Fréttir Grunnskóli
Á Reykjum er líf og fjör
Nemendur í 7. bekk Grunnskóla Hornafjarðar ásamt nemendum úr Grunnskólanum í Hofgarði dvelja þessa vikuna í skólabúðum að Reykjum í Hrútafirði.
Einnig eru hér nemendur úr tveim skólum að auki og er nemendafjöldin nálægt 100. Það er því ekki erfitt að ímynda sér að hér sé líf og fjör. Dvölin hefur verið hin ánægjulegasta og krakkarnir skemmt sér vel og hóparnir smella skemmtilega saman. Reiknað er með að við höldum heim á leið um hádegi á föstudag og ættum við því að vera á heimaslóðum á milli kl.21:00 og 22:00.
