur lagt land undir fót undanfarna daga og skoðað söfnin í bænum. Við byrjuðum á að skoða verbúðina í Miklagarði í tengslum við þemaverkefni um hafið sem bekkurinn var að vinna að.

Grunnskóla Hornafjarðar verður slitið við hátíðlega athöfn í Íþróttahúsinu á Höfn kl. 17:00 mánudaginn 30. maí.

Dagskrá síðustu daga skólans fór heldur betur úr skorðum á unglingastiginu þegar gos hófst í Grímsvötnum.

Nú er heldur betur farið að styttast í að legóhópurinn Frumurnar fari á Evrópumótið í legó en mótið fer fram í Delft í Hollandi 2. – 4. júní.

Mánudaginn 16. maí fór 3. bekkur  í vorferð í Öræfin, þegar við vorum búin að ná í matinn á Víkina og súkkulaðikökuna í bakaríið þá lögðum við af stað í ferðalagið okkar. 

Í dag voru allir nemendur í 7. - 10. bekk skólans, ásamt nemendum frá Djúpavogi og Hofgarði í Háskóla unga fólksins sem ferðast um landið með Háskólalestinni í tilefni 100 ára afmælis Háskóla Íslands.  Þetta var einstaklega skemmtilega heimsókn og nutu nemendur þess að læra japönsku, táknmál, latínu, sjúkraþjálfun, stjörnufræði, kynjafræði eða nýsköpun.  Á morgun veður Háskólalestin síðan með dagskrá fyrir almenning í Nýheimum.

Í gær hélt eldar stigið vorhátíð sína með pompi og prakt.  Samkvæmt venju var kvöldið tileinkað 10. bekk og sá 9. bekkur um allan undirbúning og utanumhald.  Foreldrar 9. bekkinga grilluðu hamborgar fyrir allan hópinn og DJ Óli Geir sá um að halda uppi stuðinu á ballinu. En myndir segja meira en mörg orð.

Nemendur skólans hafa verið duglegir við að sinna sviðslistum í vetur. Með reglulegu millibili hafa verið haldnar svokallaðar vikuhátíðir á yngra stig þar sem hver árgangur eða einstakir bekkir hafa stigið á svið og skemmt sjálfum sér og skólafélögum sínum með margvíslegum hætti. Vikuhátíðin hefur oftast verið haldin í Sindrabæ en einnig í skólastofum og nú í vikunni nýtti 4.M sér vorblíðuna og bauð til útileikhúss þar sem hin ýmsu sirkusatriði voru á dagskrá. Bæði flytjendur og áhorfendur nutu sýningarinnar og veðurblíðunnar og hlakka til næstu vikuhátíðar.  

Vakin er athygli á verkefninu „Tímabundin tannlæknaþjónusta fyrir börn tekjulágra foreldra/forráðamanna“  http://www.tr.is/tannvernd-barna/. Jafnframt er bent á að þessi þjónusta er tímabundin og því þarf að bregðast við.

Upplýsingar á pólsku eru einnig á vef Reykjvíkurborgar: http://www.reykjavik.is/desktopdefault.aspx/tabid-4449/7620_read-26280/

Umsóknarfrestur er til 1. júní.   

Við erum ekki búin að vera heppin með veður síðustu fimmtudaga og verið frekar erfitt að finna skjól enn síðasta fimmtudag var ákveðið að nota rústirnar fyrir ofan Miklagarð til að glóðarsteikja pítsulengjur. Það eru allir mjög áhugasamir og duglegir í þessum hópi og bíða spenntir eftir því að komast á sjóstangarveiði.

Kveðja frá útieldhúsi

Nú er allt á öðrum endanum í  skólanum því nemendur og starfsmenn eru á fullu við að leggja lokahönd á undirbúnig fyrir árshátíð skólans sem hefst kl. 17:30 í Íþróttahúsinu í dag.

Lokahátíð Stóru upplestrarkeppninnar  á Suð-Austurlandi fór fram í Hafnarkirkju í dag. Þar lásu 11 nemendur úr 7. bekk þriggja grunnskóla á svæðinu; Grunnskóla Djúpavogs, Grunnskóla Hornafjarðar og Grunnskólanum í Hofgarði.  Lokahátíðir eru haldnar í hverjum landshluta fyrir sig og veita Sparisjóðirnir verðlaun þremur efstu keppendunum.   

Nemendur 6. bekkjar eru búnir að eiga góðar stundir í Oddsskarði á skíðum. Þau voru mætt í fjallið um hádegi í gær og skíðuðu fram undir kvöld. Þá tók við hin sívinsæla skíðaskála dvöl sem klikkaði ekki frekar en venjulega. Krakkarnir hafa verið ágætlega heppin með veður en svolítill vindur er búinn að vera hjá þeim. Skíðað verður til hádegis í dag og er áætluð heimkoma þeirra á milli 16:00 og 17:00.

Háskóli unga fólksins, HUF, hefur verið starfræktur á vegum Háskóla Íslands frá árinu 2004 og notið mikilla vinsælda.. Í tilefni aldarafmælis HÍ 2011 verður starfsemi HUF með hátíðarsniði og skólinn á faraldsfæti.   Þar ber hæst  ferð Háskóla unga fólksins með svokallaðri Háskólalest sem heimsækir níu áfangastaði á landinu í samstarfi við Rannsóknarsetur HÍ á landsbyggðinni, grunnskóla, sveitarfélög o.fl.

Í marsmánuði ár hvert lýkur Stóru upplestrarkeppninni í 7. bekk en hún hefst formlega á degi íslenskrar tungu 16. nóvember.  Markmiðið með keppninni er að vekja athygli og áhuga í skólum á vönduðum upplestri og framburði og víst er að margir afburðalesarar hafa komið fram á sjónarsviðið í keppninni. 

Yngri börnin í skólanum bíða öskudags með óþreyju og finnst gaman að hittst í skólanum og skoða búningana hvert hjá öðru og gera skemmtilega hluti saman. 

Á öskudag var breytt út af hefðbundnu skólastarfi eins og vera ber. Á unglingastiginu voru nemendur úr leiklistarsmiðju, söngvavali og freestyle með stórglæsilega sýningu í Sindrabæ.  Einnig var keppt í fáránleikum en þeir snúast um að keppa í óhefðbundnum íþróttagreinum og að lokum buðu stúlkur úr 9. bekk upp á pönnurkökur í lok dagsins. Skemmtilegur dagur þar sem flestir náðu að rifja upp barnið í sér jafnt nemendur sem starfsmenn.

Í morgun var nemendum skólans boðið á blús í Sindrabæ þar sem Bigband Tónskólans steig á stokk í tilefni þess að um helgina verður Norðurljósablús á Hornafirði. Í Víkingsveitinni eru nokkrir nemendur úr skólanum og svo fengu aðrir að spreyta sig í nokkrum lögum.  Allir skemmtu sér konunglega á blúsnum og þakkar skólinn aðstandendum Norðurljósablús kærlega fyrir blúsinn.

