Ríki Vatnajökuls - Fréttir Grunnskóli

3.bekkur ferðast um Öræfasveit

Sat, 18 May 2013 00:07:00 +0000

Miðvikudaginn 15.maí lögðum við að stað í hina langþráðu Öræfaferð. Við byrjuðum á því að stoppa í Hrollaugshólum, teygðum aðeins úr okkur og borðuðum nesti. Þóra sagði fyrstu tröllasöguna sína en þær áttu eftir að verða nokkrar. Því næst keyrðum við í Hofgarð þar sem við losuðum okkur við dótið okkar og héldum svo áfram í Skaftafell. Þar gengum við upp að Svartafossi í sól og blíðu, borðuðum nesti og börnin fengu að vaða. Þeim fannst vatnið svolítið kalt í fyrstu en létu sig hafa það og skemmtu sér konunglega. Á leiðinni til baka sáum við Sel, Bölta og Lambhaga. Þegar við komum niður að þjónustumiðstöðinni sóluðum við okkur aðeins og horfðum svo á myndband um hlaupið í Skeiðará 1996.

Kajakaferð í Öræfunum

Fri, 17 May 2013 23:46:00 +0000

Það er orðið að venju þegar 3. bekkur fer í sitt árlega skólaferðalag í Öræfin að fara í kajakasiglingu í Hofsnesi. Þetta er mikið ævintýri fyrir krakkana en þau sigla niður læk fyrir neðan Hofsnes. Ekki er hægt annað að sjá á myndunum af þeim að þeir hafi skemmt sér afar vel.

Krabbar og kuðungar

Thu, 16 May 2013 14:08:00 +0000

Reynir Snær í 1. bekk kom í skólann í dag með krabbadýr sem pabbi hans kom með af sjónum. Reynir Snær var alveg með nöfnin á þeim á hreinu en krabbinn með göddunum heitir trjónukrabbi, hinn heitir töskukrabbi, humar og sá sem býr í kuðungnum heitir einbúi. Reynir var svo elskulegur að fara í aðrar stofur og leyfa fleiri bekkjum að njóta. Það er vel þegið að fá svona sendingar í skólann og gaman þegar foreldrar hugsa til okkar.

2. S býður foreldrum í heimsók

Wed, 15 May 2013 16:22:00 +0000

Undanfarrnar vikur hafa börnin í 2. S verið að læra um mannslíkamann. Til þess að læra um líkamann hafa þau meðal annars lesið bækurnar Komdu og skoðaðu líkamann, Eggið hennar mömmu, ásamt ýmsum myndabókum og netefni. Þetta var ákaflega skemmtilegt og fróðlegt þemaverkefni og enduðu börnin vinnuna á þvi að bjóða foreldrum sínum á sýningu þar sem verkefnið var kynnt með lestri, leik og söng. Nemendur stóðu sig með eindæmum vel og voru áhorfendur sammála um að þetta hefði verið hin besta sýning, bæði fróðleg og skemmtileg.

Nautaferð hjá 3. bekk

Tue, 14 May 2013 22:52:00 +0000

Einn af föstum liðum í skólastarfinu eru ferðir í sveitina til að skoða og kynnast mismunandi búskaparháttum. 3. bekkur fór í eina slíka ferð á Seljavelli til að skoða kúabú. Það er óhætt að segja að þessar ferðir hitti í mark og ekki skemmir fyrir að vera boðið í kleinur og nýja mjólk í lok skoðunnarferðar.

Kiwanis færir 1. bekk hjólreiðahjálma

Tue, 14 May 2013 22:30:00 +0000

Það eru margir sem hugsa til okkar í skólanum um þessar mundir og í dag komu Barði, Geir, Haukur og Stefán félagar úr Kiwanisklúbbnum Ós færandi hendi en þeir gáfu 1. bekkingum hjólahjálma. Undanfarin ár hafa Kiwanisklúbbarnir og Eimskip staðið saman að þessu verkefni til að efla öryggi barna í umferðinni. Við minnum á að notkun hjólreiðahjálma barna 14 ára og yngri er bundin í lög og er á ábyrgð forráðamanna barna.

