Ferðafélag Austur-Skaftafellssýslu

Ferðafélag Austur-Skaftfellinga er áhugamannafélag sem heldur úti fjölbreyttu og öflugu félagsstarfi.  Félagið rekur Múlaskála, gistiskála á Lónsöræfum.  Einnig skipuleggur félagið fjölmargar gönguferðir árið um kring.  Flestar ferðirnar eru dagsferðir og miserfiðar.  En einnig býður félagið upp á nokkurra daga gönguferð í ríki Vatnajökuls og útvegar þá um leið gistingu.  Yfir veturinn er boðið upp á strandgöngu, sem er raðganga. Þá er tiltekin leið gengin í nokkrum áföngum, einn áfangi í senn.  Gengið er á laugardögum.  Gestir í ríki Vatnajökuls eru velkomnir í ferðir Ferðafélags Austur-Skaftfellinga.