Fullbókað í Ásgarði
Það er nánast fullbókað hjá okkur fyrir sumarið og það er svo miklu meiri eftirspurn eftir gisting en nokkru sinni áður segir Birgir Reynisson gistiheimilinu Ásgarði á Höfn í samtali við vefinn.
Mest eru þetta hópar og koma þeir fyrstu í maí sem erum mánuði fyrr en áður og bókanir ná lengra fram í september en verið hefur. Aðspurður sagði Birgir að nú veitti ekkert af því að bæta öðrum 36 herbergjum við þau 36 sem eru í Ásgarði. Oft hefur verið þétt skipað í gistiplássið allt upp í 82 næturgesti þegar þörfin var mest og hvergi gistipláss að hafa í nálægum gististöðum. Ásgarður sem er rétt við höfnina og útivistarsvæðið Ósland býður uppá gistingu í eins-tveggja og þriggjamanna herbergjum ásamt morgunmat. Búið er að ráða starfsfólk fyrir sumarið, allt heimafólk.
Skrifa athugasemd