Allir öruggir heim

Tue, 14 May 2013 15:45:00 +0000

Slysavarnafélagið Landsbjörg í samvinnu við Alcoa Fjarðarál, Dynjanda ehf, EFLA verkfræðistofu, Eflingu stéttafélag, HB Granda, Isavia, Landsvirkjun, Neyðarlínuna, Tryggingamiðstöðina, Umferðarstofu og Þekkingu gefa öllum grunnskólum á landinu endurskinsvesti til að nota í vettvangsferðum barna í 1. bekk. Um 4400 börn eru í árganginum á landinu öllu.
Heitið á verkefninu er "Allir öruggir heim" og er tilgangurinn að efla öryggi yngstu skólabarnanna í ferðum utan skólans.

5. bekkur fékk hjólahjálma að gjöf

Tue, 14 May 2013 11:50:00 +0000

Þær Ingibjörg, Kristín, Sigríður, Ingibjörg Lúcía og Fjlóla félagar í Slysavarnardeildinni Framtíðinni komu og fræðu nemendum í 5. bekk hjólahjálma að gjöf. Þetta er í þriðja sinn sem þetta er gert og er verkefnið styrkt af Húsasmiðjunni. Eins og við öll vitum er hjálmanotkun barna 14 ára og yngri bundin í lög og er það því skylda forráðamanna barna að sjá til þess að börnin noti hjálma þegar þau eru á hjóli.

Umhverfisdagur í Grunnskóla Hornafjarðar

Fri, 10 May 2013 22:19:00 +0000

Í dag var hinn árlegi umhverfisdagur hjá Grunnskóla Hornafjarðar og fóru nemendur út um allan bæ að tína rusl. Fjörið byrjaði kl. 10:00 og var tínt rusl í tvo tíma og að því loknu hittust allir hópar við Hafnarskóla en þar voru grillaðar pylsur ofan í mannskapinn og má segja að allir hafi tekið hressilega til matar síns. Að loknu matarhléi fóru krakkarnir í Heppuskóla að hjálpa til við að flytja allt af efrihæð skólans

Verðlaun fyrir eldvarnargetraun

Wed, 8 May 2013 22:54:00 +0000

3. bekkur fór og heimsótti slökkviliðið í tilefni af því að Tómas Nói hafði hafði hlotið verðlaun og viðurkenningu vegna þátttöku í eldvarnargetraun LSS. LSS eða Landssamband slökkviliðs- og sjúkrafluttningamanna standa árlega fyrir eldvarnarviku í grunnskólum landsins rétt fyrir jólin. Að þessu sinni fékk Tómas Nói verðlaun en ástæðan fyrir því hversu seint þau skila sér eru að verðlaunin erum búin að gera víðreist um landið og hafa komið við bæði á Norðurlandi og Snæfellsnesi en þau skiluðu sér að lokum í réttar hendur. Verðlaunin að þessu sinni er Ipod, reykskinjari og verðlaunaskjal

7.G. duglegust í þrautabraut

Tue, 30 Apr 2013 09:49:00 +0000

Miðvikudaginn 24. apríl var haldin íþróttadagur fyir 7.–10. bekk grunnskólans. Settar voru upp fjórar stöðvar og voru þær í skólanum, íþróttahúsinu, Bárunni og sundlauginni.

Börn hjálpa börnum

Thu, 18 Apr 2013 21:19:00 +0000

Nemendur í 4.H tóku þátt í söfnuninni „Börn hjálpa börnum“ núna í apríl. Söfnunin er á vegum ABC barnahjálpar og rennur söfnunarféð til bágstaddra barna í þróunarlöndunum.

Vinir skoða fugla

Thu, 18 Apr 2013 20:56:00 +0000

Miðvikudaginn 17 apríl fóru vinabekkirnir 2. S, 7. R og 7. G í fuglaskoðunarferð í Óslandið ásamt kennurum sínum. Veður var með eindæmum gott og margir fuglar á flugi.

Bréf til bæjarráðs og bæjarstjóra frá 2.S

Tue, 16 Apr 2013 17:43:00 +0000

Í vetur hafa börnin í 2. S verið í umferðarfræðslu í skólanum. Umferðarfræðslan byggist að miklu leyti á verkefnavinnu, umræðum og æfingum. Við höfum einnig fengið lögregluna í heimsókn til okkar.

