Fréttir Grunnskóli
Þemadagur
Á föstudaginn var rautt þema í 7. – 10. bekk og mættu bæði nemendur og kennarar í viðeigandi lit. Það er nemendafélag skólans sem stendur fyrir þessari uppákomu og var virkilega gaman að sjá hversu margir tóku þátt. Í löngufrímínútunum var síðan boðið upp á lifandi tónlist þar sem bæði nemendur og kennarar létu ljós sitt skína. Ekki var annað að sjá og heyra en að flestir væru ánægðir með uppákomuna. Þemadagar verða síðan með reglulegu millibili í vetur. Rauðasti bekkurinn var 7.B. og eru þau því öðrum hvatning til eftirbreytni á komandi þemadögum.
