80 til 90 þúsund skógarplöntum plantað
Í sumar er áætlað að planta 80 – 90 þúsund skógarplöntum í Austur Skaftafellssýslu. Mest verður plantað á Skálafelli í landi Ingibjargar og Torfa, þar verða gróðursettar 40 þúsund plöntur segir Rannveig Einarsdóttir svæðisstjóri hjá Suðurlandsskógum. Þá verður einnig farið að gróðursetja í bæjarlundinn okkar við Drápskletta og ég á von á að starfsfólk Landsbankans komi fyrir helgina til að gróðursetja, þau komu í fyrra með sína maka og börn, höfðu kaffi og nesti meðferðis og áttu þarna skemmtilega útivistarstund saman.
Starfsfólk fleiri fyrirtæki á svæðinu hafa komið og gróðursett og vonandi verða þau enn fleiri í sumar. Þetta er tilvalin útivistarstund fyrir fjölskylduna að koma og setja nokkrar trjáplöntur niður og um leið að taka þátt í þessu skemmtilega verkefni að skapa notalegt útivistarsvæði fyrir okkur öll sem hér búum.
Mótorhjólaklúbburinn hefur fengið æfingarsvæði rétt við skógarlundinn verðandi, og þeir ætla að setja niður trjáplöntur í limgerði umhverfis sitt svæði og gera það virkilega flott. Mánudaginn 21. júní var fimm milljónasta plantan undir merkjum Suðurlandsskóga í landi Hraunskóga ehf. í Ölfusi Suðurlandsskógum. Svæði Suðurlandsskóga nær frá Keflavík og austur í Lón. Á síðasta ári voru tæplega 40 ársverk unnin undir merkjum Suðurlandsskóga, og flest þau störf sem verða til hjá Suðurlandsskógum eru út til sveita.
Skrifa athugasemd