Júní
Sólarlag við höfnina
Áhöfnin á Þinganesi SF 25 fær viðurkenningu frá Slysavarnafélaginu Landsbjörgu
Fréttatilkynning
Á sjómannadag veitti Slysavarnafélagið Landsbjörg hina árlegu viðurkenningu til áhafna skipa sem sótt hafa námskeið hjá Slysavarnaskóla sjómanna og sýnt öðrum fremur góða öryggisvitund að mati kennara skólans. Viðurkenningin er farandbikar sem afhentur er til varðveislu um borð í viðkomandi skipi í eitt ár ásamt veggskildi til eignar. Áhöfnin á Þinganesi SF 25 frá Hornafirði hlaut viðurkenningu ársins 2006. Gunnar Þorgeirsson stjórnarmaður hjá Slysavarnafélaginu Landsbjörgu afhenti viðurkenninguna og veitti Jón Sigurðsson skipstjóri henni móttöku fyrir hönd áhafnar sinnar.
Athöfnin fór fram í Slysavarnaskóla sjómanna um borð í Sæbjörgu skólaskipi Slysavarnafélagsins Landsbjargar.
Skrifa athugasemd