Hornafjörður vann með 69 stig í Útsvari
Eftir harða keppni í Útsvari á RUV í gærkvöldi sigruðu Hornfirðingarnir reynsluboltana frá Dalvík með 13 stiga mun.
Fyrir hönd Hornafjarðar kepptu þær Regína Hreinsdóttir þjóðvarðsvörður í Skaftafelli, Soffía Auður Birgisdóttir bókmenntafræðingur og Jóna Benný Kristjánsdóttir lögfræðingur.
Keppnin var æsispennandi fram að síðustu spurningu en bæði liðin voru nokkuð jöfn í bjölluspurningum og vísbendingaspurningum. Þegar kom að leiknum var staðan 15 stig á móti 11 fyrir Dalvíkurbyggð. Bæði lið stóðu sig vel í leiknum, Dalvíkurbyggð fékk 24 stig en Hornafjörður 27 stig og var því staðan fyrir flokkaspurningarnar 39 – 38 fyrir Dalvíkurbyggð. Í flokkaspurningunum skiptust á skin og skúrir þar sem bæði lið voru að stela svarréttinum hvort frá öðru. Þegar kom að síðasta hluta þáttarins, stóru spurningunum, var staðan orðin 54 – 41 Hornafirði í vil. Í stóru spurningunum vönduðust leikar þegar símavinir beggja liða flöskuðu á að gefa rétt svör, en hvort lið svaraði einni 15 stiga spurningu rétt. Í lokin var það Hornafjörður sem bar sigur á hólmi með 69 stig á móti 56 eins og fyrr segir.
Næsta keppni Hornfirðinga verður eftir nokkra mánuði.
Til hamingju Hornafirðingar
Skrifa athugasemd