Hver hefur ekki velt vöngum um hvað varð að hinum og þessum sem bjó áður á Hornafirði en hefur nú flutt hérlendis eða erlendis. Oft er talað um brottflutta Hornfirðingar og þá sérstakalega í samhengi við Þorrablót Hornfirðinga á höfuðborgarsvæðinu. En höldum okkur við þá brottfluttu, við hér á vefnum ætlum nú að taka upp nýjan lið sem við köllum “Hvað varð um?” þar sem ætlunin er að leita til þeirra fjölmörgu “brottfluttu” sem enn hafa sterkar rætur hér í ríki Vatnajökuls og kanna hvar þeir eru niðurkomnir í dag og hvað þeir hafa fyrir stafni. Sjáum hvað setur, hver veit nema þessi liður verði jafn vinsæll og “jólagestir” okkar hér á vefnum. Lesa meira

Fyrirhugað er að halda stjörnuhelgi í Þórbergssetri dagana 24.–25. febrúar. Dagskráin er unnin í samvinnu við Snævarr Guðmundsson fjallaleiðsögumann, náttúruunnanda og ljósmyndara. Snævarr kemur með stórt stjörnuver með sér á staðinn og þátttakendur fá að fara inn í verið og fara í ferðalag um himingeiminn undir leiðsögn hans. Einnig verður farið í kvöldgöngu ef að veðrið verður gott og skyggnst um óravíddir himingeimsins. Snævarr ætlar síðan að flytja fræðsluerindi um norðurljósin kl 11:00 á sunnudeginum. Tengja á dagskrána bókmenntum Þórbergs með upplifun og upplestri úr verkum skáldsins. Hámark þátttakenda á Stjörnuhelgi í Þórbergssetri verða 40 manns. Lesa meira

Hásef er félagsskapur nemenda sem útskrifaðist af Garðyrkjuskóla ríkisins árið 1974. Þessum hóp tilheyra Rannveig Einarsdóttir og Magnús Jónasson. Hásefingar hafa alla tíð síðan haldið hópinn og ferðast saman á hverju ári. Fyrir tveimur árum síðan kom upp sú hugmynd að fara nú í eina almennilega reisu áður en við yrðum of gömul til þess. Stefnan var sett á Galapagoseyjar og send inn pöntun, en fjöldi ferðamanna þangað er takmarkaður og það er a.m.k. eins árs biðlisti. Þetta er langt ferðalag og fyrst við vorum að fara svona langt að heiman var ákveðið að vera í 3 vikur í Equador og koma við í Amazon frumskóginum. Ferðin stóðst í alla staði væntingar og var mjög vel heppnuð. Fjölbreytt náttúrufar og önnur menning en við eigum að venjast. Lesa meira

Eins og fram kom á vefnum hér í gær þá eru þeir feðgar Grétar Örvars og Kristján með lag í undankeppninni á laugardagskvöld, í spjalli við Grétar þá lagði hann áherslu á að hvert einasta atkvæði skiptir gríðarlegu máli í þessum riðli og vildi hann hvetja fólk til að hugsa þetta alla leið og velja það lag sem þeir telja að geti orðið okkur til sóma í Helsinki þ.e.a.s. að við náum nú að komast upp úr milliriðlinum, því nú er tónlistin komin í riðlakeppni. Að sögn Grétars þá vonaði hann að Hornfirðingar hafi trú á laginu "Eldur" og að þáttaka og reynsla hans í þessari keppni sé eitthvað sem fólk treysti á. Grétar segir það ekki gott að vakna upp með einhverja "Eurovision-þynku" líkt og í fyrra þegar annars fyndið atriði (í byrjun) fór gjörsamlega úr böndunum þegar komið var út í keppnina. Lesa meira

Vefnum hefur borist Völvuspá frá spámanninum Völundi og er hún eftirfarandi: Rödd unga fólksins kveður sér hljóðs á árinu.Uppfullt af góðum hugmyndum og vill leggja sinn skerf að mörkum til sveitarfélagsins. Margt af þessu unga fólki er vel mentað og sumt af þessu fólki talar af reynslu. Þetta segir okkur það að þetta er rödd fólks sem er nýkomið inn í sveitafélagið og vill hafa sig í frammi. Sveitarfélagið verður að færa sér þessar hugmyndir í nyt, annars notfæra sér önnur sveitarfélög þessar tillögur. Eldingar Þórs eru yfir sveitarfélaginu þetta árið sem þýðir að tími breytinga og áhættu er í lagi og skaðar engan, máttur Mjölnis er mikill. Lesa meira

