Magnaðasta flugeldasýning til þessa
Flugeldasýningin á Jökulsárlóni fór fram í gærkvöldi að viðstöddu um 800 manns sem kom víða að. Veður var upp á sitt besta og var Jökulsárlónið upptendrað af stórum kertum sem búið var að dreifa vítt og breitt um lónið sem gaf umhverfinu ævintýrablæ. Á lóninu mátti heyra Zodiac bátana þeytast um er verið var að leggja síðustu hönd á sýninguna. Það var mikil eftirvænting í loftinu og víða máttu heyra lýsingar þeirra sem höfðu séð sýninguna á síðasta ári. Rétt um hálftíma eftir miðnætti þegar myrkrið hafði skollið á varð allt í einu mikil kyrrð sem var síðan var röfin með miklum hvellum og það birti yfir lóninu, sýningin var hafin. Í hálftíma mátti líta augum ljósadýrð sem myndaðist við samspil jökla og flugeldanna sem sprungu víða um lónið sem voru hver öðrum öflugri.
Sýningin endaði síðan á blysfossi sem kom neðan úr Jökulsárbrúnni. Þrátt fyrir mikinn bílafjölda þá gekk umferðin mjög vel fyrir sig og allir komust til síns heima án vandræða.
Sjá myndasafn
Skrifa athugasemd