Sett hefur verið upp ný heimasíða í Upplýsinga- og tæknimennt fyrir eldra stigið eða nemendur Heppuskóla. Farið er inn á þessa heimasíðu hér eða á tenglinum efst til hægri hér til hliðar sem heitir Upplýsinga og tæknimennt. Megin tilgangur síðunnar er að veita upplýsingar um tölvukennsluna í 7. - 10. bekk og hvernig smiðjurnar eru uppsettar.

Undankeppni fyrir Skólahreysti var haldin síðastliðinn fimmtudag og fengu allir nemendur að prófa þrautirnar. Um morguninn fengu yngri bekkirnir að fara í gegnum hraðabraut, strákarnir fengu svo að fara í upphífingar og dýfur en stelpurnar spreyttu sig í armbeygjum og í að hanga. Eftir hádegi var svo komið að keppninni sjálfri. Fjölmargir keppendur mættu til leiks úr 7.-10. bekk.

Þá er þorrinn að renna sitt skeið, sól tekin að hækka á lofti og konudagur á sunnudag.160;

Mikið fjör hefur verið í frímínútunum í dag, krakkarnir nýttu sér snjóinn og mættu margir með snjóþotur og sleða til að renna sér á.

Nú hafa starfsmenn matsfyrirtækisins Hitt og þetta skilað inn skýrslu sem unnin var vegna úttektar á skólanum.  Skýrslan er aðgengileg hér og hvetjum við þá sem eru áhugasamir um skólastarf á Hornafirði að kynna sér hana.  Í skólanum verður skýrslan notuð til að styrkja innviði skólans og er ýmsar gagnlegar ábendingar að finna í henni. 

Nú er að fara af stað foreldranámskeið um hugmyndafræði Uppeldis til ábyrgðar.  Námskeiðið er nú haldið í annað sinn og er opið öllum foreldrum . Námskeiðið er 5 skipti, einn og hálfur tími í senn í matsal Grunnskólans og verður á  þriðjudagskvöldum klukkan 20:00 eftirfarandi daga;  

Starfsfólk Grunnskóla Hornafjarðar óskar nemendum, foreldrum og Skaftfellingum öllum gleðilegra jóla og farsældar á komandi ári og þakkar samstarfið á árinu sem er að líða.

Jólaundirbúningurinn stendur nú sem hæst í grunnskólanum. Litlu jólin og pakkaballið verða fimmtudaginn 16. desember, jólabíó verður í Heppuskóla og vikuhátíð í Hafnarskóla þann 17. og mánudaginn 20. desember endum við skólaárið með því að eiga ljúfa stund saman á stofujólum.

Frumurnar, lið Grunnskóla Hornafjarðar sigraði hina árlegu First Lego League keppni sem haldin var í Keili í Keflavík, laugardaginn 13. nóvember.

Í tilefni af Norræna loftslagsdeginum 11. nóvember söfnuðust nemendur og starfsfólk skólans saman á sparkvellinum undir íþróttahúsinu og önduðu að sér ferska loftinu.

Það var mikið um að vera hjá 4. bekk M í gær. Krakkarnir hafa verið að læra um íslenska þjóðhætti og af því tilefni voru þau með sýningu fyrir vini og vandamenn á verkefnum sínum. 

Í dag var Forvarnardagurinn haldinn á landsvísu og fengu nemendur 9.bekkjar boð um að taka þátt. Að sjálfsögðu tók okkar grunnskóli boðinu og í tilefninu af því fóru fyrstu tveir tímarnir í að vinna ákveðna hópavinnu. 

Nú er ný lokið átakinu Göngum í skólann. Nemendur og starfsfólk  í Grunnskóla Hornafjarðar tóku þátt í átakinu og eitt af því sem var gert hér var að senda hreyfidagbók heim með hverjum nemanda. Tæplega 60% nemenda skilaði hreyfibókinni aftur í skólann.

ÞÉR ER BOÐIÐ AÐ SÆKJA BORGARAFUND

Í EINELTISÁTAKINU STÖÐVUM EINELTI!

Fundurinn verður haldinn 28. október kl. 20:00

í Nýheimum á Höfn í Hornaf irði. Jafningjafræðslufundur

verður haldinn þar á undan kl. 18:00 fyrir

efstu bekki grunnskólans.

Á föstudaginn var glæsileg danssýning í íþróttahúsinu í lok dansvikunnar.  Þá sýndu um 240 nemendur dansa sem þeir höfðu æft í vikunni og það var ekki laust við að áhorfendur sem voru gríðarmargir fengju gæsahúð þegar allur hópurinn dansaði tvo dansa saman í lokin.  Svo frábært var það. 

Danssýning hjá nemendum skólans verður í íþróttahúsinu á Höfn föstudaginn 22. október kl. 13:00.  Í vikunni hafa allir nemendur í 1. - 7. bekk æft dans og langflestir nemendur 8.-10. bekkjar þar sem dansinn er val.  Foreldrar og aðrir áhugasamir dansunnendur velkomnir.

Það var handagangur í öskjunni á mánudaginn 27. september og í dag þegar nemendur úr 4. bekk Grunnskóla Hornafjarðar heimsótti dagvist aldraðra.

Það voru þrjátíu og fimm nemendur úr 10. bekk Grunnskóla Hornafjarðar ásamt fjórum kennurum og Jóni Bragasyni sem fóru í þriggja daga ferð í Lónsöræfi þann 22.-24. september.

Okkar fólki gekk aldeilis vel í Nýsköpunarkeppni grunnskólanemenda. Arndís Ósk Magnúsdóttir sigraði í hönnunarflokknum en hún hannaði nýja gerð af stiga til að fara yfir girðingu. Jóel Ingason lenti í þriðja sæti í flokknum orka og umhverfi auk þess sem hann fékk að opna sýningu inn á afrakstur vinnusmiðjunnar með forseta Íslands. 

Miðvikudaginn 15. september kom Ólafur Oddur Sigurðsson margfaldur íslandsmeistari í glímu í heimsókn til okkar. Hann kom á vegum Glímusambands íslands í þeim tilgangi að kynna íslenska glímu en Ólafur hefur farið vítt og breitt um landið að kynna glímuna.

Dagana 16. - 19. september fara fram úrslit í Nýsköpunarkeppni grunnskóla.  Fjörutíu og fjórir krakkar komust í úrslit, þar af fjórir úr Grunnskóla Hornafjarðar. Að þessu sinni bárust 1600 hugmyndir allstaðar af landinu svo að Hornfirðingar mega vera sáttir við sinn hlut.

Rúmlega fjörutíu manns gengu Endalausadalinn sem liggur á milli Laxárdals í Nesjum og Lóns. Farið var á þremur litlum rútum inn á Laxárdal, þar safnaðist hópurinn saman og farið var yfir það helsta sem hafa ber í huga í fjallgöngu.

Farið var í mjög skemmtilega berjaferð í Haukafell miðvikudaginn 1. september. Farið var á rútum með alla úr 1. – 4. bekk. Við byrjuðum á að fá okkur epli þegar við komum á staðinn og á eftir fengum við heitt kakó. Allir nutu þess að borða úti í náttúrunni enda var veðrið mjög gott. Sólin skein og við fengum 15° hita.

