Hornafjörður kemur vel út úr samanburði

Samkvæmt úttekt DV á gjaldskrám 17 stærstu sveitarfélaga landsins þann 16. janúar sl. kemur Hornafjörður vel út úr samanburði.

Í úttektinni kemur meðal annars fram að að Sveitarfélagið Hornafjörður er með lægstu leikskólagjöldin eða 25.148 kr. Reykjavík kemur næst á eftir með 25.880 kr.

Frístundakortin eru með þeim hagstæðustu á Hornafirði eða 20.000 á barn en fjögur sveitarfélög eru með hærri upphæð. Sex sveitarfélög eru ekki með niðurgreiðslu á frístundum til barna.

Eins og áður hefur komið fram eru skólamáltíðir mjög ódýrar á Hornafirði eða 300 kr. sem er næst lægst miðað við þau sveitarfélög sem voru í samanburðarhópinum. Systkinaafsláttur í leikskóla er einnig með þeim hæstu eða 50%.

Það má því draga þær ályktanir að Hornafjörður er í fremstu röð hvað varðar gjöld og styrki til barnafjölskyldna.

Sorphirða og fráveita eru einnig í lægsta þrepi og fermetraverð á húsnæði er afar hagstætt. Á Hornafirði er lagt á hámarksútsvars, eins og víðast hvar annar staðar, eða 14,48 %.

Samanburðartafla á átta sveitarfélögum.

	Hornafjörður	Reykjavík	Garðabær	Akureyri	Árborg	Vestmannaeyjar	Ísafjörður	Fljótsdalshérað
Leikskólagjöld	25.148	25.880	35.160	38.870	32.440	31.532	28.156	33.660
Skólamáltíð	300	330	428	371	319	365	*1	425
Frístundakort	20.000	25.500	27.500	10.000	10.000	-	*2	*3
Systkinaafsl.%	50	75	50	30	25	50	30	25
Útsvar %	14,48	14,48	13,66	14,48	14,48	14,48	14,48	14,48
Fermetraverð	103.405	234.292	245.686	179.705	137.521	140.302	110.486	140.120