11.2 dagurinn á Slökkvistöð Hornafjarðar
11.2 dagurinn var í gær. Þá voru allir viðbragðsaðilar um allt land með opið hús hjá sér. Þema dagsins var aðkoma almennings að vettvangi slysa, veikinda og áfalla. Viðbragðsaðilar koma sjaldnast fyrstir á vettvang slíkra atburða. Oft er það almennur borgari sem kemur fyrst á vettvang og veitir fyrstu aðstoð. Þessi viðbrögð geta skipt sköpum um afdrif slasaðra og hvernig til tekst með björgun. Lögð er áhersla á að sem flestir kunni skyndihjálp og teysti sér til að veita fyrstu hjálp þegar á reynir. Margt kemur upp í hugann sem gott er að hafa á hreinu eins og:
· Er hættulegt að sofna eftir höfuðhögg ?
· Er hættulegt að fá blóðnasir ?
· Er geitungabit hættulegt ?
· Hvar orðsakar bráðaofnæmi ?
· Mega allir nota hjartastuðtæki ?
Er ekki tími til kominn að rifja þetta aðeins upp og gera sjálfum sér þann greiða að vera klár á grundvallaratriðum er varða skyndihjálp?.
Undanfarin ár hafa slökkviliðin staðið fyrir Eldvarnaviku í desember og hefur það verið hluti af okkar forvörnum að fara í grunnskóla og kynn fyrir nemendum þann búnaði sem til er og má nota ef upp kemur eldur. Í ár var það reykskynjarinn sem var kynntur og hvernig á að umgangast hann með því að tryggja að rafhlaðan í honum sé í lagi, endurnýja þarf hana einu sinni á ári, og hvort skynjarinn sé á réttum stað. Hægt er að kynna sér þetta á vef eldvarnareftirlitsins okkar,sjá hér.
Fríður hópur úr 3. bekk Hafnarskóla mætti á Slökkvistöð Hornafjarðar í gær og fékk Sigursteinn Örn Jónsson verðlaun fyrir þátttöku sína í Eldvarnagetraun Landssambands slökkviliðs-og sjúkraflutningamanna, Steinþór Hafsteinsson slökkviliðsstjóri afhenti honum verðlaunin að viðstöddu skólafélögum Sigursteins.
Borgþór Freysteinsson
Eldvarnaeftirlit.
Skrifa athugasemd