Afurðir framleiðenda úr ríki Vatnajökuls á góðu verði
Afurðaframleiðendur verða aftur með heimamarkað á morgun laugardag í Pakkhúsinu, en hann fékk góðar móttökur síðastliðinn laugardag. Stefnt er á að halda markað með mat úr héraði alla laugardaga í vetur ef að heimamenn taka þessu áfram svona vel.
Einn af viðskiptavinum Heimamarkaðsins hafði orð á því að verðlagið væri helmingi lægra en á markaðnum sem haldinn er í Mosfellsbæ og einnig voru gestir ánægðir með að fá svona ferskar afurðir eins og nýveiddan fisk og lífrænt grænmeti, einnig verður hægt að kaupa lambakjöt núna.
Annar viðskiptavinur hafði orð á því að markaðurinn væri nauðsynlegur fyrir einhleypa, þar sem hægt væri að versla eftir vigt og afurðir í stykkjatali.
Síðan verður haldinn stærri almennur markaður í samvinnu við menningarmiðstöðina einu sinni í mánuði og þá gefst fólki kostur á að koma með ýmsar vörur líka aðrar en matvæli sagði Rósa Björk hjá Ríki Vatnajökuls.
Skrifa athugasemd