40 tonna búrhval rak á Borgarhafnarfjöru
Búrhval rak á Borgarhafnarfjöru 29 des s.l.. Þetta er tarfur eins og glöggt má sjá, um 14 metra langur og líklega nálægt 40 tonn að þyngd.
Ragnar Sigurðsson í Gamla Garði segir að þetta sé líklega allra stærsti hvalur sem hann man eftir hér á fjöru í Suðursveit, þó hafi verið nokkuð stór hvalur sem rak á Reynivallafjöru milli 1970 og 1980 þó ekkert í líkingu við þennan.Hér meðfylgjandi eru myndir sem Laufey og Guðlaugur í Lækjarhúsum tóku 6. jan. 2009 í skoðunarferð sem þau fóru í ásamt Ragnari í Gamla Garði .
Fróðleikur um búrhvali til gamans
Búrhvalurinn er nær allur dökkgrár að lit. Efri varir og efri hluti neðri kjálka eru hvít .
Fullvaxinn búrhvalur þ.e. tarfar geta orðið 18-19 m langir en kýrnar 12,5 m .
Höfuð búrhvala er mjög stórt og nemur lengd þess 25-35% af heildarþyngd dýranna.
Tennur búrhvala geta orðið 20 cm langar með rót og 1,5 kg að þyngd og eru 20-26 pör tanna í neðri góm en hvalurinn er tannlaus í efri góm.Tennur búrhvala eru vel til þess fallnar að grípa fæðu en ekki til að tyggja hana.
(úr bókinni Íslensk spendýr eftir Pál Hersteinsson)
Nýárskveðjur úr Borgarhöfn.
Skrifa athugasemd