Annar riðill af þremur í beinni útsendingu Söngvakeppni Sjónvarpsins í undanúrslitum fyrir Evróvision fer fram næstkomandi laugardagskvöld og af 8 lögum er tvö lög eftir Hornfirðinga, "Mig dreymdi" eftir Óskar Guðnason , texti eftir Ingólf Steinsson og flutt af Heru Björk Þórhallsdóttur, hitt lagið er "Eldur" sem er eftir þá feðga Grétar Örvarsson og Kristján Grétarsson, texti eftir Ingibjörgu Gunnarsdóttur og það er Friðrik Ómar sem syngur. Þess má geta að Óskar Guðnason átti líka lag í undanúrslunum síðasta laugardag en því miður náði það lag ekki áfram í úrslit. Það eru áhorfendur sem velja í símkosningu þau lög sem komast áfram í lokakeppnina sem verður haldin 17. febrúar n.k. Það kvöld ræðst hvert þeirra laga sem keppa til úrslita verður framlag Íslands í forkeppni Söngvakeppni evrópskra sjónvarpsstöðva, sem fram fer í Helsinki í Finnlandi 10. maí næstkomandi. Lesa meira

Mikið hvassviðri hefur verið í austanverðri Öræfasveit í morgun þar sem vindur hefur mælst 40- 50 m/sek í mestu hviðunum og hefur Vegagerðin varað vegfarendur við að ekki sé þar ferðaveður. Ekki er þó kuldanum fyrir að fara því á Kvískerjum mældist hiti 13° í morgun og 14,9° á Fagurhólsmýri kl. 10.00 Samkvæmt nýjustu veðurspá ætti að fara að lægja en spáin er norðvestan og vestan 10-18 m/s, en 25-30 á stöku stað í fyrstu. Hiti 3 til 8 stig. Lesa meira

Von er á fulltrúum þeirra aðila sem hafa hug á að kaupa vatn af Hornfirðingum núna í febrúar segir Ari Þorsteinsson hjá Frumkvöðlasetri Austurlands, við erum í viðræðum við þessa aðila og erum að svara fyrirspurnum um þessi mál. Þeir virðast hafa áhuga á þessu og ætla að koma og skoða ákveðna staði hér og möguleikana á að virkja vatnið til útflutnings og fá íslenskan jarðfræðing, sérhæfðan í vatnsmálum og jarðborun til liðs við sig. Þetta eru fjárfestar sem hafa tengsl við dreifingarfyrirtæki og eru að leita möguleika á vatnsnámi og ætla síðan að fá einhvern hóp fjárfesta með sér í verkefnið. Hvað varðar flutning á vatninu héðan til neytenda eru þeir að hugsa um tvo möguleika, annar er átöppun og hinn er að flytja vatn í tankskipi sem flytti það eitthvað suður á bóginn t.d. til arabalanda. Þessir fjárfestar vilja hafa starfsemina hér og aðstöðuna sem næst Höfn , einhversstaðar þar sem skip geta lagst að. Lesa meira

Flugvélin mun fara í sitt fyrsta áætlunarflug til Hornafjarðar í dag Eins og kunnugt er orðið tók Flugfélagið Ernir við áætlunarflugi hingað á Hornafjörð um síðustu áramót og þennan stutta tíma sem þeir hafa séð um flugleiðina Höfn-Reykjavík þá er það almannarómur að þeir hafa staðið sig mjög vel. Flugfélagið keypti 19 sæta Jeatstream 32 flugvél sem fljúga mun áætlunarflug á Hornafjörð og Sauðárkrók ásamt leiguflugi innanlands sem utan. Nýja vélin hefur hlotið einkennisstafina TF-ORA. Flugvélin mun fara í sitt fyrsta áætlunarflug sem er hingað á Hornafjörð og er áætlaður lendingartími á Hornafjarðarflugvelli um kl 17:50. Vélin lendir aftur í Reykjavík um kl 19:20. Flugtíminn milli Hafnar og Reykjavíkur í nýju flugvélinni er um 50 mínútur. Lesa meira

