Ferðamálanemar

Ferðamálfræðinemar í Nýheimum á ferð um héraðið. (@HÞV)

01.11.2005 Nóvember

Ferðamálfræðinemar á ferð um héraðið

Á laugardag og sunnudag komu sóttu nemar í ferðamálafræði við Háskóla Íslands Hornfirðinga heim. Á laugardag komu þeir m.a. við í þjóðgarðinum í Skaftafelli, á Svínafelli og á Brunnhóli. Á sunnudaginn heimsóttu þau Jöklasýninguna og fengu síðan kynningu í Nýheimum á þremur verkefnum sem miða að því að styrkja ferðaþjónustu í héraðinu. Rannveig Ólafsdóttir, sem skipulagði ferðina og hélt utan um hópinn, kynnti þeim NEST verkefnið, en nýverið var haldinn á vegum NEST verkefnisins fjölþjóðlegur vinnufundur í Koli þjóðgarðinum í Finnlandi þar sem mættu samstarfsaðilar verkefnisins frá Íslandi, Finnlandi, Svíþjóð og Skotlandi. Ari Þ. Þorsteinsson fór yfir klasaverkefnið, en nýlega var ferðaþjónustuklasi SA-lands formlega stofnaður og verkefnahópar myndaðir.

Hjalti Þór Vignisson ræddi að lokum um verkefnið Seljum norðurljósin sem nýverið fékk myndarlegan styrk frá ríkisstjórninni.