Í tengslum við haustfagnað nemenda á unglingastigi var kosið í nemendaráð skólans og Miðgarðsráð.  Auk þess sem bekkjarkvöld var hjá 7. bekk og haustfagnaður hjá 8. - 10. bekk þá tóku unglingarnir forskot á sæluna og fóru í spil og leiki í síðast tíma dagsins. 

Miðvikudaginn 1. september var göngu- og berjadagur í skólanum. Yngstu fjórir árgangarnir fóru í berjamó í Haukafell en hinir fóru í gönguferð og voru þrjár leiðir í boði.  Það var Bergárdalurinn, Endalausidalurinn og Skálatindarnir.

Nú er skólastarf komið í fullan gang og fyrsta vikan um garð gengin.  Nemendur og starfsmenn komu hressir og endurnærðir eftir sumarfríið, fullir starfsorku. Um miðjan ágúst sátu starfsmenn skólans tvö námskeið saman, annað um uppeldi til ábyrgðar og hitt um samskipti á vinnustað og mótun góðs starfsumhverfis. 

Skólasetning Grunnskóla Hornafjarðar fer fram 26. og 27. ágúst næstkomandi.  Þá verða nemendur og foreldrar boðaðir í viðtal til umsjónarkennara þar sem málefni vetrarins verða rædd. 

Kennsla hefst samkvæmt stundatöflu mánudaginn 30. ágúst

Grunnskóla Hornafjarðar var slitið 31. maí síðastliðinn.  Þá var þriðja starfsári skólans að ljúka en hann var stofnaður við sameiningu Nesja-, Hafnar og Heppuskóla sumarið 2007.  28 nemendur útskrifuðust úr 10. bekk að þessu sinni  en nemendur við skólann voru rúmlega 300 í vetur og starfsmenn um 55. 

Dagurinn var hreint frábær..... hér er búið að ganga um eyjuna hitta innfædda, fara á safn, sigla kringum eyjuna, og spranga.... já og ekki má gleyma brjáluðu trambolín rennibrautinni....

Nemendur í 7. bekk er nú í skólaferðalagi í Vestmannaeyjum.  Stuttu eftir að þau komu þangað í gær fór að vinda og brast þá á öskufjúk. . 

Þann 17. maí fór 3. bekkur í skólaferðalag í Öræfin. Ferðin hófst þó á Jöklasafninu þar sem Guðný Svavarsdóttir tók á móti hópnum. Safnið var skoðað gaumgæfilega en að því loknu var lagt í hann í frekar mikilli rigningu. Nesti var borðað að Hrollaugsstöðum og var þá regnið það mikið að nokkrir fundu sér skjól undir aftanívagni rútunnar.

Mikið hefur verið um að vera í skólanum á íþróttadegi.  Öllum bekkjum var blandað saman og búnir til nýir hópar þvert á bekki.  Í hópunum leystu nemendur hinar ýmsu þrautir allt frá suduku upp í að klifra upp kaðlana í íþróttahúsinu.

Í gær fór fram matreiðslukeppni 9. og 10. bekkinga í skólanum.  Fimm lið mættu til keppni og var hörð barátta um hvert stig.  Keppendur áttu að elda forrétt þar sem uppistaðan var humar, aðalrétt þar sem uppistaðan var bleikja og eftirrétt að eigin vali.  Það voru svo sannarlega girnilegir réttir sem voru bornir á borð og erfitt fyrir dómarana að gera upp á milli liðanna. 

Á dögunum fóru nemendur í 6. og 7. bekk í námsferði í Öræfin þar sem áhersla var lögð á að nemendur fræddust um umhverfið og lærðu að gera ýmiskonar mælingar og tilraunir.  Hér á eftir fer frásögn þriggja nemenda úr ferðinni.

Hulda Laxdal hefur verið ráðinn skólastjóri við grunnskóla Hornafjarðar í stað Þorvaldar Viktorssonar sem látið hefur af störfum sökum veikinda.  Hulda lauk íþróttakennaraprófi frá Íþróttakennaraskóla Íslands árið 1980 og hefur starfað nánast óslitið við kennslu síðan auk þess að bæta við sig ýmiskonar menntun.  2003 lauk hún BS prófi í íþróttafræði og heilsuþjálfun, 2006 lauk hún Dipl.Ed prófi í menntunar og uppeldisfræðum með áherslu á stjórnun menntastofnana og núna vinnur hún að meistaraprófsritgerð um sömu mál. 

Á föstudaginn var haldið hið árlega Unicef-hlaup sem Grunnskóli Hornafjarðar hefur tekið þátt í undanfarin ár. Nemendur safna áheitum og fá gjarnan greitt fyrir hvern hring sem þeir hlaupa á hlaupabrautinni.

Í vikunni fóru 4. og 5. bekkur Grunnskóla Hornafjarðar og Grunnskólans í Hofgarði í námsferð í Suðursveit. Gist var á Hrolllaugsstöðum, gengið inn í Þröng og þar komist í snertingu við Breiðamerkurjökul.

Þá er frábærri dansviku lokið í skólanum og lauk henni með danssýningu þar sem fjöldinn allur af foreldrum og öðrum aðstandendum mætti og fylgdist með nemendum dansa. 

Kvenfélagið Vaka í Nesjum hefur gefið skólanum útileikföng fyrir allt að 100.000 kr.  Á hreinsunardeginum í dag vígðum við dótið en það samanstendur af allskyns útileikföngum sem öll eiga það þó sameiginlegt að stuðla að aukinni hreyfingu barna.

Í morgun (föstudag) fóru nemendur og starfsmenn skólans út af örkinni og hreinsuðu bæinn þ.e. fyrir utan þann hluta sem útskriftarhóp FAS hafði verið úthlutað.

7.bekkur K er að taka þátt í keppni sem kallast Reyklaus bekkur 2010.  Keppnin felst á því að bekkurinn verður að vera reyklaus (að enginn reykir).  Svo fylgist kennarinn með og sendir staðfestingu að allir séu reyklausir í bekknum.

Við lögðum af stað á sunnudagsmorgni 11. apríl kl 11:00, ferðinni var haldið á Laugar í Sælingsdal þar sem til stóð að dvelja í skólabúðum í eina viku.

Götuleikhúshópurinn í 9. og 10. bekk stefnir á að sýna listir sínar á skólaslitunum í vor en í hópnum eru krakkar sem eru í leiklistarsmiðju á þessu tímabili. Undirbúningurinn felst í að æfa sig í ýmsum brellum og brögðum og nú erum við t.d. að æfa okkur með eldinn.

Árshátíð grunnskólans var í gærkvöldi og heppnaðist að flestra mati vel.  Þetta er í fyrsta skipti sem hún er haldin í íþróttahúsinu en salurinn var afar hátíðlegur með nýju drapperingunum og gulum brosköllum.