Ný leiguþyrla landhelgisgæslunnar lenti á Hornafjarðarflugvelli uppúr hádeginu í dag. Forstjóri Landhelgisgæslunnar Georg Lárusson ásamt nokkrum starfsmönnum gæslunnar voru þá mættir á staðinn og tóku á móti nýju þyrlunni, Benoný Ásgeirssyni flugstjóra og áhöfn hans. Benóný sagði ferðina hafa gengið eins og best varð á kosið, ferðin frá Vogum í Færeyjum tók 1.1/2 klst. í rjómablíðu. Þyrlan er sérútbúin sem björgunarþyrla og er sviðuð á stærð og TF- SIF og ber einkennisstafina TF-EIR. Að sögn Georgs Lárussonar átti þyrlan að afhendast 1.okt. sl. svo seinkunin er orðin nokkur á komu hennar en hefur sem betur fer ekki komið að sök að öðru leiti en því að gæslan hefur þurft að nota dýrari vélar í verkefni sem minni vélar hefðu getað sinnt. Þetta er 4. þyrlan sem Landhelgisgæslan hefur til umráða og sú fimmta bætist við í maí nk. og verður hún á af sömu stærð og TF-LÍF sem eru fullkomnustu björgunarþyrlur í heiminum. Georg segir flugþol þeirra vera um 50 mílur á haf út, geta verið þar í ½ klst. og til baka aftur án þess að taka eldsneyti. Verið er að setja búnað í varðskipin Tý og Ægi til að gefa þyrlum eldsneyti á lofti. Lesa meira

Starfsmenn Vegagerðarinnar fá ósjaldan að heyra það hvað akvegirnir okkar séu vondir, mjóir og allt það. En ætli margir vegfarendur sem aka leiðina um Þvottár- og Hvalnesskriður að ógleymdum Hvaldal sem er sunnan Hvalnesskriða, hafi hugleitt hvernig það er að halda þessum akvegi opnum og eins vel akfærum og mögulegt er. Fæstir gera sér grein fyrir hversu hættulegt starf þetta er því oft og tíðum eru þeir sem þarna eru að hreinsa veginn flesta daga ársins í mikilli lífshættu en lán okkar vegfarenda er að þarna eru að verki nánast sömu mennirnir áratugum saman, menn sem vita nákvæmlega hvað gera skal þegar illa viðrar á þessum slóðum. Það er því ekki furða þó undrunarsvipur kæmi á Jón Helgason hjá Vegagerðinni á Höfn, sem unnið hefur í skriðunum í nær aldarfjórðung, þegar ökumaður stansaði hjá honum í skriðunum og sagði “þið vegagerðarmenn hérna eruð algjörar hetjur og eigið mikið hrós fyrir hvernig þið getið haldið þessum vegi opnum og yfirleitt þorið að vera hér, meira hef ég ekki að segja” að þessu mæltu kvaddi hann og ók áfram. Þetta var sannarlega rétt og vel mælt og hefur án efa yljað Jóni um hjartaræturnar. Lesa meira

Landssamtök blindra í Bretlandi, eða Royal National Institute of the Blind, skipuleggja fjáröflunarferð til Íslands í september á þessu ári eða svo greinir Fréttablaðið frá í dag. Þar kemur einnig fram að þátttakendur að utan munu ferðast fótgangandi um Skaftafellssýslur, en til þess að komast í ferðina verða þeir fyrst að afla því sem nemur um 280.000 krónum, sem renna til samtakanna. Gönguferðin sjálf tekur fjóra daga, með viðkomu í Skaftafelli, við Breiðamerkurlón, við Kvíárjökul og á Ingólfshöfða, þar sem ferðabóndinn Sigurður Bjarnason á Hofsnesi mun væntanlega leiðbeina hópnum um höfðann. Samkvæmt heimasíðu samtakanna er miðað við að hver gönguhópur samanstandi af um sextíu manns. Lesa meira

