Sverrir og Birgir sigurvegarar
Nú er lokið fyrsta móti Bridgefélags Hornafjarðar, Startmótinu. Þetta var tveggja daga mót, þar sem betri dagurinn gildir til sigurs. Seinni daginn mættu 7 pör, sem er nokkuð betra en fyrri daginn og er það vel. Vonandi heldur þessi fjölgun áfram. Staðan seinni daginn er þannig að í 1. sæti urðu Sverrir og Birgir með 1823 stig (65,1%), 2. sæti Grétar og Ásgeir með 1403 stig (50,1%) og í 3. sæti Gunnar og Ingvar með 1384 stig (49,43%). Þar sem betra kvöldið af þessum tveimur gildir til sigurs í mótinu er lokastaðan þannig að í 1. sæti eru Sverrir og Birgir með 65,1% skor, 2. sæti Árni og Sigfinnur með 54,6% skor og í 3. sæti Gunnar og Steinarr með 53,8% skor. Við óskum sigurvegurunum til hamingju.
Næstkomandi sunnudag verður Aðalfundur Bridgefélags Hornafjarðar og nágrennis, og hefst hann stundvíslega kl. 19:30. Eftir Aðalfundinn verður Aðalfundartvímenningurinn spilaður og þess vegna vonumst við til að sjá sem flesta á fundinum.
Skrifa athugasemd