Sumaráætlun Íslandsflugs tekur gildi í dag
Í dag tekur gildi sumaráætlun Íslandsflugs til Hornafjarðar. Sumaráætlunin gildir frá 24. maí til 31. ágúst. Fjóra daga í viku verður boðið upp á tvö flug á dag, eitt flug verður á sunnudögum en ekkert verður flogið til Hornafjarðar á þriðjudögum og laugardögum. Þeir dagar sem flogið verður tvisvar á dag eru mánudagar, miðvikudagar, fimmtudagar og föstudagar. Fyrra flugið þessa daga er með brottför frá Reykjavík kl. 8:15 og til baka frá Höfn kl. 9:45. Síðara flugið er með brottför frá Reykjavík kl. 16:15 og frá Höfn kl. 17:45. Á sunnudögum verður flogið frá Reykjavík kl. 13:45 og til baka frá Höfn kl. 15:15.
Íslandsflug var stofnað árið 1991 og innanlands er félagið með áætlunarflug til Vestmannaeyja, Hornafjarðar, Sauðárkróks, Bíldudals og Gjögurs og sinnir að auki sjúkraflugi.
Skrifa athugasemd