Strákarnir í Hafnarskóla buðu þorra í garð með því að hlaupa hér nokkra hringi í kringum skólann á öðrum fæti, berlæraðir og berfættir. Nokkrir drengir voru einungis á brókinni og létu það ekki aftra sér þó að frostið væri mikið. Þeir sem hlupu flesta hringi fóru 42 hringi í skóm og þeir sem komust næst því fóru 39. Flestir létu sér þó nægja að fara 3 hringi. Rétt fyrir hádegi ætlum við svo að hittast á sal og syngja saman þorralög og 4.H ætlar að vera með skemmtiatriði. Lesa meira

Í nýjasta fasteignablaði sem fylgir með Fréttablaðinu í dag auglýsir Bónus eftir verslunarhúsnæði á Höfn. Þar kemur fram að húsnæðið þarf að vera allt að 1000 fermetrar að stærð ásamt góðum bílastæðum. Óskar Bónus eftir því að þeir sem hafa áhuga sendi tilboð á skrifstofu Bónuss að Skútuvogi 13 fyrir 5. febrúar n.k. Mikil óvissa hefur verið í matvöruverslunarmálum hér í Sveitarfélaginu undanfarið en eftir að ljóst var að opnuð yrði ný Nettó verslun í Miðbæ önduðu margir léttar. Lesa meira

Náðst hefur samkomulag milli Samkaupa Suðurnesja-Nettó og Kaupáss um að Samkaup- Nettó kaupi allar innréttingar í 11-11 versluninni í Miðbæ. Það er búið að leysa þetta mál milli fyrirtækjanna sagði Sturla Eðvarðsson hjá Samkaupum og það er fyrir mestu að íbúar á Hornafirði séu öruggir með matvöruverslun. Við tökum við húsinu fyrsta mars og reynum að opna þarna sem fyrst með eins litlum breytingum og hægt er til að byrja með, svo komum við til með að skoða stöðuna í rólegheitum og fara yfir hana og þá væntanlega gera stærri breytingar seinna á árinu. Við lágmörkum eins og hægt er þann tíma sem kannski verði lokað við skiptin og á meðan munum við sjá um að fólk geti fengið matvöru. Lesa meira

Núna er innritun í FAS fyrir vorönnina lokið. Það er orðið ljóst að aldrei hafa fleiri verið skráðir í nám við FAS. Alls eru skráðir 316 nemendur í skólann. Fjarnemendur eru um 190 og hafa aldrei verið fleiri. Flestir eru skráðir í 30 tonna réttindanám eða 68. Fjarnemendur frá ME og VA eru 47. Á sjúkraliðabraut sem er sameiginlegt verkefni framhaldsskólanna á Austurlandi eru 33 nemendur. Aðrir fjarnemendur eru 38 sem flestir stunda nám á stúdentsbrautum. Nemendur sem mæta reglulega í tíma eru oft kallaðir staðnemendur og eru þeir um 130. Þar af eru 19 skráðir í vélstjórnarnám. Óvenju hátt hlutfall nemenda sem stefnir að stúdentsprófi er á náttúrufræðibraut eða 57% staðnemenda, en siðustu árin hefur félagsfræðabrautin verið vinsælust. Lesa meira

Ferðaþjónustuaðilar í Hornafirði ásamt lykilfyrirtækjum í atvinnuþróun taka í vetur þátt í námskeiði sem heitir Hagvöxtur á heimaslóð. Námskeiðinu sem er skipulagt af Útflutningsráði er skipt í fjögur tveggja daga námskeið með nokkru millibili og er það síðasta í lok mars. Námskeiðið verður tvisvar á Þórbergssetri, það fyrra var núna í vikunni, og hinir staðirnir eru Hótel Höfn og Árnanes. Skráðir þátttakendur eru 20 ferðaþjónustuaðilar allsstaðar að af svæðinu. Þetta gengur ljómandi vel hjá okkur segir Þorbjörg Arnórsdóttir á Hala, þátttakendur fá fræðslu og hjálp við markaðssetningu og vöruþróun innan síns fyrirtækis einnig er fjallað um samvinnu og hvernig okkur tekst að efla samstöðu og auka vinnuframboð ferðaþjónustuaðila á svæðinu. Einnig er þetta líka liður í að skapa tengingu við t.d. Háskólasetrið, Frumkvöðlasetrið, Menningarmiðstöðina og þessa staði sem skipta máli með uppbyggingu svæðisins í heild og ferðaþjónustu sem atvinnugreinar. Lesa meira

