Fréttir Grunnskóli
Brúum kynslóðabilið - OLE2
Það var handagangur í öskjunni á mánudaginn 27. september og í dag þegar nemendur úr 4. bekk Grunnskóla Hornafjarðar heimsótti dagvist aldraðra.
Heimsókn þeirra er hluti af verkefninu OLE2 sem HSSA tekur þátt í á vegum Norðurslóða áætlunarinnar. Tilgangur verkefnisins er að leiða saman unga og aldna í hagnýtum verkefnum. Krakkarnir kynnast því sem eldri borgarar eru að sýsla við í dagvist og þau fá einnig aðstoð við nám sitt í verkefninu "komdu og skoðaðu íslenska þjóðhætti".
Meðfylgjandi myndir gefa tóninn hve góð stemming var hjá þessum tveimur aldurshópum.
Næsta heimsókn er eftir mánuð.
