Fréttir Grunnskóli
Námskeið um fjölbreytt námsmat
Í dag tók starfsfólk Grunnskólans fyrstu skrefin í þróunarverkefni sem ber snýst um að bæta námsmat skólans og gera það fjölbreyttara. Skrefin sem tekin voru í dag fólust í því að Ingvar Sigurgeirsson prófessor við menntasvið Háskóla Íslands (áður KHÍ) kom og hélt fyrirlestur um fjölbreytt námsmat og sýndi ýmis dæmi um það. Með því kveikti hann ýmsar hugmyndir hjá starfsfólki sem nú þegar er byrjað að velta fyrir sér hvaða þætti það mun leggja áherslu á í vetur. Þróunarverkefnið mun standa í allan vetur og geta bæði nemendur og foreldrar vænst þess að finna breytingar á fyrirkomulagi námsmats þegar frá líður.