Systurnar og blómakonurnar Hafdís og Gunnhildur eiga heiður og þakkir skyldar fyrir þá framtakssemi að opna blómasölu með meiru þegar útlit var fyrir að Hornfirðingar yrðu að hætta að kaupa blóm og tilheyrandi skreytingar þegar blómabúðin á staðnum lokaði og hætti. En sem sagt þessar elskur ætla að sjá til þess að allar eiginkonur í Hornafirði og nágrenni geti keypt blóm í dag Bóndadaginn því búðin þeirra Blóm & Broderí á Víkurbraut 5 er full af nýjum afskornum blómum. Að sögn þeirra systra er mikið blómafólk hér í Sveitarfélaginu og nokkuð víst að margar konur hér munu færa mönnum sínum blóm að gjöf í tilefni Bóndadagsins. Þá bjóða þær líka til sölu svuntur sem eru merktar með þeim texta sem hver og ein kona vill að standi á svuntunni, enda leynast víða duglegir menn við eldhússtörfin. Í tilefni Bóndadagsins verður opið hjá þeim frá kl.13-18. Lesa meira

Útgerðarfélagið Nóna ehf hefur samið um smíði á nýjum Víking bát sem kemur í stað Ragnars Sf 550. Nýi báturinn er mun stærri en Ragnar og fullkomnari segir eigandinn Arnar Ragnarsson, og því tímabært að endurnýja. Nýi báturinn er Víkingur 1200 smíðaður hjá Samtaki í Hafnarfirði, yfirbyggður eins og Ragnar, 11,94 m langur, og 4,2 m breiður. Þessi nýi verður 40 cm breiðari en Ragnar, 40 cm hærri,70 cm lengri og gengur 24 mílur en Ragnar gengur 12 mílur. Burðargeta nýja bátsins er 13 tonn í körum en Ragnar tekur 7 tonn í körum. Línukerfi er fyrir 22 þús. króka á móti 15 þús. króka línu í Ragnari. Verð á nýja bátnum er 70 mkr og verður hann tilbúinn til afhendingar í sept. nk. Arnar segir mikinn mun að hafa bátinn svona yfirbyggðan og hann henti á allan hátt mjög vel til útgerðar hér. Ragnar Sf 550 er til sölu og flyst Ragnars-nafnið yfir á nýja bátinn sem verður þriðji bátur Arnars með nafni föður hans. Lesa meira

Impra nýsköpunarmiðstöð gengst nú í áttunda sinn fyrir svokölluðum Brautargengisnámskeiðum á landsbyggðinni og verður eitt slíkt haldið í Nýheimum og hefst það helgina 10.-11. febrúar n.k Eftir það verður kennt einu sinni í viku, á miðvikudögum, kl. 12:30-17:00, frá febrúar og fram í maí (alls 14 skipti). Mjög mikilvægur þáttur í námskeiðsskipulaginu er að þátttakendur hafa aðgang að leiðbeinanda á staðnum milli kennslustunda. Á námskeiðinu mun Rannveig Einarsdóttir taka þetta hlutverk að sér. Námskeiðin eru skipulögð í samvinnu við ýmsa aðila í Sveitarfélaginu m.a. Ara Þorsteins í Frumkvöðlasetrinu og Ragnhildi Jóns í Þekkingarneti Austurlands. Lesa meira

Árið 2006 fæddust 40 nýir Austur-Skaftfellingar og þar af voru einir tvíburar, jöfn skipting milli kynja. Áslaug Valsdóttir ljósmóðir segir að þar af hafi 20 konur fætt hér heima, hinar fóru til Reykjavíkur. Konur geta valið um hvort þær vilji fæða heima hjá sér eða á hjúkrunarheimilinu og hafa nokkrar kosið að fæða heima og þá er þetta bara eins og hér áður fyrr, ég fer heim til þeirra þegar komið er að fæðingu tek á móti barninu og móðir og barn fá síðan sömu umönnun og þær sem fæða á fæðingarheimilum. Þetta er metár í fæðingum hér miðað við nokkur síðustu ár segir Áslaug, en ekkert miðað við það sem var hér áður fyrr. Von er á fyrsta nýja Hornfirðingnum á þessu ári einhvern næsta dag. Lesa meira

