Handverk skipar æ stærri sess í ferðaþjónustu hér á landi og eru handverk boðið til sölu víðast þar sem ferðamenn fara um og einhver ferðaþjónusta er í boði. Ari Þorsteinsson framkvæmdastjóri Frumunnar í Nýheimum hefur sl. ár tekið þátt í samstarfsverkefni með aðilum í Noregi þar sem verið er að skoða kanadískt módel við uppbyggingu á handverki og eins hvort sú aðferðafræði gæti nýst á norðlægum slóðum. Þessi aðferðafræði sem kallast "economusée" hefur verið í þróun hjá Kanadamönnum í 20 ár og þar eru í dag starfrækt 43 slík handverks fyrirtæki. Lesa meira

30 manns tóku þátt í málþinginu Skapandi greinar í ríki Vatnajökuls, sem var haldið 26. apríl síðastliðinn í Nýheimum á Höfn í Hornafirði. Ólafur Ragnar Grímsson, forseti Íslands setti málþingið og hélt stutt ávarp. Aðrir frummælendur voru Smári Sigurðsson frá Iðntæknistofnun, Sigurður Steingrímsson frá Impru, Nýsköpunarstofu á Iðntæknistofnun, Guðmundur Oddur Magnússon prófessor við Listaháskóli Íslands, Kristín Gestsdóttir framkvæmdastjóri Hornfirska skemmtifélagsins, Hjalti Þór Vignisson forstöðumaður Menningarmiðstöðvar Hornafjarðar, Kristbjörg Jónasdóttir verkefnastjóri hjá Atvinnuþróunarfélagi Austurlands og Ari Þ. Þorsteinsson framkvæmdastjóri Frumkvöðlaseturs Austurlands ehf. Í setningarávarpi Ólafs Ragnars kom meðal annars fram að eitt af því sem ráði úrslitum í samkeppni nútímans sé hið skapandi hugarflug, hæfileikinn til að fara nýjar leiðir og að hafa til að bera ferska hugsun og frumleika í ríkum mæli. Lesa meira

Málþing undir heitinu Skapandi greinar í ríki Vatnajökuls, verður haldið 26. apríl n.k. í Nýheimum. Ólafur Ragnar Grímsson, forseti Íslands, setur málþingið. Á málþinginu verða skapandi greinar kynntar sem hagnýt atvinnugrein. Stefnur og straumar í skapandi starfsgreinum með sérstaka áherslu á upplifunar- og afþreyingariðnað, Mikligarður sem miðstöð skapandi atvinnugreina, reynsla Hornfirska Skemmtifélagsins af skapandi starfsemi. Markmið málþingsins er að kynna fyrir þinggestum hvað skapandi greinar eru og eins að kortleggja þær skapandi greinar sem eru til staðar á Suðausturlandi og hvernig hægt er að nýta þær til atvinnusköpunar í ríki Vatnajökuls og tengingu við ferðaþjónustuklasa Suðausturlands. Málþingið er öllum opið og þeir sem hafa atvinnu af eða áhuga á hverskyns handverks- og menningarstarfsemi og ferðaþjónustu eru sérstaklega hvattir til að mæta. Lesa meira