Fréttir Grunnskóli
Hluti af 10.-bekk í GH 2011-2012
Öllum nemendum í 10. bekk var boðið á skyndihjálparnámskeið, hér er hluti nemendanna.
Hornafjarðardeild Rauða krossins býður 10. bekk á skyndihjálparnámskeið
Hornafjarðardeild Rauða krossins hefur í nokkur ár boðið 10. bekk á skyndihjálparnámskeið.
Þessi styrkur Rauða krossdeildarinnar er dýrmætur stuðningur við skólastarfið en ekki síst nemendur sem eru t.d. margir hverjir komnir með æfingarleyfi og farnir að undirbúa bílprófið. Það er alltaf gott að hafa grunnþekkingu í skyndihjálp í farteskinu og eftir því sem maður eldist er líklegra að maður þurfi að taka ábyrgð á fyrstu viðbrögðum á slysstað. Það var Ásgerður Gylfadóttir sem sá um námskeiðið fyrir hönd Rauða krossins.
Grunnskóli Hornafjarðar þakkar Hornafjarðardeild Rauða krossins fyrir góðan stuðning og vonast eftir áframhaldandi góðu samstarfi.