Alls bárust 13 tilboð í gerð og styrkingu varnargarða vestan Skeiðarár. Í gær var skrifað undir verksamning við Héraðsverk ehf sem átti lægsta tilboðið kr. 52.927.465. sem er 62.7 % af áætluðum kostnaði kr. 84.391.700. Verkið felst í því að styrkja og hækka garða sem eru vestan við Skeiðará og varna því að áin flytji sig vestar á sandinn og flæði þar yfir þjóðveginn. Stöðugt eftirlit þurfti með görðunum síðast liðið sumar og aðgerðir til að halda ánni í skefjum. Lengd garðanna er 2.400 m, fylling í garðana 25.200 rúmmetrar og grjótvörn 23.900 rúmmetrar. Lesa meira

Um síðustu helgi kynnti Stella Sigfúsdóttir markaðs-og ferðamálafræðingur niðurstöður fýsileikakönnunar á því að reisa heilsulind í ríki Vatnajökuls og hvort SPA Vatnajökull- heilsulind sé áhugaverð og tekjuskapandi nýsköpun í atvinnulífi í ríki Vatnajökuls. Sigurlaug Gissurardóttir formaður FASK stóð að fundinum ásamt Stellu og sagði hún að mjög góð mæting hefði verið á fundinum bætti við ,,mér fannst svona jákvæður andi svífa þar í húsinu´´. Það er engin spurning um að þarna var verið að kynna áhugaverðan kost fyrir svæðið hér og fyrir áhugasama að þróa þetta áfram. Stella hefur lokið þessu verkefni hjá SPA og skilað því af sér svo nú er boltinn hjá heimamönnum að þróa hugmyndina áfram og verður nánar sagt frá þessu áhugaverða verkefni í næstu viku. Lesa meira

Við höfum náð samkomulagi við KHB um að taka yfir verslunarrekstur í Miðbæ á Hornafirð og fasteignafélag í eigu Kaupfélags Suðurnesja kaupir húseignirnar Miðbæ, verslunarhúsið á Vesturbraut og húsið á Hafnarbraut 30 þar sem Jöklasýningin er til húsa sagði Sturla Eðvarðsson hjá Samkaupum þegar fréttamaður vefsins spurði hann um stöðu verslunarmála hér. Áður var áformað að KHB á Egilsstöðum opnaði Samkaup–úrval á Höfn en við mátum það þannig að meiri sátt yrði um lágvöruverðsverslun á staðnum. Okkar áform var að opna verslun 28. febrúar þegar leigusamningur við Kaupás rennur út en eins og staðan er núna þá fáum við ekki afhent rýmið fyrr en 28. febrúar. Kaupás tekur allar sínar innréttingar og öll tæki burtu og verður líklega farið í að rífa það niður um næstu mánaðarmót. Fyrsta mars eða strax og við komumst inn verður farið að lagfæra húsnæðið og vonandi tekur það ekki nema um hálfan mánuð þar til við getum opnað þarna glæsilega verslun. Lesa meira

Veðurfar skiptir okkur öll miklu og sagt er að það sé algengasta umræðuefni íslendinga og því væri fróðlegt að skoða nokkra veðurpunkta frá Veðurstofu Íslands frá síðasta ári. Janúar 2006 var lengst af hlýr en nokkuð votviðrasamur sunnan og vestanlands. Mestur hiti mældist á Seyðisfirði þ.4., 15,4 stig. Kuldakast kom nokkra daga um miðjan mánuðinn og mældist þá mest frost á landinu á Veiðivatnahrauni, 23,2 stig þ.17. Þetta var hlýjasti janúar frá 1996. Meðalhiti á Akureyri var 1,8 stig og er það 4 stigum ofan meðallag. Í Akurnesi var meðalhitinn 2,2 stig. Úrkoma í Akurnesi mældist 266 mm. Febrúar var mjög hlýr á landinu og hiti yfir meðallagi Í Akurnesi var meðalhiti 3,1 stig, nánast sami og 2003 og úrkoma þar mældist 104mm. Lægsti hiti í mánuðinum mældist á Brúarjökli þ.8, -25,8 stig, en hæstur varð hitinn á Seyðisfirði 16,2 stig að kvöldi þ.21. Lesa meira

