Samningur við útgerð Áskells EA um löndun síldar hjá Skinney
Síðustu dagar hafa verið vindasamir en nú er komið fegursta veður, svo til logn og hiti aðeins yfir frostmarkinu. Í morgun voru nær allir Hornafjarðarbátar farnir á sjó eftir ógæftir undanfarna daga. Vignir Júlíusson á hafnarvoginni sagði að fiskirí hefði verið frekar rólegt undanfarið þá sjaldan hafi gefið til veiða. Skinney Þinganes hefur tekið á móti 1100 tonnum af síld það sem er þessari vertíð. Jóna Eðvalds og Áskell EA 48 sem er systurskip Jónu Eðvalds, fengu síldina á Halamiðum. Gerður hefur verið samningur til fimm ára við útgerð Áskells um löndun síldar hjá Skinney Þinganesi. Í dag er Áskell að veiðum á halanum en Jóna Eðvalds er að leita síldar út af austfjörðum en sú leit hefur lítinn árangur borið enn sem komið er.
Búið er að leggja gömlu Hvanney í ,,krókinn? eins og Sverrir Aðalsteinsson orðaði það, og ekki vitað enn hvað býður hennar. Hafdísi SF verður siglt til Danmerkur þegar veður leyfir en hún hefur verið seld í brotajárn.
Skrifa athugasemd