Nú eru nemendur og starfsmenn að leggja lokahönd á árshátíðarundirbúning.  Eftir hádegið verður generalprufan og lokafrágangur á sal en kl. 17:30 byrjar árshátíðn sjálf. 

Árshátíð Grunnskóla Hornafjarðar verður haldin fimmtudaginn 25. mars næstkomandi í íþróttahúsinu. Sýningin hefst klukkan17:30. Þema árshátíðarinnar að þessu sinni verða lög eftir Ómar Ragnarsson. Aðgangseyrir er 1000 kr á fjölskyldu.Veitingar verða veittar á staðnum.

Allir velkomnir !

Í dag lauk Stóru upplestrarkeppninni á lokahátíð í Hafnarkirkju.  Þar leiddu saman hesta sína þeir 11 keppendur sem best hafa staðið sig í Grunnskóla Hornafjarðar og í Grunnskóla Djúpavogs.  Keppnin var bæði skemmtileg og spennandi og náðu nemendur úr Grunnskóla Hornafjarðar í þrjú efstu sætin en Sparisjóðurinn gefur verðlaun þremur bestu lesurunum.   Alrún Irene Stephensdóttir fór með sigur af hólmi, í öðru sæti var Guðrún Ósk Gunnarsdóttir og í þriðja sæti var Hafþór Snorrason.  Sérstök aukaverðlaun hlaut Bjartur Elí Egilsson frá Grunnskóla Djúpavogs. 

Miðvikudaginn 3. mars koma Páll Ólafsson félagsráðgjafi í heimsókn til okkar og ræddi um jákvæð samskipti.  Hann hélt tvo fyrirlestra, annan fyrir foreldra og hinn fyrir starfsmenn auk þess sem hann hitti stýrihópa í skólanum og leikskólunum.  Páll talar um jákvæð samskipti út frá hugmyndafræði Uppeldis til ábyrgðar og heimsókn hans var virkilega góð innspýting fyrir þá sem á hlýddu.  Hér má nálgast foreldrafyrirlestur Páls.

Nú er 6. bekkur að renna sér á skíðum í Oddsskarði í blíðskaparveðri og góðu færi.  Þau fóru í gærmorgun á skíði og koma heim síðdegis í dag.  Í síðustu viku fór 8. bekkurinn á skíði og var líka mjög heppinn með veður og skíðafæri. 

Lokahátíð Stóru upplestrarkeppninnar verður í Hafnarkirkju miðvikudaginn 17. mars kl. 14:00.  Nemendur í 7. bekk Grunnskóla Djúpavogs og Grunnskóla Hornafjarðar keppa. 

Allir velkomnir.

Skólaskrifstofa Hornafjarðar

Í Morgunblaðinu um helgina er auglýst eftir skólastjóra við Grunnskóla Hornafjarðar því eins og foreldrar vita hefur Þorvaldur Viktorsson sagt starfi sínu lausu.  Hér geta þeir sem áhuga hafa á starfinu séð auglýsinguna.

Í dag og í gær fóru allir nemendur grunnskólans í ferð út að Horni að skoða víkingabæinn sem hefur verið byggður þar. 

Í morgun var öllum nemendum grunnskólans boðið á blústónleika í Sindrabæ í tilefni Norðurljósablúshátíðarinnar sem er hér á Höfn um helgina.  Það var Rökkurbandið sem sá um skemmtunina og nutu bæði ungir og aldnir stundarinnar.   

Austurlandsriðillinn í skólahreysti 2010 var að venju haldinn á Egilstöðum og voru það þau Anna Mekkín Reynisdóttir, Einar Ásgeir Ásgeirsson, Gunnar Örn Olgeirsson og Karen Björg Halldórsdóttir sem kepptu fyrir hönd okkar í Grunnskóla Hornafjarðar.

Miðvikudaginn þriðja mars var skólakeppni Stóru upplestrarkeppninnar í salnum í Nýheimum.  Þeir sem komust áfram í skólakeppninni munu keppna í lokakeppninni sem fram fer í Hafnarkirkju 17. mars en það eru Alrún Irene, Anna Birna, Guðrún Ósk, Hafþór, Haukur Ingi, Inga Kristín, Karólína, Katrín María og Þorkell Ragnar.

Bekkjarkeppni stóru upplestrarkeppninnar í 7. bekk var í vikunni og komust eftirfarandi nemendur áfram. Hafþór Snorrason, Karolina Darnowska, Katrín María Sigurðardóttir, Steinunn Rán Bengtsdóttir, Alrún Irene Stephensdóttir, Anna Birna Elvarsdóttir, Guðrún Ósk Gunnarsdóttir, Haukur Ingi Agnarsson, Inga Kristín Aðalsteinsdóttir, Lilja Karen Björnsdóttir, Sævar Ingi Ásgeirsson og Þorkell Ragnar Grétarsson. 

Mánudaginn 22. febrúar kom Halldór Jörgensson framkvæmdastjóri Microsoft á Íslandi í heimsókn til Hafnar.  Markmið hans með ferðinni var að fjalla um nýsköpun á sviði upplýsingatækni og almenna byggðaþróun og viðskiptatækifæri við heimamenn.  Einnig hitti hann nemendur í 6. og 7. bekk og fjallaði um netöryggi barna, unglinga og foreldra.

Unglingarnir hafa ekki síður gaman af öskudegi en yngri börnin þó þau vilji stundum gera hlutina öðru vísi.  Margir nemendur á unglingastigi mættu í búning á öskudag og hæfileikakeppnin sem haldin var í tilefni dagsins tókst vel og eru margir upprennandi listamenn í skólanum.

Það er búið að vera mikið fjör í skólanum í dag, öskudag. Nemendur og starfsfólk mættu í grímubúningu og mátti sjá allskonar undarlegar persónur og furðuverur á ferð. Dagurinn hófst á æfingum fyrir samkomuna í íþróttahúsinu en þar tóku krakkarnir lagið auk þess sem þeir tóku þátt í hæfileikakeppni.

Á dögunum var boðað til svokallaðs prjónakvölds hjá starfsfólki grunnskólans.  Þar mættu rúmlega tuttugu starfsmenn með það sem þeir höfðu á prjónunum en það var æði misjafnt.  Sumir prjónuðu, einhverjir saumuðu út, heklunál var á lofti og svo var orkerað. 

Síðastliðinn þriðjudag ákváðum við nemendur í 9.bekk að halda bingókvöld til styrktar Laugarferðarinnar okkar og gekk það bara mjög vel, margir mættu og stemningin var góð. Við fórum í fyrirtækin á svæðinu og voru þau öll til í að styrkja okkur um vinninga.

Fyrsta vika febrúarmánaðar ár hvert er helguð tannvernd. Áhersla er lögð á mikilvægi góðrar tannheilsu og í ár beinum við sérstakri athygli að yngstu börnunum.

Að venju buðu hraustir drengir í skólanum "þorra í garð" að gömlum sið með því að hlaupa eða hoppa kringum skólann, sumir berfættir, á brókinni eða í annarri buxnaskálminni og sumir jafnvel berir að ofan.

