Fréttir Grunnskóli
Prjónakvöld hjá starfsfólki grunnskólans
Á dögunum var boðað til svokallaðs prjónakvölds hjá starfsfólki grunnskólans. Þar mættu rúmlega tuttugu starfsmenn með það sem þeir höfðu á prjónunum en það var æði misjafnt. Sumir prjónuðu, einhverjir saumuðu út, heklunál var á lofti og svo var orkerað. Orkering er handavinna þar sem sérstök nál er notuð til að búa til t.d. dúka og sem dæmi má nefna að blúndan á peysufötum er orkeruð.
Eins og í sönnum saumaklúbbi vantaði ekki veitingar og víst að allir áttu góða kvöldstund.
