Markaðs- og kynningarstarf hjá Sveitarfélaginu Hornafirði
Á fyrsta fundi atvinnu- og menningarmálanefndar var ákveðið að hefja vinnu að markaðs- og kynningarstarfi hjá sveitarfélaginu.
Á fundinum var rætt um að slíkt starf ætti fyrst og fremst að ná til þriggja hópa. Í fyrsta lagi ferðamanna og þannig myndi sterkara markaðs og kynningarstarf efla ferðaþjónustufyrirtæki og auka arðsemi í greininni. Í öðru lagi yrði markaðs- og kynningarstarfið unnið þannig að fyrirtæki sem vilja ná rótfestu á Hornafirði geti nýtt sér kynningarefni í markaðssetningu á afurðum sínum og þjónustu, svo sem gagnaver og vatnsverksmiðja. Í þriðja lagi er hugmyndin að markaðs- og kynningarstarfið nái til þeirra sem áhuga hafa á því að flytjast búferlum til Hornafjarðar.
Vinnan er á byrjunarreit og vill Atvinnu- og menningarmálanefnd fá sem flesta til liðs við sig í þessa vinnu. Fyrsta skrefið er að óska eftir að áhugasamir einstaklingar um verkefnið gefi sig fram og sendi inn hugmyndir sínar og ábendingar um þetta efni á hjaltivi@hornafjordur.is eða í síma 470-8016. Í framhaldinu mun nefndin halda opna fundi og leita eftir frekara samráði um vinnu að markaðs- og kynningarmálum fyrir sveitarfélagið.
Skrifa athugasemd