Um helgina skipta nemendur skólans um smiðju og í dag luku nú fimmtán nemendur í 9. og 10. bekk námskeiði í tölvum sem kallast Þrívíddar hönnun og hljóð.

Starfsfólk Grunnskóla Hornafjarðar óskar nemendum, foreldrum og Skaftfellingum öllum gleðilegra jóla og farsældar á komandi ári og þakkar samstarfið á árinu sem er að líða.

Sú hefð hefur skapast undanfarin ár að Sparisjóðurinn færir 1.bekk jólagjöf.  Þetta er alltaf tilhlökkunarefni og á dögunum birtust Anna og Margrét og afhentu pakkana.

Hafi Sparisjóðurinn þakkir fyrir.

Á aðventunni var haldið mannamót fyrir nemendur í 7. - 10. bekk.  Albert Eymundsson sá að sjálfsögðu um mótið og stjórnaði ríflega 100 nemendum skörulega en dagana á undan hafði hann aðstoðað nemendur og kennara við að rifja upp eða læra Hornafjarðarmanna. 

Föstudaginn 11. desember var jólabíó í fyrir 7. - 10. bekk í skólanum.  Nemendur fengu að koma með nammi eins og í alvöru bíói og notfærðu þeir sér það óspart.  Einnig máttu þeir koma með teppi og kodda til að koma sér vel fyrir en bíóið var í holinu á neðri hæðinni.

Í Heppuskóla hafa nemendur og starfsmenn sungið saman á aðventunni í holinu á neðri hæðinni.  Villi (Vilhjálmur Magnússon) tölvu- og myndmenntakennari hefur leitt sönginn en margir hafa gripið í hljóðfæri honum til stuðnings.

Miðvikudaginn 2. desember var almennur fundur hjá bekkjartenglum í foreldrafélagi Grunnskólans.  Góð mæting var á fundinn þar sem vetrarstarfið var rætt, aðkoma foreldra að forvarnarvinnu, aukinn kostnaður við ferðalög nemenda og margt fleira.

Stúlkur í valáfanganum Förðun og tíska komu saman s.l. þriðjudagskvöld og héldu kynningar um förðun og tísku mismunandi tímabila. 

Á opnum dögum á barnastigi er lögð áhersla á umhverfismennt og atvinnulíf á Hornafirði.  Á miðviku- og fimmtudag fara 1.-4. bekkir í Geitafell í náttúruskoðun þar sem m.a. rannsakaðir eru steinar og jurtir.  En sömu daga kanna 5.-6. bekkur  atvinnulífið á Hornafirði og heimsækja fyrirtæki og vinna síðan plakat og frétt um einstök fyrirtæki sem birtast bæði á heimasíðu og í Eystrahorni.

Í morgun hófust nýsköpunar- og hönnunardagar í Heppuskóla.  Nemendur og starfsmenn voru búnir að sanka að sér allskonar dóti sem hægt er að nota til að örva hugmyndaflugið því það þarf aldeilis að nota þegar kemur að nýsköpun og hönnun. 

Á degi íslenskrar tungu 16. nóvember fer Stóra upplestrarkeppnin af stað í grunnskólum landsins. Hún er haldin meðal 7. bekkinga á landinu öllu og munu þeir æfa sig í upplestri næstu vikur og mánuði. 

Síðustu morgna hefur Valgerður Snæland komið í Heppuskóla og verið með hláturjóga kl. 7:30 á morgnana. 

Legókeppnin (FLL)  fór fram nú um helgina í Keili á gamla varnarsvæðinu í Keflavík. Grunnskóli Hornafjarðar sendi auðvitað lið til keppni. Liðið í ár kallar sig Smartís og stóð sig með prýði. Verðlaun voru veitt í eftirfarandi flokkum; besta lausn í þrautabraut, besta hönnun á vélmenni,  besta skemmtiatriðið, besta rannsóknarverkefnið, besta dagbókin (ferilskráningin),  besta liðsheildin og svo að sjálfsögðu FLL meistarar 2009.

Í 9. A hafa nemendur verið að lesa saman bókin Blóðberg eftir Ævar Örn Jósepsson.  Í tengslum við lestur bókarinnar vinna nemdur hópverkefni og eitt þeirra var sýnt í frímínútum í Heppuskóla í gær.  Þá sungu og spiluðu nokkrir nemendur frumsamið lag Explosion.

Stúlkur í valáfanganum Förðun og tíska komu saman á miðvikudagskvöldið og héldu kynningar um förðun og tísku mismunandi tímabila. 

Nú er  verkefninu Göngum í skólann lokið en það stóð frá 9. september til 9. október. Þetta verkefni gekk mjög vel og mikil þátttaka var bæði hjá nemendum og starfsmönnum. Eina vikuna fórum við í smá keppni þar sem við skráðum hjá okkur hverjir gengu eða hjóluðu í skólann og voru verðlaun í boði.

Eins og Hornfirðingum er kunnugt þá varð svínaflensu vart á Íslandi í sumar og virðist hún heldur vera að færast í aukana.  Öllum skólum voru send fyrirmæli og leiðbeiningar um að gera viðbragðsáætlun ef til faraldrar kæmi og þar sem veikindi hafa verið færast í aukana í kringum okkur þá þykir okkur rétt að birta viðbragðsáætlunina.  Hún verður hér á heimasíðunni undir liðnum Skólastarfið en einnig er hægt að nálgast hana hér.  Rétt er að taka fram að veikindi eru með minna móti í skólanum hjá okkur í dag.

Síðastliðinn miðvikudag fórum við í 10unda bekk í þriggja daga ferð í Kollumúla í Lónsöræfum. Árni Rúnar, Berglind, Kiddi litli og Jón Braga voru fararstjórar ferðarinnar. Lagt var af stað frá skólanum snemma á miðvikudagsmorgun, farið var á tveimur bílum sem voru ekki í vandræðum með að koma okkur yfir Skyndidalsána.

Dagana 28. september til 1. október  var Bjössi bangsi í heimsókn hjá 1. NS, en Bjössi bangsi hefur ferðast víða og heimsótt marga. Bjössi bangsi fór í frímínútur með krökkunum og einnig fór hann með þeim í matsalinn í hádeginu. Hann var mjög duglegur að borða og tók virkan þátt í öllu skólastarfi, t.d. tónmennt og ensku

10. bekkur er kominn heim úr tveggja daga ferð á Lónsöræfi. Farið var snemma á miðvikudagsmorgun og komið heim um hádegi í dag. Gengið var um Víðibrekkusker, Tröllakróka og víðar. Veður var gott fyrir utan rok síðustu nótt. Í næstu viku kemur ferðasagan ásamt fleiri myndum.

Auður Lóa Gunnarsdóttir gerði sér lítið fyrir og hneppti gullið í Nýsköpunarkeppni grunnskóla. 

Um síðustu helgi voru 36 danskir nemendur úr 8. bekk í  Vestervangskolen, ásamt 4 kennurum, í heimsókn hjá 8. bekkingum í Grunnskóla Hornafjarðar. 

