Maí
Eirin Kristin Kjær
Með kynningu á landi sínu, þjóð og heimahögum (Mynd:FAS)
Síðasti skóladagur í FAS - Heia Norge!
Í gær var síðasti dagur kennslu á þessari önn í FAS. Af því tilefni bauð nemendafélagið upp á kaffi og með því í löngu frímínútunum. Það má með sanni segja að nemendur hafi tekið þessari nýbreytni vel og gæddu þeir sér á góðgætinu af hjartans lyst.
Í hádeginu var síðan skiptineminn í FAS frá Noregi hún Eirin Kristin Kjær með kynningu á landi sínu, þjóð og heimahögum. Töluverður fjöldi mætti til að hlusta á kynningu Eirin og það var sérstaklega ánægulegt að sjá hversu margir nemendur voru mættir. Við þetta tækifæri vildi FAS þakka Eirin fyrir góða viðkynningu á liðnum vetri og óskuðu henni alls hins besta í framtíðinni.
Skrifa athugasemd