Ágætu íbúar á Höfn og nágrenni
Tilkynning frá Sagaplast ehf
Að gefnu tilefni vill undirritaður f.h. Sagaplast ehf. leiðrétta þann alvarlega misskilning sem upp hefur komið, að þau endurvinnsluefni sem safnað er á Höfn og í nágrenni séu urðuð, eftir að þau hafa verið flutt til Reykjavíkur. Þetta á ekki við nein rök að styðjast. Öll umrædd efni eru bögguð í Reykjavík og send erlendis til frekari vinnslu. Þetta á við um dagblöð / tímarit, bylgjupappa, plastumbúðir, sléttan pappír ( fernur), baggaplast og margt fleira.
Sögusagnir um annað eru einfaldlega rangar. Okkur er annt um orðspor okkar og þykir okkur mjög miður að slíkar sögur komist á kreik og umhugsunavert hvaðan þær koma.
Það er einlæg ósk mín að það góða starf sem unnið hefur verið í sveitarfélaginu megi áfram dafna og vaxa því ennþá eru mörg skref óstigin.
Með vinsemd og kveðju
Gunnar Þ. Garðarsson
Sagaplast ehf. Akureyri
Skrifa athugasemd