Hópurinn kom um miðjan dag á föstudag og skoðaði Jöklasafnið áður en þau komu sér fyrir í skólastofum í Heppuskóla, þar sem þau sváfu.  Þá drifu þau sig í sund í boði sveitarfélagsins ásamt hornfirsku 8. bekkingunum. Þar gafst færi á að spjalla aðeins áður en hóparnir, sá danski og sá íslenski borðuðu saman pizzur á Hótel Höfn um kvöldið. 

Undanfarna daga hafa nemendur í yngstu bekkjum skólans farið inn í Nes til að taka upp kartöflur en að venju settu krakkarnir niður kartöflur í vor.

Þegar skóli byrjaði í ágúst var ein fyrsta spurningin sem kennarar og skólastjóri á unglingastigi fengu, „hvenær verður busað?“

Í dag tóku nemendur grunnskólans þátt í Norræna skólahlaupinu í einstaklega miklu blíðviðri. Samtals fóru nemendur skólans 1349,5 km, gangandi og hlaupandi og sú vegalengd næstum jafn löng hringveginum. 

Í vikunni kusu nemendur í 7. - 10. bekk í Nemendaráð skólans.  Í ár er það skipað eftirtöldum nemendum:

Tveir nemendur úr Grunnskóla Hornafjarðar komust áfram í vinnusmiðjur í Nýsköpunarkeppni grunnskólanna nú í haust, þær Auður Lóa Gunnarsdóttir og Selma Björt Stefánsdóttir.

Í dag fór valið af stað á unglingastiginu.  Á fyrsta tímabili sem stendur fram í lok október er boðið upp á gifs, boltavali, badminton, förðun og tísku, matreiðslu, útivist, kvikmyndagerð og legó.    Skipulagið í kringum valið er margskonar og eru tveir hópar í sumu valinu.  Sumir mæta bara á þriðjudögum á meðan aðrir þurfa að vinna mikið í stuttan tíma t.d. kvikmyndahópurinn sem þarf að ljúka sinni vinnu fyrir næstu mánaðarmót. 

Skólasetning í Grunnskóla Hornafjarðar mánudaginn 24. ágúst  

1.     – 3. bekkur  kl. 16:00 – í Hafnarskóla

4.   – 6. bekkur kl. 18:00 – í Hafnarskóla

7.  – 10. bekkur kl. 20:00 - í Heppuskóla

Síðustu daga hefur starfsfólk grunnskólans setið á námskeiðum til að undirbúa starf vetrarins.  Fyrra námskeiðið var sameiginlegt með leikskólunum en það fjallaði um lestur og lesfærni og voru leiðbeinendur á því Helga Sigurmundsdóttir og Steinunn Torfadóttir.  Síðara námskeiðið var um uppeldi til ábyrgðar en þar var Guðlaug Erla Gunnarsdóttir leiðbeinandi. 

Í gær kom starfsfólks Grunnskólans á Hellu í heimsókn til að kynna sér hvað við værum að gera markvert í skólanum hér.  Auk þess að sýna þeim Heppuskóla þá sögðum við þeim frá nokkrum þáttum skólastarfsins, s.s. uppeldi til ábyrgðar, Need verkefninu sem skólinn er aðili að og legó- og nýsköpunarvinnu. 

Miklar framkvæmdir standa nú yfir í Hafnarskóla.  Verið er að breyta tveimur elstu hlutum skólans þannig að 1. – 3. bekkur skólans rúmist hér út á Höfn

Margt var um mannin á skólaslitum Grunnskóla Hornafjarðar sem fóru fram við hátíðlega athöfn þann 29. maí. 

Ferðir og ferðalög einkenna vordaga skólanna. Engin undantekning hefur verið á því þetta vorið.

Á mánudaginn var fór 3. bekkur í ferðalag í Öræfin. Lagt var að stað frá Nesjaskóla um kl 9 og keyrt eins og leið lá í Hrollaugshóla sem eru neðan við Reynivelli. Þar var stoppað, borðað nesti og fleytt kerlingum í ánni. Næsta stopp var við Háöldu og þar voru gígarnir skoðaðir og krakkarnir fengu góða útrás við að hlaupa upp og niður gígsbrekkurnar.

Það var mikil hlaupagleði sem einkenndi skóladaginn í dag hjá nemendum Grunnskólans

Einn af vorboðum okkar eru Kiwanis-menn en undanfarin ár hafa þeir komið og fært 1. bekkingum hjólreiðahjálma og er þetta gert í samstarfi við Eimskip hf.

Í dag var nemendum í 7. - 10. bekk kynnt val sem þeim stendur til boða næsta vetur.  Nemendur fengu í hendur valbæklinga og næsta miðvikudag 20. maí verða þeir að hafa skilað inn valinu.  Hér getið þið séð valbækling fyrir 7. og 8. bekk og hér fyrir 9. og 10. bekk.

Það er alltaf gaman að fá góða gesti en í síðustu viku var Hafnarskóli hinn gamli heimsóttur af nemendum Nesjaskóla sem ætla að hefja þar nám næsta haust.

Þann 5. maí s.l. fór 4.bekkur í fuglaskoðunarferð. Binni fuglafræðingur bauð okkur og kennurunum því við erum að byrja að læra um fugla í náttúrufræði. Við fengum blöð með nokkrum fuglum og svo áttum við að merkja X við þá fugla sem við sáum.

Fimmtudaginn 23. apríl kl. 12.00 lagði 14 manna hópur leikara í Leikhópnum Lopa af stað frá Hornafirði. Stefnan var tekin á Egilsstaði þar sem hópurinn átti að sýna 2 tvö leikrit á Leiklistarhátið Þjóðleiks dagana 24. – 26. apríl.

Hittumst á flugvellinum um fimmleytið, tékkuðum okkur inn og röltum svo í fríhöfninni, fengum okkur að borða. 

Nú eru Klakarnir lagðir af stað í keppnisferðina til Kaupmannahafnar þar sem þau munu taka þátt í Evrópumótinu í Legó Childrens Climate Call. 

Á miðvikudag kom Orri Páll Jóhannsson starfsmaður hjá Landvernd í heimsókn í Grunnskólann.

Fjórðu bekkingar tóku þátt í söfnuninni Börn hjálpa börnum á dögunum og söfnuðu samtala 80.835 krónum. 

Í dag var haldið páskamannamót í Hornafjarðarmanna í 4. - 7. bekk.  Spilað var í tveimur hópum og á sitt hvorri hæðinni og tóku allir nemendur þátt. 

Eins og flestir bæjarbúar vita þá standa fyrir dyrum miklar breytingar í Grunnskólanum.  Eitt af því sem breytist er að lengda viðveran færist út í lausu kennslustofurnar bak við skólann. 

Árshátíðarviku Grunnskóla Hornafjarðar er nú lokið. Mikið var um dýrðir og gleði. Nemendur unnu leiksýningar úr verkum Torbjörns Egners. Og sýndu svo á tveim sýningum s.l. fimmtudag.

