Fréttir Grunnskóli
Í minningu Tómasar Inga
Laugardaginn 13. sept. n.k. munu forsvarsmenn Arsenalklúbbsins koma á Hornafjörð. Ástæðan fyrir komu þeirra er að þeir vilja heiðra minningu Tómasar Inga Ingvarssonar, sem var mikill Arsenal aðdáandi, með því að færa 6. bekk til eignar treyju áritaða af öllum leikmönnum Arsenal. En næsta sunnudag 14. sept. hefði Tómas Ingi orðið 11 ára.
Í tilefni þessa býður Arsenalklúbburinn á Íslandi, Grunnskólinn og Knattspyrnudeild Sindra öllum 6. bekkingum og foreldrum þeirra til athafnar á íþróttavellinum (íþróttahúsinu ef rignir) næsta laugardag 13. sept. frá kl. 13:00- 14:00. Þar verður treyjan afhent en síðan farið í ýmsa leiki með ungum sem öldnum og örugglega einhvern fótbolta.
