Frumurnar hefja keppni á morgun
Frumurnar hefja keppni í Delft í Hollandi á morgun. Frumurnar eru legóhópur Grunnskólans, skipaður 10 nemendum úr 7. bekk, sem vann legókeppnina á Íslandi í nóvember í fyrra. Nú fara Frumurnar sem fulltrúar Íslands til Hollands þar sem þær taka þátt í Evrópukeppninni.
Frumurnar lögðu af stað frá Hornafirði um miðjan dag í gær og flugu út eldsnemma í morgun. Það var mikill spenningur í keppendum og fararstjórum þeirra og víst að hópurinn er að fara að takast á við ógleymanlega hluti.
Frumurnar munu setja fréttir af sér daglega inn á bloggsíðuna sína sem er hægt að nálgast hér.
Heimasíða keppninnar er http://www.flloecdelft.org/tournament/schedule og þar verður hægt að fylgjast með keppninni í heild.
Frumunum óskum við góðs gengis í Hollandi og hlökkum til að heyra frá þeim.