Gaman í Oddsskarði

Fri, 12 Apr 2013 15:45:00 +0000

Nemendur í 8. bekk skelltu sér í skíðaferð í Oddsskarð á dögunum. Lagt var í hann á mánudagsmorgni og brunað beint í Oddsskarð þar sem skíðað var fram eftir degi.

Myndir úr skíðaferð 6. bekkjar í Oddskarð

Tue, 9 Apr 2013 16:06:00 +0000

Í síðustu viku fór 6. bekkur í skíðaferð í Oddskarð. Lagt var snemma af stað á fimmtudagsmorguninn og komið á áfangastað um hádegi.

Alþjóðlegur dagur barnabókarinnar

Thu, 4 Apr 2013 13:54:00 +0000

Í dag er alþjóðlegur dagur barnabókarinnar, fæðingardagur H.C. Andersen. Í tilefni dagsins var lesin sagan „Stóri bróðir“ eftir Friðrik Erlingsson og var hægt að hlýða á lesturinn á Rás 1. Við í grunnskólanum nutum þess að hlusta á upplesturinn og skipti þá ekki máli í hvaða tíma nemendur voru eins og myndirnar bera með sér.

Vikuhátíð 2.S

Tue, 26 Mar 2013 13:53:00 +0000

2. S hélt vikuhátíð á föstudaginn. Þetta var afar skemmtileg hátíð með fjölbreyttri dagskrá. Nemendur sögðu nokkra góða brandara, Anna Lára, Siggerður Egla, Aníta Rannveig og Laufey Ósk sungu lagið ég á líf en Andrea Sól, Amylee, Sóley Dröfn, Þóra Lind og Kristel Björk dösuðu frumsaminn dans við lagið.

Ferðakynning í 5. E

Fri, 22 Mar 2013 22:24:00 +0000

Á fimmtudaginn buðu nemendur í 5.E ættingjum sínum á ferðakynningu þar sem verið var að klára verkefni í landafræði um Ísland.
Nemendur kynntu fyrir gestum nokkra spennandi staði, í öllum landshlutum, í Reykjavík og á hálendinu, sem gaman væri að heimsækja í sumar.
Í lok kynningarinnar var keppt í því að þekkja byggðamerki þar sem bæði börn og fullorðnir kepptu saman.

Árshátíð Grunnskóla Hornafjarðar 2013

Sun, 17 Mar 2013 22:35:00 +0000

Í liðinni viku var árshátíð skólans haldin í íþróttahúsinu. Að þessu sinni bar hátíðin heitið Götugengi, gatan hans Stefáns og er þá vísað í að nemendur á unglingastigi fluttu tónlist úr þekktum söngleikjum og notuðu nafnið Götugengi en nemendur á yngrastigi fluttu lög við texta eftir Stefán Jónsson. Tónskóli Hornafjarðar sá um allan undirleik og lokalag hátíðarinnar en nemendur skólans sýndu stomp af mikilli snilld. Það má segja að allir í skólunum komi að hátíðinni með einum eða öðrum hætti og eins og gefur að skilja er oft mikið fjör í undirbúninginum.

Árshátíð grunnskólans

Thu, 14 Mar 2013 13:41:00 +0000

Árshátíð Grunnskóla Hornafjarðar verður haldin í dag fimmtudag kl 17:00 í íþróttahúsinu við Heppuskóla. Húsið opnar kl 16:45. Bekkir með oddatölu númeri ásamt 10. bekk sjá um skemmtiatriðin. 2. og 4. bekkur sjá um skreytingarnar með aðstoð 6. bekkjar sem gerði einnig aðgöngumiða og auglýsingar. 8. bekkur sér um veitingarnar.

Nemendur skólans taka þátt í Þórbergs-maraþoni

Thu, 14 Mar 2013 17:10:00 +0000

Í tilefni af 125 ár afmæli Þórbergs Þórðarsonar var haldið Þórbergs-maraþon á vegum Háskólasetursins og Menningarmiðstöðvarinnar.