Til foreldra fermingarbarna,

Tölvur hafa verið vinsælar fermingargjafir síðustu ár og því vilja Heimili og skóli og SAFT vekja athygli foreldra á að þó að barnið eignist sína eigin tölvu minnkar ekki ábyrgð foreldra hvað jákvæða, ábyrga og uppbyggilega notkun barna þeirra á nýmiðlum varðar.

Nú nýlega var allur Microsoft Office pakkin í skólanum uppfærður úr 2003  í 2007 árgerðina sem þýðir að þeir sem ekki hafa Office 2007 pakkann geta lent í vandræðum með að opna viðhengi frá okkur.

Nú stendur yfir dansvika í Grunnskólanum og á milli þess sem nemendur æfa atriði fyrir árshátíðina og búa til skreytingar þá dansa þau af miklum krafti.

Árshátíð Grunnskóla Hornafjarðar verður fimmtudaginn 26. mars í Sindrabæ.  Tvær sýningar verða fyrir nemendur og foreldra, sú fyrri kl. 17:30 og sú síðari kl. 19:00.  Nemendum og foreldrum í 1. - 5. bekk er beint á fyrri sýninguna en eldri nemendum og foreldrum þeirra á seinni sýninguna.  Þema sýningarinnar er Thorbjörn Egner og leikverk hans. 

 Í vetur höfum við í Grunnskólanum tekið þátt í sjálfsmatsverkefni sem nefnist Skólapúlsinn.  Þetta verkefni kannar hug nemenda til þriggja þátta í skólastarfinu, þ.e. virkni nemenda í skólanum, líðan þeirra og skóla- og bekkjaranda

Magnús J. Magnússon hefur enn einu sinni gert kraftaverk með krökkunum okkar sem við ættum ekki að láta fram hjá okkur fara

Stóru upplestrarkeppninni er nú lokið. Sigurvegari varð Auður Gautadóttir frá Djúpavogi, Heiðdís Anna Marteinsdóttir lenti í öðru sæti en í því þriðja varða Ragnar Magnús Þorsteinsson bæði úr Grunnskóla Hornafjarðar.

Í gær fékk Grunnskóli Hornafjarðar til sín góðan gest en það var bassaleikarinn Dean Farrel.

Í dag sýndi valhópurinn sem var í leiklist á miðstiginu afraksturinn frá síðasta tímabili á sal. Þau léku, sungu og og voru með afbragðs skemmtiatriði. 

Um helgina var boðið upp á skákkennslu á vegum Skákskóla Íslands og var það Davíð R. Ólafsson sem kom og hafði umsjón með námskeiðinu.  Á föstudaginn fór Davíð í alla bekki grunnskólans og talaði við nemendur um skák og hvatti þá til að mæta í kennsluna á laugardag. 

Lokakeppni Stóru upplestrarkeppninnar fer fram í Hafnarkirkju miðvikudaginn 11. mars kl. 16 og er hún opin öllum.  Við athöfnina munu 11 nemendur úr 7. bekk, sem valdir hafa verið úr Grunnskóla Hornafjarðar og Grunnskóla Djúpavogs, lesa sögur og ljóð

Næstkomandi miðvikudag frumsýnir Leikhópurinn Lopi tvö ný leikrit. Þetta eru leikritin ÍSVÉLIN eftir Bjarna Jónsson og DÚKKULÍSA eftir Þórdísi Elvu Þorvaldsdóttur.

Á föstudaginn var sá 2.N um föstudagshátíð skólans. Þemað að þessu sinni var eins konar dagatal þar sem farið var yfir alla mánuði ársins bæði nútímaheiti þeirra og þau gömlu, árstíðir og einnig merkisdaga og viðburði.

Davíð R. Ólafsson skákkennari heimsótti alla bekki grunnskólans í dag og kynnti þessa frábæru íþrótt skák fyrir nemendum.

Það var mikið blúsað í Grunnskólanum í dag þegar Mugison heimsótti alla skólana og spilaði og söng fyrir krakkana.

Nýlega var Microsoft Office pakkin í Grunnskólanum uppfærður í 2007 útgáfuna.  Við það hafa margir sem ekki eru með þá útgáfu lent í vandræðum með að lesa skjöl (viðhengi) úr skólanum.  Hér koma leiðbeiningar til þeirra sem vilja ráða bót á þeim vanda. 

Þeir sem eru með Microsoft Office 2003 í tölvum sínum og geta ekki lesið skjöl  sem eru búin til í Office 2007 hafa möguleika á að sækja forrit sem gerir þeim tölvum mögulegt að lesa Microsoft Office 2007 skjöl. Forritið heitir File-format-converter Office 2007 og er hægt að sækja hér http://www.rikivatnajokuls.is/hatidni/thjonusta/hugbunadur

Öskudagurinn rann upp, með tilheyrandi hlaupum á heimilum Hornfirðinga og annarra landsmanna. Greiða, mála, klæða snyrta ofl. ofl. ofl. smáverk sem þarf að inna af hendi áður en lagt er af stað í skólann. Búningar í algleymingi. Grunnskóli Hornafjarðar tók á móti skrautlegu fólki í morgun. Við ætlum að láta myndirnar tala sýnu máli en um 400 myndir voru teknar. Ekki er mögulegt að setja allt á netið en

Nesjaskóla var öskudagurinn haldin hátíðlegur eins og vera ber. Við hófum daginn á hefðbundinni kennslu en eftir nestistímann tók við spila- og leikjatími fram að mat.

Þriðjudaginn 24.febrúar fórum við gangandi út að Drápsklettum með kennurunum okkar Rósu og Þórhildi og íþróttakennaranum okkar Sævari. Í mörg ár hefur skólinn verið að rækta tré út við Drápskletta en núna voru komin hreindýr

Þá fara nemendur og kennari yfir stöðu mála og markmið eru sett fyrir næstu önn.  Nú þegar hafa nokkrir foreldrar verið boðaðir í viðtöl þar sem mikið annríki er oft hjá umsjónarkennurum á viðtalsdegi. 

Mánudaginn 23. febrúar og föstudaginn 27. febrúar lýkur skólanum fyrr vegna námskeiðs hjá starfsfólki.

Nemendur í 7. bekk taka þátt í Stóru upplestrarkeppninni eins og undanfarin ár. 

Í gær 11. Febrúar var 112 dagurinn haldinn í 5. sinn og að þessu sinni var dagurinn tileinkaður börnum og ungmennum, öryggi þeirra og velferð með það að leiðarljósi að kynna neyðarnúmerið og starfsemi aðila sem því tengist.

Það má segja að nýtt leikár sé hafið í Nesjaskóla en 3. HG reið á vaðið með fyrstu leiknu föstudagshátíðina á nýju ári.

 Það má segja að Þorrinn hafi verið vænn við okkur þetta árið, logn en frost alla daga. Ekki byrjaði árið  illa en það var hlýtt í upphafi eins og sjá má á myndum af fótboltakrökkunum sem teknar voru 9. janúar.

Í desember síðastliðnum hélt 1. S föstudagshátíð sem að venju vakti mikla lukku.

Hér koma nokkrar myndir af þeirri hátíð.

