Að aflokinni Söngkeppni framhaldsskólanna 2012
Frá undankeppni í FAS. Fulltrúaráð Nemendafélags FAS hélt fund í síðustu viku þar sem fjallað var um Söngkeppni framhaldsskólanna 2012 og fyrirkomulagið á keppninni í ár.
Undanfarin ár hefur keppnin verið haldin á Akureyri þar sem allir framhaldsskólar hafa átt fulltrúa. Keppnin hefur verið ein stærsta samkoma á meðal framhaldsskólanema.
Í ár umturnaði Samband íslenskra framhaldsskólanema (SÍF) fyrirkomulaginu. Keppnin var haldin í Reykjavík. Á undan keppninni hafði skólum gefist kostur á að taka upp sitt atriði í myndveri. Atriðin voru síðan birt á mbl.is þar sem almenningi gafst kostur á að kjósa um bestu framlögin. Einungis tólf atriði komust í lokakeppnina. Sex þessara atriða voru valin af dómnefnd og sex með símakosningu.
Mikil óánægja hefur verið með þetta fyrirkomulag á keppninni í ár og vill Fulltrúaráð Nemendafélags FAS að SÍF endurskoði fyrirkomulagið fyrir næstu keppni. Fyrr í dag sendi Fulltrúaráð Nemendafélags FAS bréf til SÍF til að lýsa yfir óánægju.
Bréfið til SÍF má sjá hér.
www.fas.is
Skrifa athugasemd