Framsóknarmenn leggja fram lista
Fréttatilkynning frá Framsóknarfélagi Austur-Skaftfellinga
Framsóknarfélag Austur-Skaftfellinga boðar til fundar í kvöld, miðvikudaginn 29.mars kl. 20:00 í Kaupfélagshúsinu, Hafnarbraut 2. Á fundinum verða lagðar fram tillögur uppstillinganefndar að framboðslista framsóknarmanna og stuðningmanna þeirra fyrir komandi sveitarstjórnarkosningar sem fram fara 27. maí n.k. Vel hefur gengið að fá fólk til að taka sæti á listanum og er greinilegt að mikill hugur er í frambjóðendum, enda leggja framsóknarmenn og stuðningmenn þeirra störf síðustu fjögurra ára óhræddir í dóm kjósenda.
Við viljum minna á að kosningaskrifstofan, sem er í Kaupfélagshúsinu, Hafnarbraut 2, er opinn á laugardagsmorgnum kl.10-12. Er til fullkomnari leið til að ganga inn í helgina en að kíkja í morgunkaffi framsóknarmanna og stuðningmanna þeirra!
Stjórn Framsóknarfélags Austur-Skaftfellinga
Skrifa athugasemd