Landsbankinn færði Sindra 20 bolta að gjöf
Útibú Landsbankans á Höfn færði UMF Sindra í dag 20 bolta að gjöf. Boltarnir eru af þrem stærðum og eiga að passa fyrir alla bolta-leikmenn allt frá þeim minnstu upp í þá stærstu. Þetta er einn liður í starfi Landsbankans að styrkja KSÍ bæði í karla og kvennaboltanum í Landsbankadeildinni og þetta kemur í framhaldi af því, segir Jóna Ingólfsdóttir útibústjóri Landsbankans á Hornafirði. Þetta er meðal annars gert til að hvetja unglingana til að taka þátt í íþróttastarfi með Sindra og sýna um leið að við erum lifandi og fylgjumst með þessari miklu starfsemi og þátttöku liðsmanna Sindra, hér á Hornafirði.
Árni Þorvaldsson stjórnarmaður Sindra tók á móti boltunum og vildi hann koma á framfæri þakklæti til Landsbankans á Höfn fyrir þessa frábæru gjöf.
Skrifa athugasemd