Árshátíð Grunnskóla Hornafjarðar

Wed, 13 Mar 2013 17:50:00 +0000

Árshátíð Grunnskóla Hornafjarðar verður haldin á morgun fimmtudag kl 17:00 í íþróttahúsinu við Heppuskóla. Húsið opnar kl 16:45.
Undirbúningur er í fullum gangi og allir hafa hlutverki að gegna við hátíðina. Bekkir með oddatölu númeri ásamt 10. bekk sjá um skemmtiatriðin. 2. og 4. bekkur sjá um skreytingarnar með aðstoð 6. bekkjar sem gerði einnig aðgöngumiða og auglýsingar. 8. bekkur sér um veitingarnar. Við biðjum nemendur um að sitja hjá foreldrum sínum á árshátíðinn því það þarf að gæta þess að hafa gott hljóð þannig að allir fái notið.

Unnu hraðabrautina

Tue, 12 Mar 2013 17:10:00 +0000

Skólahreysti var haldin á Egilsstöðum s.l. mánudag og tók vaskur hópur nemenda úr Grunnskóla Hornafjarðar þátt í keppninni. Æfingar hafa staðið yfir í vetur undir styrkri stjórn Sindra Ragnarssonar.

Vikuhátíð 5. Á

Fri, 8 Mar 2013 22:02:00 +0000

5. Á hélt vikuhátíð fyrir okkur núna í vikunni. Þarna stigu margir listamenn á svið og er óhætt að segja að húmorinn hafi verið alsráðandi. Það voru sagðir brandarar, Eydís Arna samdi dans við lagið I´ll be there for you úr Friends þáttunum sem hún fékk bekkjarsystur sínar til að dansa með sér og Hildur Margrét var öflug við danskennsluna með henni. Ingunn Ósk samdi skáldsöguna Kalli klikkhaus sem var færð í leikbúning og sá hún ásamt Þorsteini um hlutverk sögumanna. Gréta Sól og Axel Elí voru í hlutverkum foreldranna Rebekku og Alexanders , Hildur Margrét lék kennarann Ölmu, Arnrún lék Gunnu litlu, Bjartur lék Karl Alexsandersson , Vignir var Villi hrekkjusvín,

Starfskynningar í 10. bekk grunnskólans

Thu, 7 Mar 2013 08:52:00 +0000

Fimmtudaginn 23. febrúar sl. hófust starfskynningar hjá nemendum í 10. bekk sem verða einu sinni í viku það sem eftir er skólaársins.

Úrslit Stóru upplestrarkeppninnar

Mon, 4 Mar 2013 18:03:00 +0000

Í dag fór fram lokahátíð Stóru upplestrarkeppninnar á Suð-Austurlandi í Hafnarkirkju. Markmið upplestrarkeppni í 7. bekk grunnskóla er að vekja athygli og áhuga í skólum á vönduðum upplestri og framburði.

Lokahátíð Stóru upplestrarkeppninnar

Mon, 4 Mar 2013 08:26:00 +0000

Í dag 4.mars keppa nemendur í 7. bekk Grunnskóla Djúpavogs, Grunnskólans í Hofgarði og Grunnskóla Hornafjarðar á lokahátíð Stóru upplestrarkeppninnar sem fer fram í Hafnarkirkju kl. 15

Skólakeppni Stóru upplestrarkeppninnar

Mon, 25 Feb 2013 14:30:00 +0000

Nú er lokið skólakeppni Stóru upplestrarkeppninnar. Hún fór fram í Nýheimum þar sem sextán nemendur kepptu um að komast á lokahátíðina sem verður í Hafnarkirkju næsta mánudag kl. 15:00.

Bekkjarkeppni stóru upplestrarkeppninnar

Wed, 20 Feb 2013 14:21:00 +0000

Nú er lokið bekkjarkeppni stóru upplestrarkeppninnar. Sextán nemendur komust áfram og keppa þeir sín á milli n.k. mánudag í Nýheimum kl. 13:00. Þá munu tíu nemendur komast áfram og taka þátt í lokakeppninni sem haldin verður í Hafnarkirkju 4. mars.