Ekki okkar helgi, gengur betur næst
Um s.l. helgi kepptu bæði karla og kvennalið Sindra í deildarbikarnum. Meistaraflokkur karla keppti við Víðir Garði á laugardaginn, leikurinn fór fram á Leiknisvellinum og unnu Víðismenn leikinn 4-0. Sindramenn áttu þó sín færi í leiknum og hefðu með smá heppni getað lætt inn 2–3 mörkum. Uppistaðan í leikmannahópnum hjá Sindra voru strákar sem enn eru gjaldgengir í 2. flokk og vonandi herðir þessi reynsla þá og hvetur til dáða á komandi sumri. Björn Pálsson er búin að tilkynna félagaskipti aftur yfir í Sindra og lék með liðinu um helgina ásamt hinum nýja markmanni Sindra, Nezir Ohran frá Bosníu, en félagaskipti hans gengu í gegn á laugardaginn. Eins og áður hefur komið fram er þar á ferðinni góður markmaður og verður hann ekki sakaður um mörkin sem liðið fékk á sig um helgina.
Meistaraflokkur kvenna lék um helgina tvo leiki í deildarbikarnum og var þá mætt á ný til leiks með Sindra, Soffía A. Gunnarsdóttir, en hún hefur tilkynnt félagaskipti í Sindra fyrir komandi sumar. Á laugardaginn spiluðu Sindraskvísur við úrvalsdeildarliði þeirra norðanmanna, Þór/KA/KS og tapaðist sá leikur 14-0 og á sunnudaginn töpuðu þær 8–0 fyrir HK/Víking. Ekki góð úrslit fyrir stelpurnar, en taka verður tillit til þess að leikmannahópur Sindra var mjög fámennur og ungur að árum. Í leiknum á laugardaginn voru tveir varamenn, en engin varamaður var í leiknum á sunnudag. Áfram Sindri
Skrifa athugasemd