Skýrsla vegna úttektar á skólanum
Nú hafa starfsmenn matsfyrirtækisins Hitt og þetta skilað inn skýrslu sem unnin var vegna úttektar á skólanum. Skýrslan er aðgengileg hér og hvetjum við þá sem eru áhugasamir um skólastarf á Hornafirði að kynna sér hana. Í skólanum verður skýrslan notuð til að styrkja innviði skólans og er ýmsar gagnlegar ábendingar að finna í henni.
Menntamálaráðuneytinu ber að sinna mati á skólum og varð Grunnskóli Hornafjarðar fyrir valinu að þessu sinni ásamt nokkrum öðrum skólum eftir að bæjarstjórn Hornafjarðar hafði boðið skóla sveitafélagsins fram. Í erindisbréfi vegna úttektarinnar segir m.a. að markmið úttektarinnar sé að leggja mat á starfsemi skólans með hliðsjón af gildandi lögum um grunnskóla, reglugerðum og aðalnámskrá grunnskóla. Í úttektinni skal m.a. áhersla lögð á stjórnun, skipulag kennslu, innra mat, námskröfur og fyrirkomulag námsmats. Úttektin skal einnig beinast að mati og eftirliti sveitafélagsins með skólastarfi og hvernig það nýtist skólanum.
