Möguleikar til orkusparnaðar
Sigurður Ingi Friðleifsson, framkvæmdastjóri Orkuseturs verður með opinn fund á Kaffihorninu fimmtudaginn 28. maí kl. 12.00 um möguleika til orkusparnaðar. Sigurður Ingi mun fjalla um allt mögulegt sem lýtur að orkusparnaði, s.s. raforku, húshitun, eldsneyti og nýjum orkugjöfum. Á heimasíðu Orkusetursins, orkusetur.is, er margt fróðlegt eins og td. 10 sparnaðarráð sem eru upplistuð hér á eftir. Hlutverk Orkuseturs er að stuðla að aukinni vitund almennings og fyrirtækja um skilvirka orkunotkun. Verkefni Orkuseturs eru einnig á sviði nýrra orkugjafa og gerð fræðsluefnis. Verður þetta eflaust mjög fróðlegur fyrirlestur og mörgum til fjár.
Allir hvattir til að mæta. Súpa og brauð í boði.
Sveitarfélagið Hornafjörður
Sparnaðarráð af orkusetur.is
Bæta má orkunýtni án aukakostnaðar, hér eru tíu ráð sem kosta ekkert en geta dregið verulega úr orkurkostnaði heimila:
- Lækka innihita niður í 20°C
- Slökkva alveg á raftækjum, ekki skilja þau eftir í biðstöðu
- Hafa glugga lokaða nema við gagngera loftun
- Ganga eða hjóla styttri vegalengdir
- Fylla ávallt þvottavél og uppþvottavél
- Hafa lok á pottum og pönnum og þekja alla helluna
- Setja gluggatjöld fyrir glugga að næturlagi
- Vistakstur með mjúkum akstri og réttum loftþrýsting í dekkjum
- Ekki birgja ofna með húsgögnum eða gluggatjöldum
- Fara í sturtu frekar en bað
Skrifa athugasemd