Skólasetning 24. ágúst
Skólasetning í Grunnskóla Hornafjarðar mánudaginn 24. ágúst
1. – 3. bekkur kl. 16:00 – í Hafnarskóla
4. – 6. bekkur kl. 18:00 – í Hafnarskóla
7. – 10. bekkur kl. 20:00 - í Heppuskóla
Á skólasetningu verður farið yfir helstu atriði í skólastarfinu; stundaskrár afhentar, námsáætlanir kynntar, skólareglur, og fleira sem varðar skólahaldið.
Forráðamenn eru vinsamlegast beðnir um að mæta með börnum sínum og láti yngri börnin þá ganga fyrir.
Enginn skólaakstur er í tengslum við skólasetningu.
Viðtalsdagur í Grunnskóla Hornafjarðar þriðjudaginn 25. ágúst frá kl. 9:00 – 15.00
Kennarar skólans verða til viðtals frá kl. 9:00 til 15:00. Þeir forráðamenn og nemendur sem hafa áhuga á að ræða við umsjónarkennara eða aðra kennara um einstaklingsmál eða annað varðandi skólastarfið eru hvattir til að nýta sér þetta tækifæri í upphafi skólaársins.
Opið hús í Hafnarskóla 25. ágúst frá 16:00 - 18:00 – allir velkomnir
Frá 16:00-18:00 er opið hús í Hafnarskóla þar sem við hvetjum alla Hornfirðinga til að koma og skoða þær breytingar sem gerðar hafa verið á skólanum.
Kennsla hefst miðvikudaginn 26. ágúst samkvæmt stundaskrá.
Skólastjórar