Bjarni Sveinsson ÞH 322 sem er í eigu Skinneyjar Þinganess kom til sinnar heimahafnar Hornafjarðar í gærkvöldi en skipið hefur legið á Húsavík síðan núverandi eigendur þess keyptu útgerðarfélagið Langanes hf á Húsavík sem átti skipin Bjarna Sveinsson og Björgu Jónsdóttur sem nú heitir Krossey SF 20. Ingólfur Ásgrímsson sem sótti skipið og segir þetta vera ágætis bát, eins og hann orðaði það. Hann sagði óákveðið um útgerð á Bjarna og að hann væri á söluskrá. Lesa meira

Samningur um geðheilbrigðisþjónustu við börn og unglinga var undirritaður í morgun við Heilbrigðisstofnun Suðausturlands á Höfn í Hornafirði. Siv Friðleifsdóttir, heilbrigðis- og tryggingamálaráðherra, skrifaði undir samninginn fyrir hönd ráðuneytisins og Guðrún Júlía Jónsdóttir, framkvæmdastjóri, fyrir hönd heilbrigðisstofnunarinnar. Samkvæmt þessum samningi fær Heilbrigðisstofnun Suðausturlands eina milljón kr. á ári í tvö ár sem notað verður til að efla geðheilbrigðisþjónustu við börn og ungmenni í sveitarfélaginu. Í samningnum er miðað við að efla heilsugæsluna sem fyrsta viðkomustað í heilbrigðisþjónustunni og að börn og ungmenni með geð- og hegðunarröskun og forráðamenn þeirra eigi þess kost að leita sér aðstoðar í grunnþjónustunni. Lesa meira

Þann 1. janúar síðast liðinn urðu þáttaskil hjá Vigni Þorbjörnssyni umdæmisstjóra á Hornafjarðarflugvelli þegar hann lét af störfum sem umdæmisstjóri hjá Flugfélagi Íslands og hélt Flugfélagið honum og Ragnhildi Eymundsdóttur konu hans veglegt kveðjusamsæti sl. föstudag og kom fjölmennt lið samstarfsmanna þeirra frá Flugfélaginu til að þakka þeim hjónum samstarfið. Alls komu til hófsins um 150 manns, þar af komu 37 með Fokker frá Reykjavík. Vignir hefur starfað hjá Flugfélaginu í rúm 40 ár og reyndar gott betur því strax um tíu ára aldurinn var hann farinn að hjálpa foreldrum sínum í flugafgreiðslunni á Hafnarbrautinni. Þetta var bara svona í þá daga sagði Vignir, fjölskyldan hjálpaðist að við það sem gera þurfti og ég hélt svo áfram við þetta þegar bræður mínir fóru til annarra starfa. Lesa meira

Best-Fiskur fagnaði þrettánda dag jóla með því að bjóða uppá gómsæta humarsúpu og brauð frá kl.11-15 í matsal fyrirtækisins.Góð tilbreyting eftir allt kjötátið um hátíðarnar og fólk kunni greinilega vel að meta þessa nýbreytni og var hvert sæti í salnum setið þegar fréttamaður vefsins leit þar inn. Meðal þeirra sem þar voru var þorrablótsnefndin 2007 og gaf hún kokkunum þeim Sívari Árna framkvæmdastjóra og Guðjóni Magnússyni aðstoðarmanni hans góð meðmæli fyrir súpuna og framtakið, sögðu þetta frábært og höfðu orð á að hér væri ýmislegt sem þorrablótsnefnd gæti nýtt sér, hvað svo sem það nú þýðir. Um 150 manns komu í humarsúpuna svo að nóg var að gera hjá matreiðslumönnunum í Best-Fiski en þeim til halds og trausts við matreiðsluna var Gísli Már Vilhjálmsson á Hótel Höfn. Lesa meira

Rafmagn fór af stóru svæði í Austur-Skaftafellssýslu um miðnætti . Rafmagnslaust er á öllu svæðinu frá Hornafjarðarfljótum að Skaftafelli. Um 60 bæir á Mýrum, Suðursveit og í Öræfum eru rafmagnslausir. Talsmaður Rafmagnsveita ríkisins á Egilssöðum segir að rafmagnsleysinu valdi bilaður rafall í Smyrlabjarga-ár-virkjun og slitin lína í Hoffellsá. Unnið er að viðgerð á rafstrengnum í Hoffellsá. Lesa meira