Nemendur á miðstigi skelltu sér á skauta í gær.

Þann 6.febrúar 2009 er dagur leikskólans haldinn um allt land og ætlum  við leikskólarnir á Höfn að gera okkur dagamun í tilefni dagsins.

Fyrsti dagur þorra er í dag og var honum fagnað með ýmsum hætti í Grunnskólanum.

Á morgun 23. janúar er bóndadagur.  Þá gera grunnskólanemar sér dagamun.  Drengir á miðstiginu hoppa á öðrum fæti í kringum skólann í annarri brókarskálminni og bjóða þannig þorra velkominn.  Einnig ætla 7. bekkingar að vera með skemmtun á sal og svo verður spilaður manni að hornfirskum sið. 

Þorsteinssyni og Hjalta Vignissyni. Fulltrúar Nýsköpunarmiðstöðvar eru staddir hér til að kynna starf Nýsköpunarsmiðstöðvar á Hornafirði

85% nemenda í 4. - 10. bekk Grunnskólans gekk eða hjólaði í skólann í dag. Af eðlilegum ástæðum var erfitt fyrir nemendur í 1. - 3. bekk að taka þátt í þessu verkefni en þeir koma bara sterkari inn síðar.  Gísli Skarphéðinn Jónsson skar sig þó sérstaklega úr en hann hjólaði í skólann alla leið innan frá Stapa eða u.þ.b. níu kílómetra.  Frábært afrek það. 

 Þetta er í fyrsta skiptið sem Grunnskólinn hér tekur þátt í "Göngum í skólann" verkefninu.  Þetta er alþjóðlegt verkefni með yfir 40 þátttökulöndum og mörgum milljónum barna.  Fyrsti dagur þess var 10. september og svo lauk því í dag 8. október.  Þar sem grunnskólinn leggur áherslu á heilsueflingu í skólastarfinu þá verður þetta örugglega árviss viðburður og þó ekki hafi viðrað vel undanfarnar vikur í Hornafirði hefur þátttaka verið mjög góð.

Skólasetning í Grunnskóla Hornafjarðar fimmtudaginn 21. ágúst kl. 17:00 - 19:00. Nemendur mæta með foreldrum sínum hver í sinn skóla. 

Á skólasetningu verður farið yfir helstu atriði í skólastarfinu, nýjar skólareglur, námstilhögun í hverjum árgangi fyrir sig ásamt fleiri mikilvægum atriðum. Foreldrar eru vinsamlegast beðnir um að mæta með börnum sínum og láta yngri börnin þá ganga fyrir. Kennsla hefst samkvæmt stundaskrá mánudaginn 25. ágúst.

Í dag, fimmtudag var haldin síðasta föstudagshátíð vetrarins í Nesjaskóla. En vegna anna nemenda í Nesjaskóla varð að hafa hátíðina á fimmtudegi. Hátíðin hófst með tískusýningu þar sem sýnd var hátískan frá París en samkvæmt kynni hátíðarinnar þá fór bekkurinn í höfuðborg hátískunnar og kynnti sér allra nýjustu strauma og stefnur í þeim málum.

Í sameinuðum grunnskóla breytast ýmsir hlutir og eitt af því er árshátíðin. Nú ætlum við að halda sameiginlega árshátíð með því að bjóða foreldrum og nemendum á sýningu til okkar. Það verða oddatölubekkirnir sem sjá um skemmtunina en hinir fá að njóta þess að horfa á þetta árið en sýna að sjálfsögðu á næsta ári. 10. bekkur sér um sölu á sýningunni og að innheimta aðgangseyri.

Aðgangseyrir verður 200 kr á árshátíðina, bæði fyrir börn og fullorðna en þó þarf hver fjölskylda ekki að greiða meira en 500 kr.

                                                                                                                Það verða tvær sýningar, sú fyrri kl. 17:00 fyrir nemendur og fjölskyldur í 1. – 5. bekk. Síðari sýningin verður kl. 18:30 og er sú sýning fyrir nemendur og fjölskyldur í 6. – 10. bekkinga. Ef það hentar fólki alls ekki að fara á þá sýningu sem því er ætlað þá er allt í lagi að koma á hina sýninguna. Þetta er einungis gert til að hafa einhverja stjórn á aðsókninni.

Í dag er viðtalsdagur í grunnskólanum. Nemendur mæta þá í viðtal til umsjónarkennarans með foreldrum sínum. Að þessu sinni eru öll foreldraviðtöl í Heppuskóla og reynt var að samræma viðtalstíma hjá systkinum eftir því sem við var komið. Með þessu er reynt að koma sem mest til móts við foreldra og gefa þeim færi á að hittast í anddyrinu í skólanum, spjalla þar saman og skiptast á skoðunum.
Á morgun er skipulagsdagur í grunnskólanum og því frí hjá nemendum.

Nýtt símanúmer hefur verið tekið í notkun í Grunnskóla Hornafjarðar 470 8400. Ef hringt er í það er svarað á skiptiborði og gefið samband áfram eftir því sem við á. Á næstu dögum detta gömlu númerin úr sambandi.  

470 8400

Fimmtudaginn 10. janúar kemur Fríða Rún Þórðardóttir næringarfræðingu í heimsókn til okkar og fjallar um mataræði, næringu, hreyfingu og fleira. Hún hittir alla nemendur í 6. - 10. bekk auk þess sem hún ræðir við starfsfólk skólans. Síðdegis verður hún með tvo opna fyrirlestra í Sindrabæ. Sá fyrri verður kl. 17:00 og er hann fyrst og fremst ætlaður íþrótta- og heilsuræktarfólki, þjálfurum, foreldrum írþóttafólks og öðru áhugafólki um íþróttir og næringu.  Þar fjallar Fríða Rún m.a. um mikilvægi þess að huga vel að mataræði við þjálfun, hvernig samsetning fæðunnar getur haft áhrif á árangur, þyngd og fleiri áhugaverð atriði.     

Nú er þemavika hjá 8. - 10. bekk og umfjöllunarefnið er hippatímabilið og 7. áratugurinn. Í upphafi fengu allir að horfa á myndina Hárið og einnig American graffity. Nemendur fengu að velja sér hópa eftir áhugasviði hvers og eins. Allir fá einnig einn tíma í dansi en Eyrún Unnur kennir öllum grunnsporin í Jive. Tónlistarhópur er starfandi og æfa tónlistarmennirnir lög frá tímabilinu og ætla að flytja afraksturinn á föstudaginn. Hópur nemenda fjallar um Víetnamstríðið. Hópurinn vinnur í því að segja frá stríðinu og lýsa því. Bílahópurinn vinnur í því að finna bíla frá þessum tíma. Fjölmiðlahópurinn gefur út blað og tekur myndir. Tískuhópurinn vinnur í því að skreyta stofurnar, ein er skreytt eins og á hippatímanum og hin er eins og á sixties-tímabilinu.

Ólympíuhópurinn sér um að afla upplýsinga um ólympíuleikana í Munchen 1972.

Fjölmiðlahópurinn