Ágúst
Busavígsla í FAS
Frétt af fas.is
Í morgun mátti sjá nýnema heldur undarlega til fara. Ástæða þessa undarlega klæðaburðar var sú að í dag var verið að taka þá formlega inn í skólann eða busa þá eins og margir kalla það. Eldri nemar sáu til þess að greiðsla og förðun hæfði tilefninu. Busarnir þurftu að hlýða eldri nemendum og sungu m.a. ýmis lög og gengu aftur á bak um skólann.
Fyrir hádegið þurftu busarnir að leysa ýmsar þrautir s.s að skríða eftir hálli braut og hoppa ofan í drullukar. Slökkviliðið sá svo um að þrífa mannskapinn á eftir. Í lokin voru nemendur svo boðnir velkomnir í skólann og fengu allir afhenta rós af tilefninu.
Skrifa athugasemd