Nú styttist í að verslun Kaupás 11-11 í Miðbæ verði lokað og er starfsfólk verslunarinnar byrjað að pakka vörum og senda til Reykjavíkur. Starfsfólki verslunarinnar hefur verið sagt upp frá 1.mars nk. en ég á eins von á að versluninni verði lokað 1.febrúar segir Helga Vignisdóttir verslunarstjóri. Hér hafa verið 28 fastráðnir starfsmenn sem nú vita ekki hvað við tekur hjá þeim eða hvort þeim bjóðast störf hjá nýjum verslunaraðilum. Ekki er ljóst á þessari stundu, hvort Kaupás skilar verslunarhúsnæðinu mánuði fyrr þ.e. 1.mars þegar leigusamningar við Kaupfélag Héraðsbúa rennur út. Hornfirðingar eru að vonum mjög ósáttir með hvernig verslunarmál hvað varðar matvöruverslun á staðnum hafa þróast og nota hvert tækifæri sem gefst til að versla þar sem lágvöruverslun er að finna hvort sem það er austan eða sunnanlands. Húsnæði það sem verslunin Krónan var í hefur staðið autt síðan í haust þegar versluninni var lokað en húsnæðinu verður ekki skilað fyrr en leigusamningur rennur út. Lesa meira

Vefsíðan thorbergur.is hefur verið uppfærð nýlega og mikið af nýju efni er komið inn á síðuna. Má þar nefna grein sem heitir Í kompaníi við Þórberg og Matthías eftir Sverri Árnason, og einnig nokkrar greinar undir liðnum í Suðursveit m.a. um Sjósókn í Suðursveit og ferðalög yfir Breiðamerkursand. Einnig koma nýjar fréttir af og til inn á forsíðuna og reynt er að færa reglulega inn í dagbókina. Hægt er að skrá sig inn á póstlista síðunnar inn á Þórbergsvefnum og berast þá tilkynningar um nýtt efni jafnóðum og það er birt á vefsíðunni. Þórbergsvefurinn er nú mikið notaður af námsfólki og fræðimönnum og berast gjarnan fyrirspurnir til Þórbergsseturs frá fólki sem er að vinna efni um Suðursveit eða verkefni tengd Þórbergi Þórðarsyni, ævi hans og bókmenntum. |nl| Lesa meira

Eins og undan farin ár þá stendur Ungmennafélagið Máni fyrir Þrettándabrennu inn við Stekkhól í Nesjum. Brennan verður haldin annað kvöld (laugardagskvöldið 6.janúar) og mun verða kveikt í bálkestinum kl.20:30. Samkvæmt upplýsingum frá Spádeild Veðurstofunnar þá lítur út fyrir að það geti orðið ákjósanlegt veður til Þrettándabrennu, en það er þó ekki alveg útséð um hvort það gæti orðið einhver rigning hér á suðausturlandinu þar sem úrkomubakki er við suðausturmiðin, ef svo verður þá er bara að taka með sér regnfatnað á brennuna. Hitastig verður um frostmark. Lesa meira

Í dag verður skrifað verður undir Vaxtarsamning Austurlands á Hótel Héraði Egilsstöðum. Að samningnum koma 55 aðilar, iðnaðarráðuneytið, öll sveitarfélög á Austurlandi, fyrirtæki, stofnanir og háskólar af öllu landinu. Samningurinn hljóðar uppá framlag sem nemur rúmlega 190 milljónum á þremur árum, 2007-2009. Um er að ræða stærsta samning sinnar tegundar á landinu hingað til og hann er jafnframt sá vaxtarsamningur sem hvað víðtækust þátttaka er í. Með honum er tilkominn öflugur vettvangur fyrir uppbyggingar- og þróunarstarf á Austurlandi. Í samningnum eru skilgreind 4 vaxtarsviða sem eru: Menning og ferðaþjónusta, Matvælaframleiðsla, Menntun og rannsóknir, Iðnaður, tækni og verktakastarfsemi. Lesa meira