Skólaráð og foreldrasamstarf
Í gær var síðasti fundur skólaráðs á þessu skólaári en nýtt skólaráð verður kosið að hluta næsta haust. Hlutverk skólaráðs er mikilvægt því það kemur að öllum meiriháttar ákvörðunum innan skólans og er umsagnaraðili um skólastarfið almennt. Á skólasetningardögunum næsta haust verður haldinn almennur foreldrafundur með foreldrum nemenda í Grunnskóla Hornafjarðar þar sem kosið verður í skólaráð og fjallað um foreldrasamstarf almennt. Á heimasíðu skólans má sjá fundargerðir skólaráðs http://www.rikivatnajokuls.is/grunnskoli/efni/foreldrar/rad/
Áhugi, ábyrgð og áhrif foreldra á skólastarf auk jákvæðrar viðhorfa til náms og skólagöngu getur skipt sköpum fyrir námsárangur og almenna velferð nemenda. Foreldrafélagið er grunnur að góðu samstarfi foreldra og góðu samstarfi foreldra og skóla. Rannsóknir sýna að samskipti foreldra og skóla hafa jákvæð áhrif á skólastarf. Ávinningur samstarfs er meðal annars:
Betri líðan barna í skólanum
Aukinn áhugi og bættur námsárangur
Aukið sjálfstraust nemenda
Betri ástundun og minna brottfall
Jákvæðara viðhorf foreldra og nemenda til skólans
Aukinn samtakamáttur foreldra í uppeldishlutverkinu
http://www.heimiliogskoli.is/media/files/1198892159/Grunnskolinn.pdf
