Fréttir
Björgunarfélag Hornafjarðar
Sóttu tvo erlenda ferðamenn upp á Vatnajökul
Á tólftatímanum í gærkvöldi barst tilkynning um að neyðarsendir væri í gangi á austanverðum Vatnajökli.
Ýtrekuð boð höfu borist frá sendinum en ekki var vitað að svo stöddu um sendanda boðanna. Björgunarfélag Hornafjarðar fór af stað á tveimur bílum með fjóra sleða, ásamt þyrlu Landhelgisgæslunnar.
Tveir erlendir ferðamenn höfðu lent í vonskuveðri, tjald þeirra rifnað og þeir orðnir kaldir. Þeir höfðu með sér neyðarsendi sem auðveldaði leitina. Félagar frá Björgunarfélagi Hornafjarðar og þyrla Landshelgisgæslunnar komu að mönnunum á svipuðum tíma og ferjuðu þá og búnað þeirra til byggða.
Björgunarsveitamennirnir náðu síðan í dag í búnað mannanna sem skilinn var eftir í gærkvöldi upp á jökli.
Skrifa athugasemd