Nýsmíði á hita-garðofnum hjá Vélsmiðju Hornafjarðar
Hverjum dreymir ekki um að sitja fyrir framan hitaofn út í garði þegar farið er að kólna á kvöldin. Véladeild Vélsmiðju Hornafjarðar hefur m.a. staðið í nýsmíði og hefur nú um skeið framleitt garð-hitaofna sem smíðaðir eru úr gömlum bobbingum sem sóttir hafa verið út á fjörur og endurnýttir með þessu móti. Ofnarnir eru ýmist smíðaðir úr einum eða tveimur bobbingum með fótum og stórum reikháf, algengasta stærðin er um 3 metrar á hæð. Hægt er að láta sérsmíða hitaofna eftir kröfum hvers og eins. Ofnar sem þessir eru orðnir mjög vinsælir í sumarbústöðum og hita mjög vel í kringum sig enda getur bobbingurinn orðið 300 gráða heitur.
Ekki er búið að gefa framleiðslunni nafn og þeir sem hafa góða hugmynd geta sett sig í samband við Vélsmiðjuna. Í dag starfa 17 manns hjá Vélsmiðjunni þar af 7 í véladeildinni.
Skrifa athugasemd