Fréttir Grunnskóli
Körfuboltamót
Þá er nemendafélagið komið af stað með enn eitt mótið og nú er keppt í körfubolta. Keppnin fer fram í frímínútunum kl. 9:30 og er leikinn einn leikur á dag.
Eins og í undanförnum mótum þá er stemningin mjög góð og keppniskapið rétt stillt. Nemendafélagið á heiður skilinn fyrir allar íþróttakeppnirnar sem það hefur staðið að í vetur ásamt öðrum uppákomum. Nemendur eiga líka hrós skilið fyrir að vera dugleg að mæta í íþróttahúsið í frímínútunum og hvetja sitt lið.
